مەملەكەتتىك كەڭەس ءوندىرىس حاۋىپسىزدىگى كوميتەتى كەڭسەسى گۇيجوۋدىڭ حىجاڭ قاتىناس شىرعالاڭىن تەكسەرىپ ءبىر جاقتى ەتۋگە ماڭدايشالىق اسىپ قۋزاۋ سالدى

شينحۋا اگەنتتىگىنىڭ 3 – ايدىڭ 23 – كۇنى بەيجيڭنەن بەرگەن حابارى. ءتىلشىنىڭ شۇعىل جاعدايعا توتەپ بەرۋدى باسقارۋ مينيسترلىگىنەن ۇعىسۋىنشا، 3 – ايدىڭ 23 - كۇنى ساعات 7 مولشەرىندە گۇيجوۋ ولكەسى بيجيە قالاسى حىجاڭ اۋدانىندا قاتىناس شىرعالاڭى تۋىلعان، العاشقى تۇراقتاندىرۋعا نەگىزدەلگەندە 2 وقۋشى قازا بولىپ، 11 وقۋشى جارالانعان. مەملەكەتتىك كەڭەس ءوندىرىس حاۋىپسىزدىگى كوميتەتى كەڭسەسى وسى رەتكى شىرعالاڭدى تەكسەرىپ ءبىر جاقتى ەتۋگە ماڭدايشالىق اسىپ قۋزاۋ سالۋدى ۇيعارىپ، گۇيجوۋ ولكەسىنەن شىرعالاڭعا قاراتا تەكسەرۋ دارەجەسىن جوعارىلاتۋدى تالاپ ەتتى.

مالىمەتتى تاپسىرىپ العاننان كەيىن، شۇعىل جاعدايعا توتەپ بەرۋدى باسقارۋ مينيسترلىگىنىڭ قاتىستى جاۋاپتىسى دەرەۋ ورنالاستىرۋ جاساپ، بارلىق ءادىس - امالداردى قولدانا وتىرىپ جارالىلاردى قۇتقارىپ، ءولىم - ءجىتىمدى مۇمكىندىكتىڭ بارىنشا ازايتۋدى، شىرعالاڭنىڭ سەبەبىن تەز ارادا انىقتاپ، جاۋاپكەرشىلىكتى زاڭ بويىنشا قاتاڭ قۋزاستىرۋدى، جاۋاپقا تارتۋدى تالاپ ەتتى. شۇعىل جاعدايعا توتەپ بەرۋدى باسقارۋ مينيسترلىگى وقۋ – اعارتۋ مينيسترلىگىمەن، قوعام حاۋىپسىزدىگى مينيسترلىگىمەن بىرگە قىزمەت گرۋپپاسىن ۇيىمداستىرىپ، ناق مايدانعا بارىپ ءبىر جاقتى ەتۋگە جەتەكشىلىك ەتتى.

كەلۋ قاينارى: حالىق تورابى