شي جينپيڭ 2026 - جىلعى ”جۇڭگو - افريكا گۋمانيتارلىق اۋىس - كۇيىس جىلىنىڭ“ اشىلۋ سالتىنا قۇتتىقتاۋ حاتىن جولدادى

شينحۋا اگەنتتىگى، 1 - ايدىڭ 8 - كۇنى، بەيجيڭ. 2026 - جىلى 1 - ايدىڭ 8 - كۇنى مەملەكەت ءتوراعاسى شي جينپيڭ 2026 - جىلعى ”جۇڭگو - افريكا گۋمانيتارلىق اۋىس - كۇيىس جىلىنىڭ“ اشىلۋ سالتىنا قۇتتىقتاۋ حاتىن جولدادى.

شي جينپيڭ مىنالاردى اتاپ كورسەتتى: جۇڭگو مەن افريكانىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعى قارساڭىندا ”گۋمانيتارلىق اۋىس - كۇيىس جىلىن“ وتكىزۋ − مەن افريكا باسشىلارىمەن كەلىسكەن ماڭىزدى ورتاق تانىم، جاڭا تاريحي باستامادا جۇڭگو - افريكا دوستىعىن جۇرت جۇرەگىنە اناعۇرلىم تەرەڭ ۇيالاتۋداعى ماڭىزدى شارا.

شي جينپيڭ مىنالاردى باسا دارىپتەدى: وركەنيەتتەردىڭ اۋىس - كۇيىسى، ءوزارا ۇلگى الۋى _ ادامزات وركەنيەتىنىڭ العا باسۋىن جانە دۇنيە ءجۇزىنىڭ بەيبىتشىلىگى مەن دامۋىن ىلگەرىلەتۋدىڭ سارقىلماس قوزعاۋشى كۇشى. مىڭداعان جىلداردان بەرى جۇڭگو مەن افريكا سىندى ەكى ۇلكەن وركەنيەت ءبىر - بىرىنە شۇعىلا شاشىپ، جۇڭگو - افريكا دوستىعىنىڭ تاريحى مەن يدەياسىنىڭ قاينارىنا اينالدى.

شي جينپيڭ مىنالاردى اتاپ كورسەتتى: ەكى جاقتىڭ ”گۋمانيتارلىق اۋىس - كۇيىس جىلىن“ وراي ەتىپ، ءداستۇرلى دوستىقتى جالعاستىرىپ، وركەنيەتتەردىڭ ءوزارا ۇلگى الۋىن كۇشەيتىپ، ادامداردىڭ بارىس - كەلىسىن، اسىرەسە، جاستاردىڭ بارىس - كەلىسىن جيىلەتىپ، ەل باسقارۋ تاجىريبەلەرى اۋىس - كۇيىسىن تەرەڭدەتىپ، وسىزامانداندىرۋدى قول ۇستاسا ىلگەرىلەتىپ، 2 ميلليارد 800 ميلليوننان استام جۇڭگو - افريكا حالقىنىڭ جۇرەكتەرىنىڭ توعىسۋىن، سۇيىسپەنشىلىكتەرىنىڭ توعىسۋىن، كۇش - قۋاتتارىنىڭ توعىسۋىن جەبەپ، دۇنيە ءجۇزىنىڭ وڭتۇستىگىنىڭ دۇنيە جۇزىلىك سايىستارعا ىنتىماقتاسا توتەپ بەرۋىنە، بۇكىل ادامزاتتىڭ ورتاق قۇنىن ساۋلەلەندىرۋىنە، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋىنە جاڭا جۇڭگو - افريكا ۇلەسىن قوسۋىن ءۇمىت ەتەمىن.

كەلۋ قاينارى: حالىق تورابى