مەملەكەتتىك كەڭەستىڭ ءوندىرىس حاۋىپسىزدىگى كوميتەتى كۇنميڭدە تۋىلعان پويەزدىڭ جۇمىس ىستەپ جاتقان ادامداردى سوعىپ كەتۋى شىرعالاڭىن تەكسەرۋگە ارناۋلى قۋزاۋ سالدى 

11 – ايدىڭ 27 – كۇنى تاڭ سارىدە، سىناق جۇرگىزىپ جاتقان پويەز كۇنميڭ قالاسى لوياڭ قالاشىعىنداعى بەكەتتەگى بۇرىلمادان قالىپتى ءوتىپ بارا جاتقان كەزدە، رەلىس ۇستىندە جۇمىس ىستەپ جاتقان جۇمىسشىلاردى سوعىپ كەتىپ، 11 ادام قازا بولىپ، 2 ادام جارالانعان.

مالىمەتتى تاپسىرىپ العان سوڭ، شۇعىل جاعدايلارعا توتەپ بەرۋدى باسقارۋ مينيسترلىگى دەرەۋ ورنالاستىرۋ جاساپ، ادام سانىن دەرەۋ انىقتاۋدى، حاۋىپتى جاعدايدان قۇتقارۋ – كومەكتەسۋ، جارالانعانداردى ەمدەۋ جانە سوڭعى جۇمىستاردى ءبىر جاقتى ەتۋ قاتارلى قىزمەتتەردى كۇش سالا ويداعىداي ىستەۋدى؛ شىرعالاڭنىڭ سەبەبىن، ماسەلەنىڭ جاۋاپكەرشىلىگىن تەز ارادا انىقتاپ، ءبىر ماسەلە ارقىلى وزگە ماسەلەلەردى تۇسپالداپ، وسى تەكتەس شىرعالاڭنىڭ تۋىلۋىنان قاتاڭ ساقتانۋدى تالاپ ەتتى. مەملەكەتتىك كەڭەستىڭ ءوندىرىس حاۋىپسىزدىگى كوميتەتىنىڭ كەڭسەسى مەملەكەتتىك تەمىر جول مەڭگەرمەسىمەن، مەملەكەتتىك تەمىر جول توبىمەن بىرگە بىرلەسكەن قىزمەت گرۋپپاسىن ءىس تۋىلعان جەرگە بارىپ شىرعالاڭدى ءبىر جاقتى ەتۋگە جانە تەكسەرۋ قىزمەتىنە جەتەكشىلىك ەتۋگە جىبەردى.

مەملەكەتتىك كەڭەستىڭ ءوندىرىس حاۋىپسىزدىگى كوميتەتى كەڭسەسى بۇل رەتكى شىرعالاڭدى انىقتاپ ءبىر جاقتى ەتۋگە ارناۋلى قۋزاۋ سالۋدى ۇيعاردى.

(باس ستانسيا ورتالىق تەلەۆيزيا ءتىلشىسى تاڭ گورۋڭ)

كەلۋ قاينارى: حالىق تورابى