شي جينپيڭ تەلەگرامما جولداپ تۇڭلۇننىڭ لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى بولىپ سايلانعاندىعىن قۇتتىقتادى

شينحۋا اگەنتتىگى، 1 - ايدىڭ 8 - كۇنى، بەيجيڭ. 1 - ايدىڭ 8 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ تۇڭلۇنگە تەلەگرامما جولداپ، ونىڭ لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى بولىپ تاعى دا سايلانعاندىعىن قۇتتىقتادى.

شي جينپيڭ قۇتتىقتاۋ تەلەگرامماسىندا بىلاي دەدى: لاوس پارتياسىنىڭ 11 - قۇرىلتايىنان بەرى لاوس پارتيا ورتالىق كوميتەتى لاوس حالقىن ىنتىماقتاستىرىپ جانە باستاپ، ءوز ەلىنىڭ مەملەكەت جاعدايىنا ۇيلەسەتىن سوتسياليستىك دامۋ جولىن بەلسەنە قاراستىرىپ، قيىندىقتاردى جەڭىپ، ۇدەرە العا تارتىپ، پارتيا قۇرىلىسىن ىلگەرىلەتۋ، ەكونوميكانى دامىتۋ، حالىق تۇرمىسىن جاقسارتۋ، سىرتپەن بارىس - كەلىستى كەڭەيتۋ سياقتى جاقتاردا ءبىرسىپىرا ماڭىزدى تابىستارعا قول جەتكىزدى. لاوس پارتياسى 12 - قۇرىلتايىنىڭ جەڭىسپەن اشىلۋى لاوس پارتياسى مەن لاوستىڭ سوتسياليزم ىستەرىنىڭ دامۋىندا بۇرىنعىعا مۇراگەر بولىپ، كەيىنگىگە جول اشۋداي ماڭىزدى مانگە يە. باس شۋجي جولداس باستاعان لاوس پارتيا ورتالىق كوميتەتىنىڭ پارمەندى باسشىلىعىندا، لاوس پارتياسى مەن حالقىنىڭ ءبىر نيەتپەن ىنتىماقتاسىپ، ۇزدىكسىز كۇرەس جۇرگىزىپ، لاوس پارتياسىنىڭ 12 - قۇرىلتايىندا العا قويىلعان ءتۇرلى نىسانا - مىندەتتەردى جەڭىسپەن ورىنداپ، لاوستىڭ سوتسياليزم ىستەرىنىڭ جاڭا جاعدايىن ۇزدىكسىز اشىپ، 2055 - جىلى پارتيا قۇرىلعاندىعىنىڭ 100 جىلدىق كۇرەس نىساناسىنا قاراي ەرلىكپەن العا باسۋىن تىلەيمىن.

جۇڭگو مەن لاوس تاۋ - وزەنى جالعاسقان سوتسياليستىك دوس كورشىلەر. تاياۋ جىلداردان بەرى ەكى جاقتىڭ بىرگە قۇلشىنۋىندا، جۇڭگو - لاوس قارىم - قاتىناسى تاريحتاعى ەڭ جاقسى كەزەڭگە ءوتتى، ستراتەگيالىق مانگە يە جۇڭگو - لاوس تاعدىرلاس ورتاق تۇلعاسى قۇرىلىسى ۇزدىكسىز تەرەڭدەپ، ناقتىلانىپ، ءبىرقىدىرۋ سۇبەلى تابىستارعا قول جەتكىزدى. توڭىرەكتەگى جاعداي مەن دۇنيە ءجۇزىنىڭ وزگەرىس جاعدايى ىشكەرىلەي ىقپالداسقان جاڭا جاعدايدا، مەن باس شۋجي جولداسپەن بىرگە جۇڭگو - لاوس قارىم - قاتىناسىنىڭ دامۋىنا ستراتەگيالىق جەتەكشىلىكتى كۇشەيتىپ، جۇڭگو مەن لاوستىڭ ءداستۇرلى دوستىعىن ساۋلەلەندىرىپ، پارتيانى، مەملەكەتتى جونگە سالۋ تاجىريبەلەرىن اۋىستىرۋدى تەرەڭدەتىپ، ءار سالاداعى ناقتى سەلبەستىكتى كەڭەيتىپ، جۇڭگو - لاوس تاعدىرلاس ورتاق تۇلعاسى قۇرىلىسىنىڭ جوعارى ولشەمگە، جوعارى ساپاعا، جوعارى دەڭگەيگە قاراي ۇزدىكسىز قادام تاستاۋىن ىلگەرىلەتىپ، ەكى ەل حالقىنا ءتىپتى دە زور باقىت جاراتىپ، ءوز - ءوزىنىڭ سوتسياليزم ىستەرىنىڭ دامۋىنا اناعۇرلىم ويداعىداي قىزمەت ەتىپ، ءوڭىردىڭ، ءتىپتى، دۇنيە ءجۇزىنىڭ بەيبىتشىلىگىن، ورنىقتىلىعىن جانە دامىپ، گۇلدەنۋىن جەبەۋگە تىڭ ۇلەس قوسۋدى قالايمىن.

كەلۋ قاينارى: حالىق تورابى