جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى ءماجىلىس اشتى

شينحۋا اگەنتتىگى، 1 - ايدىڭ 8 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى 1 - ايدىڭ 8 - كۇنى تۇتاس كۇن بويى ءماجىلىس اشىپ، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ قىزمەت مالىمەتىن تىڭدادى، ورتالىق كوميتەت شۋجيچۋىنىڭ قىزمەت بايانداماسىن تىڭدادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.

ءماجىلىس مىنالاردى اتاپ كورسەتتى: پارتيا ورتالىق كوميتەتىنىڭ مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ قىزمەت مالىمەتىن جانە ورتالىق كوميتەت شۋجيچۋىنىڭ قىزمەت بايانداماسىن تىڭداۋى _ پارتيانىڭ باسشىلىق ءتۇزىمى جۇيەسىنە تاباندى بولىپ جانە ونى كەمەلدەندىرىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن مەملەكەتتى جونگە سالۋدىڭ ءار سالاسىندا، ءار جاعىندا، ءار بۋىنىندا تياناقتاندىرۋداعى ماڭىزدى شارا. ”15 - بەسجىلدىق“ كەزىندە ەلىمىزدىڭ دامۋ ورتاسى تەرەڭ دە كۇردەلى وزگەرىستەرگە ءدوپ كەلەدى، قىزمەت مىندەتى جاپالى دا اۋىر، پارتيانىڭ باسشىلىعى سىندى ەڭ ۇلكەن ابزالدىققا ويداعىداي تاباندى بولىپ، ونى ويداعىداي پايدالانىپ، ويداعىداي دامىتىپ، جۇڭگو ۇلگىسىندەگى وسىزامانداندىرۋ قۇرىلىسىن ءتۇبىرلى كەپىلمەن قامداۋ كەرەك. ءماجىلىس بىلاي دەپ قارادى: وتكەن ءبىر جىلدا مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، مەملەكەتتىك ساياسي كەڭەستىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ پارتيا باسشىلىق گرۋپپالارى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتىنىڭ ءار رەتكى جالپى ءماجىلىسىنىڭ رۋحىن مۇقيات دايەكتىلەندىرىپ، تياناقتاندىرىپ، پارتيا مەن مەملەكەت قىزمەتىنىڭ جالپى جاعدايىن تىعىز ارقاۋ ەتىپ، مىندەت اتقارىپ، جاۋاپكەرشىلىكتى ادا ەتىپ، پارتيا باسشىلىق گرۋپپاسىنىڭ وزىندىك قۇرىلىسىن شىنايى كۇشەيتىپ، ءار جاقتاعى قىزمەتتەردە تىڭ تابىستارعا قول جەتكىزدى.

ءماجىلىس بىلاي دەپ قارادى: وتكەن ءبىر جىلدا ورتالىق كوميتەت ساياسي بيۋروسىنىڭ، ورتالىق كوميتەت ساياسي بيۋروسى تۇراقتى كوميتەتىنىڭ باسشىلىعىندا، ورتالىق كوميتەت شۋجيچۋى پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، بەلسەنە مىندەت اتقارىپ، جاۋاپكەرشىلىكتى ادا ەتىپ، پارتيا ورتالىق كوميتەتى تاپسىرعان مىندەتتەردى ورىنداۋ، پارتيا ىشىندەگى زاڭ - ەرەجە، ءتۇزىم قۇرىلىسىن كۇشەيتۋ، بۇقارالىق ۇيىمدار قىزمەتىنە جەتەكشىلىك ەتۋ، ىلگەرىلەتۋ، فورماشىلدىقتى جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ سياقتى جاقتاردا قىرۋار قىزمەت ىستەدى.

ءماجىلىس مىنالاردى باسا دارىپتەدى: بيىل _ جۇڭگو كوممۋنيستىك پارتياسى قۇرىلعاندىعىنىڭ 105 جىلدىعى، ”15 - بەسجىلدىق“ جوبانىڭ باستالعان جىلى. مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، مەملەكەتتىك ساياسي كەڭەستىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ پارتيا باسشىلىق گرۋپپالارى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتىنىڭ ءار رەتكى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، ءتورتىنشى جالپى ءماجىلىستىڭ ورنالاستىرۋلارىن مۇقيات تياناقتاندىرىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا ناقتاپ تياناقتاندىرۋى كەرەك. ”15 - بەسجىلدىق“ كەزىندەگى ەكونوميكالىق، قوعامدىق دامۋدىڭ كەلەلى ستراتەگيالىق مىندەتتەرىن كوزدەپ، ەرىك - جىگەردى بىرلىككە كەلتىرىپ، بىرىككەن كۇش قالىپتاستىرىپ، ءار سالاداعى قىزمەتتەردى بىرگە ىلگەرىلەتىپ، تاماشا باستامانى قۇلشىنا جۇزەگە اسىرۋ كەرەك. دۇرىس ساياسي ناتيجە كوزقاراسىن ورناتىپ جانە امالياتتا ايگىلەپ، حالىق ءۇشىن ساياسي ناتيجە شىعارۋعا، ناقتى ىستەۋ ارقىلى ساياسي ناتيجە شىعارۋعا تاباندى بولۋ كەرەك. پارتيا باسشىلىق گرۋپپاسىنىڭ وزىندىك قۇرىلىسىن كۇشەيتىپ، پارتيانى جاپپاي قاتاڭ جونگە سالۋدىڭ تۇلعالىق جاۋاپكەرشىلىگىن مۇقيات اتقارىپ، وزىندىك توڭكەرىس جاساۋ سانالىلىعى مەن تاباندىلىعىن شىنايى كۇشەيتۋ كەرەك.

ءماجىلىس مىنالاردى باسا دارىپتەدى: جاڭا ءبىر جىلدا ورتالىق كوميتەت شۋجيچۋى پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتىنىڭ ءار رەتكى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، ءتورتىنشى جالپى ءماجىلىستىڭ ورنالاستىرۋىن مۇقيات تياناقتاندىرىپ، ورتالىق كوميتەت ساياسي بيۋروسىنىڭ، ورتالىق كوميتەت ساياسي بيۋروسى تۇراقتى كوميتەتىنىڭ ورنالاستىرۋى جانە تالاپتارىن توڭىرەكتەپ، قىزمەت جاۋاپكەرشىلىگىن تياناق ەتىپ پارتيا ىشىندەگى شوعىرلى تاربيەنى ورىستەتۋگە جەتەكشىلىك ەتۋ، پارتيا ىشىندەگى زاڭ - ەرەجە، ءتۇزىم قۇرىلىسىن كەمەلدەندىرۋ، بۇقارالىق ۇيىمدار قۇرىلىسى مەن رەفورماسى، فورماشىلدىقتى ۇزدىكسىز جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ سياقتى ءتۇيىندى مىندەتتەردى تياناقتاندىرۋدى مىقتى يگەرىپ، پارتيا ورتالىق كوميتەتى تاپسىرعان ءتۇرلى مىندەتتەردى جوعارى ساپامەن ورىنداۋى كەرەك.

كەلۋ قاينارى: حالىق تورابى