نەگىزدىك ەمدەۋ قامسىزداندىرۋىنداعى جاڭا نۇسقاداعى ءدارى – دارمەكتەر تىزىمدىگى تياناقتاندىرىلدى 

2026 – جىلى 1 – ايدىڭ 1 – كۇنىنەن باستاپ، نەگىزدىك ەمدەۋ قامسىزداندىرۋىنداعى جاڭا نۇسقاداعى ءدارى – دارمەكتەر تىزىمدىگى رەسمي اتقارىلدى. ءتىلشىنىڭ 1 – ايدىڭ 8 – كۇنى مەملەكەتتىك ەمدەۋدى قامتاماسىزداندىرۋ مەڭگەرمەسىنەن ۇعىسۋىنشا، قامسىزداندىرۋعا قاتىناسۋشىلار ەمدەۋ قۇرىلىمدارىنان رەتتەلگەن تىزىمدىك بويىنشا جاڭادان قوسىلعان ءدارى – دارمەكتەردى ساتىپ العان.

مەملەكەتتىك ەمدەۋدى قامتاماسىزداندىرۋ مەڭگەرمەسى 1 – ايدىڭ 8 – كۇنى ”نەگىزدىك ەمدەۋ قامسىزداندىرۋى تىزىمدىگىنە“ جاڭادان قوسىلعان ءدارى – دارمەكتەردى بەلگىلەنگەن ەمدەۋ قۇرىلىمدارىندا ساتۋ جاعدايىن (2026 – جىلى 1 – ايدىڭ 1 – كۇنىنەن 1 – ايدىڭ 6 – كۇنىنە دەيىن)“ جاريالاعان، جاڭادان قوسىلعان 114 ءتۇرلى ءدارى – دارمەكتىڭ ىشىندە، جارىمىنان استامىنىڭ ەمدەۋ قۇرىلىمدارىندا ساتىلعانى ەستەلىككە الىنعان.

ەمدەۋ قامسىزداندىرۋىنداعى جاڭا نۇسقاداعى ءدارى – دارمەكتەر تىزىمدىگى اتقارىلعان سوڭ، قامسىزداندىرۋعا قاتىناسقانداردىڭ مەملەكەتتىك ەمدەۋ قامسىزداندىرۋى جاعىندا قىزمەت وتەۋ تەكشەسىنىڭ ”مەملەكەتتىك ەمدەۋ قامسىزداندىرۋىنداعى كەلىسسوز جاسالعان ءدارى – دارمەكتەر ۇلەستىرىلگەن قۇرىلىمداردىڭ تىزىمدىگىن سۇراستىرۋ“ ورنىنان ەمدەۋ قامسىزداندىرۋىنداعى ءدارى – دارمەكتەردىڭ ەمدەۋ قۇرىلىمدارىنا ۇلەستىرىلۋ جاعدايىن سۇراستىرۋىنا بولادى. (ءتىلشى شۇي پىڭحاڭ، پىڭ يۇنجيا)

كەلۋ قاينارى: حالىق تورابى