شيۇڭ - ان جاڭا رايونىنىڭ فۋنكتسيالىق ورنىن مىقتاپ يگەرىپ، جاڭا داۋىردە جاڭالىق اشۋدىڭ بيىك تۇعىرىن قۇرۋعا جانە جوعارى ساپالى دامۋدى ىلگەرىلەتۋدىڭ ۇلگىسىن ورناتۋعا قۇلشىنۋ كەرەك

3 - ايدىڭ 23 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حىبەيدىڭ شيۇڭ - ان جاڭا رايونىندا قىزمەت تەكسەردى ءارى شيۇڭ - ان جاڭا رايونىنىڭ جوعارى ساپالى قۇرۋ جانە دامىتۋدى ىشكەرىلەي ىلگەرىلەتۋ اڭگىمە ءماجىلىسىن باسقارىپ اشتى. سۋرەتتە: 3 - ايدىڭ 23 - كۇنى تۇستەن كەيىن شي جينپيڭ شيۇڭ - ان جاڭا رايونىنىڭ جوعارى ساپالى قۇرۋ جانە دامىتۋدى ىشكەرىلەي ىلگەرىلەتۋ اڭگىمە ءماجىلىسىن باسقارىپ اشۋدا ءارى ماڭىزدى ءسوز سويلەۋدە.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

3 - ايدىڭ 23 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حىبەيدىڭ شيۇڭ - ان جاڭا رايونىندا قىزمەت تەكسەردى ءارى شيۇڭ - ان جاڭا رايونىنىڭ جوعارى ساپالى قۇرۋ جانە دامىتۋدى ىشكەرىلەي ىلگەرىلەتۋ اڭگىمە ءماجىلىسىن باسقارىپ اشتى.

سۋرەتتە: 3 - ايدىڭ 23 - كۇنى تۇستەن بۇرىن شي جينپيڭ شيۇڭ - ان جاڭا رايونىنا ىرگە تەپكەن جانە سالىنىپ جاتقان سەيىلتۋ ورىندارىنداعى كادر، جۇمىسشى - قىزمەتكەرلەردىڭ ۋاكىلدەرىمەن ىقىلاسپەن اڭگىمەلەسۋدە.

سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن

3 - ايدىڭ 23 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حىبەيدىڭ شيۇڭ - ان جاڭا رايونىندا قىزمەت تەكسەردى ءارى شيۇڭ - ان جاڭا رايونىنىڭ جوعارى ساپالى قۇرۋ جانە دامىتۋدى ىشكەرىلەي ىلگەرىلەتۋ اڭگىمە ءماجىلىسىن باسقارىپ اشتى. سۋرەتتە: 3 - ايدىڭ 23 - كۇنى تۇستەن بۇرىن شي جينپيڭ بەيجيڭ 4 - ورتا مەكتبى شيۇڭ - ان مەكتەپ رايونىندا قىزمەت تەكسەرگەن كەزدە كلاسقا كىرىپ وقىتۋشى - وقۋشىلارمەن ىقىلاسپەن اڭگىمەلەسۋدە.

سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

«حالىق گازەتى»، 3 - ايدىڭ 23 - كۇنى، شيۇڭ - ان جاڭا رايونى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 23 - كۇنى حىبەيدىڭ شيۇڭ - ان جاڭا رايونىندا قىزمەت تەكسەرىپ، شيۇڭ - ان جاڭا رايونىنىڭ جوعارى ساپالى قۇرۋ جانە دامىتۋدى ىشكەرىلەي ىلگەرىلەتۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى.

ول بىلاي دەپ باسا دارىپتەدى: شيۇڭ - ان جاڭا رايونىنىڭ بەيجيڭنىڭ استاناعا جاتپايتىن فۋنكتسيالارىن سەيىلتۋدەگى شوعىرلى تۇردە ۇستىنە الاتىن ورىن بولۋ سىندى باستى فۋنكتسيالىق ورنىن مىقتاپ يگەرىپ، ستراتەگيالىق تاباندىلىق پەن تاريحي توزىمدىلىكتى ساقتاپ، يدەيانى ونان ارى ازات ەتىپ، وي جەلىسىن كەڭەيتىپ، سايكەستىكتى كۇشەيتىپ، بىرىككەن كۇش ۇيىستىرىپ، رەفورما جاساپ، جاڭالىق اشۋدى جەتەكشى ەتىپ، ىشكى دامۋدىڭ قوزعاۋشى كۇشىن نىعايتىپ، فاكتور بايلىعىنىڭ ۇيلەسىمدى شوعىرلانۋىن ءتۇيىن ەتىپ، جاڭا رايوننىڭ ومىرشەڭدىك كۇشىن قاۋلاتىپ، جاڭا داۋىردە جاڭالىق اشۋدىڭ بيىك تۇعىرىن قۇرۋعا جانە جوعارى ساپالى دامۋدى ىلگەرىلەتۋدىڭ ۇلگىسىن ورناتۋعا قۇلشىنۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسە مەڭگەرمەسىنىڭ مەڭگەرۋشىسى ساي چي، جۇڭگو كوممۋنيستىك پارتياسى ورتال‍ىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ تەكسەرۋدە بىرگە بولدى ءارى اڭگىمە ماجىلىسىنە قاتىناستى.

3 - ايدىڭ 23 - كۇنى تۇستەن بۇرىن شي جينپيڭ شيۇڭ - ان جاڭا رايونىنا جەتكەننەن كەيىن، حىبەي ولكەلىك پارتكومنىڭ شۋجيى ني يۋەفىڭنىڭ، ولكە باستىعى ۋاڭ جىڭپۋدىڭ سەرىك بولۋىندا اۆتوكولىكپەن جول بويى ىسكە قوسۋ رايونى قۇرىلىسىنىڭ اياق الىسىن كوزدەن كەشىردى. ول جاڭا رايون قۇرىلىسىنىڭ تارتىپپەن ىلگەرىلەتىلىپ، تاسقىنداعان ومىرشەڭدىك كۇشتىڭ جارىققا شىققاندىعىن كورىپ تۇراقتاندىردى.

وسىدان كەيىن شي جينپيڭ جۇڭگو حۋانىڭ توبى شەكتى سەرىكتەستىگىنە كەلىپ قىزمەت تەكسەردى. 2025 - جىلى 10 - ايدا حۋانىڭ توبىنىڭ باس شتابى مەن قاتىستى بولىمشە سەرىكتەستىكتەردەگى 1000 نان استام قىزمەتكەر شيۇڭ - ان جاڭا رايونىنا كوشىپ كىرگەن بولاتىن. شي جينپيڭ كاسىپورىننىڭ جۇمىس جۇرگىزۋدى باقىلاۋ - مەڭگەرۋ جانە شۇعىل جاعدايعا توتەپ بەرۋگە قولباسشىلىق ەتۋ ورتالىعىنا بارىپ، كاسىپورىننىڭ كوشىرۋ، كاسىپ سالاسىن ورنالاستىرۋ، جاڭالىق اشا دامۋ سياقتى جاعدايلارى جونىندەگى تانىستىرۋدى تىڭداپ، كاسىپورىننىڭ ناقتى ۋاقىتتاعى اينالىم ساندى مالىمەتى مەن الىس ارالىقتى كەسكىنىن كوردى. ول بىلاي دەپ باسا دارىپتەدى: شيۇڭ - ان جاڭا رايونىنا كوشىپ كىرۋدى وراي ەتىپ، كاسىپورىن كادرلارى مەن جۇمىسشى - قىزمەتكەرلەرىنىڭ جاڭالىق اشۋ، شارۋاشىلىق قۇرۋ بەلسەندىلىگىن، ىرىقتىلىعىن تاسقىنداتىپ، جاڭاشا ەنەرگيا جۇيەسىن جەدەل قۇرۋعا، ەنەرگيادا قۋاتتى ەل قۇرۋعا تىڭ ۇلەس قوسۋ كەرەك.

سەرىكتەستىكتىڭ 1 - قاباتىنداعى زالدا شي جينپيڭ شيۇڭ - ان جاڭا رايونىنا ىرگە تەپكەن جانە سالىنىپ جاتقان سەيىلتۋ ورىندارىنداعى كادر، جۇمىسشى - قىزمەتكەرلەردىڭ ۋاكىلدەرىمەن ىقىلاسپەن اڭگىمەلەسىپ، ولاردىڭ قىزمەت، تۇرمىس جاعدايلارىن سۇراستىرىپ، كوپشىلىكتىڭ جاڭا رايون قۇرىلىسىنىڭ دامۋى ءۇشىن كورسەتكەن قۇلشىنىستارىن تۇراقتاندىرىپ، ولاردىڭ جاڭا رايوننىڭ قۇنارلى توپىراعىنا تامىر تارتىپ، اقىل - پاراساتىن بەلسەنە ارناۋىن ءۇمىت ەتتى. ول بىلاي دەدى: كوپشىلىك شيۇڭ - ان تۇرعىنى بولعانىن ماقتانىش سەزىنىپ، اتويلاپ الدا ءجۇرىپ، نىق قاداممەن ءىس تىندىرىپ، شارۋاشىلىق قۇرىپ، شيۇڭ - اننىڭ كوركەم بولاشاعىن بىرگە جاراتۋى كەرەك.

بەيجيڭ قالاسى كومەكتەسىپ سالعان بەيجيڭ 4 - ورتا مەكتەبى شيۇڭ - ان مەكتەپ رايونى 2023 - جىلى 8 - ايدا پايدالانۋعا بەرىلدى، قازىر 380 نەشە وقۋشى بار. وقىتۋ عيماراتىندا وقۋشىلار ساباق وقىپ جاتىر. شي جينپيڭ ورتالاۋ 1 - جىلدىق 2 - كلاسىنىڭ ساباقحاناسىنا كىرىپ، وقىتۋشى - وقۋشىلارمەن اڭگىمەلەسىپ، وقىتۋ جاعدايىن ۇعىستى. ول بەيجيڭ 4 - ورتا مەكتەبىنىڭ مەكتەپ قۇرۋداعى جاقسى تاجىريبەلەرىن، جاقسى ادىستەرىن الا كەلىپ، بالالاردىڭ دەنساۋلىعىن دەن قويا، سۇيىسپەنشىلىكپەن قورعاپ، بالالاردىڭ جان - جاقتى جەتىلۋىن جەبەۋدى ءۇمىت ەتتى.

مەكتەپ اسحاناسىندا شي جينپيڭ تاماقتانۋ ورتاسى، كوكونىس ءتۇرى سياقتىلاردى كوردى، وقۋشىلارعا بەرىلەتىن ازىق - تۇلىكتىڭ حاۋىپسىزدىگى مەن قورەكتىگىنە، ءسوز جوق، شىنايى كەپىلدىك ەتۋدى تاپسىردى. مەكتەپتەن اتتاناردا وقىتۋشى - وقۋشىلار باس شۋجيگە جاپىرلاي امانداستى، شي جينپيڭ بالالاردى ەكپىندەي ىلگەرىلەپ، بەلسەنە العا ۇمتىلىپ، شيۇڭ - ان جاڭا رايونىمەن بىرگە ەسەيىپ - ەرجەتىپ، جۇڭگو ۇلگىسىندەگى وسىزامانداندىرۋمەن بىرگە دامۋعا شابىتتاندىردى.

3 - ايدىڭ 23 - كۇنى تۇستەن كەيىن شي جينپيڭ شيۇڭ - ان جاڭا رايونىنىڭ جوعارى ساپالى قۇرۋ جانە دامىتۋدى ىشكەرىلەي ىلگەرىلەتۋ اڭگىمە ءماجىلىسىن باسقارىپ اشتى. مەملەكەتتىك دامۋ جانە رەفورما كوميتەتىنىڭ مەڭگەرۋشىسى جىڭ شانجيە، حىبەي ولكەلىك پارتكومنىڭ شۋجيى ني يۋەفىڭ، شيۇڭ - ان جاڭا رايونى پارتيا قىزمەتى كوميتەتىنىڭ شۋجيى جاڭ گوحۋا ىلگەرىندى - كەيىندى لەبىز ءبىلدىردى. بەيجيڭ قالاسىنداعى، تيانجين قالاسىنداعى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار جازباشا ءسوز تاپسىردى.

كوپشىلىكتىڭ ءسوزىن تىڭداعان سوڭ، شي جينپيڭ ماڭىزدى ءسوز سويلەدى.

ول بىلاي دەپ باسا دارىپتەدى: پارتيا ورتالىق كوميتەتىنىڭ پارمەندى باسشىلىعىندا، ءار جاقتىڭ بىرگە قۇلشىنۋىندا، شيۇڭ - ان جاڭا رايونىن قۇرۋ جانە دامىتۋدا كەلەلى كەزەڭدىك تابىستارعا قول جەتكىزىلدى. اماليات پارتيا ورتالىق كوميتەتىنىڭ شيۇڭ - ان جاڭا رايونىن قۇرۋ جونىندەگى شەشىمىنىڭ بۇكىلدەي دۇرىس ەكەندىگىن، ءار جاقتاعى قىزمەتتىڭ تىڭعىلىقتى، ءونىمدى بولعاندىعىن تولىق دالەلدەدى.

شي جينپيڭ بىلاي دەپ اتاپ كورسەتتى: شيۇڭ - ان جاڭا رايونىن جوعارى ساپالى قۇرۋ جانە دامىتۋدى ىشكەرىلەي ىلگەرىلەتۋدە، ءسوز جوق، جاڭا رايوننىڭ فۋنكتسيالىق ورنىنا تاباندى بولىپ، بەيجيڭنىڭ استاناعا جاتپايتىن فۋنكتسيالارىن سەيىلتۋ مەن قابىلداۋدى اناعۇرلىم پارمەندى، ءتارتىپتى ىلگەرىلەتۋ كەرەك. ورتالىققا قاراستى كاسىپورىنداردىڭ، جوعارى مەكتەپتەردىڭ، شيپاحانالاردىڭ سەيىلتۋ نىسان قۇرىلىستارىن بەلسەنە، ورنىقتى، توپقا ءبولىپ ىلگەرىلەتىپ، فينانس قۇرىلىمدارىن، عىلمي زەرتتەۋ ورىندارىن، ءىسورىنداردى سەيىلتۋدى تارتىپپەن ىلگەرىلەتىپ، سەيىلتىلگەن ورىنداردىڭ اناعۇرلىم جاقسى دامۋىن قولداۋ كەرەك. سەيىلتۋ نىساندارىن، قىزمەتكەرلەرىن ساياساتتىق قامتاماسىزداندىرۋدى جانە ولارعا قىزمەت وتەۋدى كۇشەيتىپ، سەيىلتۋ نىساندارىنا جەتەكشىلىك ەتۋ، قولداۋ كورسەتۋ ارقىلى جاڭا رايوننىڭ، سونداي - اق توڭىرەكتەگى وڭىرلەردىڭ دامۋىنا دەم بەرۋ كەرەك.

شي جينپيڭ بىلاي دەپ باسا دارىپتەدى: شيۇڭ - ان جاڭا رايونىنىڭ جالپىلىق كوتەرىمدىلىك قۋاتىن ۇزدىكسىز جوعارىلاتۋدا، ءسوز جوق، جۇيەلى جوسپارلاپ، جوعارى ساپالى قۇرۋ جانە جوعارى ءونىمدى جونگە سالۋدى ءبىر تۇتاس ويداعىداي يگەرۋ كەرەك. ريتىم مەن ۋاقىت ءتارتىبىن عىلمي يگەرىپ، كۇشتى شوعىرلاندىرا وتىرىپ ىسكە قوسۋ رايونى، باستالۋ رايونى سياقتى قۇرىلىستاردى ىلگەرىلەتىپ، ”شيۇڭ - ان ساپاسىن“ قۇلشىنا جاراتۋ كەرەك.

پارتيا قۇرىلىسى ارقىلى جاڭا رايوندى جونگە سالۋعا جەتەكشىلىك ەتۋگە تاباندى بولىپ، الەۋمەتتىك قىزمەت وتەۋ جۇيەسىن كەمەلدەندىرىپ، حالىق تۇرمىسىن كۇش سالا قامتاماسىز ەتىپ جانە جاقسارتىپ، بولاشاققا بەت العان زەردەلى قالانى باسقارۋ ۇلگىسى جونىندە بەلسەنە ىزدەنىس جاساپ، اسپانى اشىق، جەرى جاسىل، سۋى تۇنىق كورىكتى شيۇڭ - ان قۇرۋ كەرەك.

شي جينپيڭ بىلاي دەپ اتاپ كورسەتتى: شيۇڭ - ان جاڭا رايونى رەفورما جاساپ، جاڭالىق اشۋدى قوزعاۋشى كۇش ەتىپ، عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭ توعىسۋىن ىلگەرىلەتىپ، جاڭاشا وندىرگىش كۇشتەردى جەرگىلىكتى جاعدايعا قاراي دامىتىپ، جاڭا رايوننىڭ ءىس جۇزىندىگىنە ۇيلەسەتىن وسىزاماندانعان كاسىپ سالاسى جۇيەسىن جەتىلدىرۋ كەرەك. شيۇڭ - ان جۇڭگۋانسۇن عىلىم - تەحنيكا باقشاسىن جوعارى دەڭگەيدە قۇرىپ، عىلىم - تەحنيكالىق جاڭالىق اشۋدىڭ اناعۇرلىم كوپ جەتىستىكتەرىنىڭ كادەگە جاراپ تياناقتانۋىن ىلگەرىلەتۋ كەرەك. جاڭادان گۇلدەنگەن كاسىپ سالالارى مەن بولاشاقتاعى كاسىپ سالالارىنىڭ شوعىرلى دامۋىن ىلگەرىلەتىپ، وندىرىستىك قىزمەت وتەۋ كاسىبىن بەلسەنە دامىتىپ، ءداستۇرلى كاسىپ سالالارىن جاڭالاۋعا، دارەجەسىن جوعارىلاتۋعا قولداۋ كورسەتۋ كەرەك. جۇرەكتىلىكپەن ىزدەنىس جاساپ، الدىمەن اتقارىپ، الدىمەن سىناق ەتىپ، عىلىم - تەحنيكا، فينانس سياقتى سالالاردا جاڭالىق اشۋ ساياساتتارىنىڭ الدىمەن تياناقتانۋىن ىلگەرىلەتىپ، بازارلانعان، زاڭمەن جونگە سالىناتىن، حالىقارالانعان شارۋاشىلىق - ساۋدا ورتاسىن كۇش سالا قالىپتاستىرۋ كەرەك.

شي جينپيڭ بىلاي دەپ باسا دارىپتەدى: پارتيانىڭ باسشىلىعى مەن پارتيا قۇرىلىسىن كۇشەيتىپ، دۇرىس قىزمەت ناتيجەسى كوزقاراسىن بەرىك ورناتىپ، ىشكەرىلەي امالياتتا ايگىلەپ، ستيلى پاك، سالتى دۇرىس ساياسي ەكولوگيا قالىپتاستىرۋ كەرەك. قاتىستى جاقتار جالپى جاعداي تانىمىن، جاۋاپكەرشىلىك تانىمىن كۇشەيتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ءىس جۇزىندىك ارەكەتپەن ويداعىداي تياناقتاندىرىپ، شيۇڭ - ان جاڭا رايونىن جوعارى ساپالى قۇرۋ جانە دامىتۋعا قولداۋ كورسەتۋى كەرەك. شيۇڭ - ان جاڭا رايونىنداعى قالىڭ كادرلار جاۋاپكەرشىلىكتى باتىلدىقپەن ارقالاپ، تياناقتاندىرۋدى بىلەك سىبانا يگەرىپ، پارتيا مەن حالىققا تولىمدى جاۋاپ قايتارۋعا قۇلشىنۋى كەرەك.

لي چياڭ سوزىندە مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، ”مىڭ جىلدىق ۇلى جوبانىڭ“ ستراتەگيالىق تاباندىلىعىن ساقتاۋمەن بىرگە، ۋاقىتپەن جارىساتىن ارىنمەن شيۇڭ - ان جاڭا رايونىن جوعارى ساپالى قۇرۋ جانە دامىتۋدى ىشكەرىلەي ىلگەرىلەتۋ كەرەك. بەيجيڭنىڭ استاناعا جاتپايتىن فۋنكتسيالارىن سەيىلتۋگە كۇش سالۋ جاعىندا تىڭ ىلگەرىلەۋشىلىكتەرگە قول جەتكىزىپ، سەيىلتۋ قوزعاۋشى كۇشى مەن ۇلاستىرۋ تارتىلىس كۇشىن ارتتىرۋ كەرەك.

قالانىڭ ءمانىن بايىتۋ، قالانىڭ يقۋاتىن جوعارىلاتۋ جاعىندا تىڭ ناتيجە جاراتۋعا كۇش سالىپ، الەۋمەتتىك قىزمەت وتەۋدى جەدەل كەمەلدەندىرىپ، بىرەگەي كاسىپ سالاسى ەكولوگياسىن قالىپتاستىرىپ، جاڭا داۋىردە جاڭالىق اشۋدىڭ بيىك تۇعىرىن قالىپتاستىرۋ كەرەك. بەيجيڭدى، تيانجيندى، حىبەيدى سايكەستىرە دامىتۋدى جەبەۋ جاعىندا تىڭ ىسكەرلىك كورسەتۋگە كۇش سالىپ، ءار جاقتىڭ ابزالدىعىن شوعىرلاندىرىپ، رەفورما ىزدەنىسىن كۇشەيتىپ، وڭىرلەردىڭ جەتەكشىلىك ەتۋ، جەتەكتەۋ رولىن ساۋلەلەندىرۋ كەرەك.

ديڭ شۋەشياڭ سوزىندە مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ورايدى مىقتى يگەرىپ، قولايلى ساتتەن پايدالانىپ العا ۇمتىلىپ، شيۇڭ - ان جاڭا رايونىنىڭ دامۋعا جاڭالىق اشۋ ارقىلى دەم بەرۋ ستراتەگياسىن جاپپاي تياناقتاندىرۋىن ىلگەرىلەتىپ، وڭىرلىك سايكەستى جاڭالىق اشۋ تورىمەن ىشكەرىلەي توعىسىپ، بەيجيڭ (بەيجيڭ، تيانجين، حىبەي) حالىقارالىق عىلىم - تەحنيكادا جاڭالىق اشۋ ورتالىعىنىڭ ماڭىزدى تىرەگىن بەلسەنە قالىپتاستىرۋ كەرەك؛ جوعارى مەكتەپتەردىڭ، عىلمي زەرتتەۋ ورىندارىنىڭ شوعىرلانۋ ارتىقشىلىعىن ساۋلەلەندىرىپ، ءوندىرۋ، وقىتۋ، زەرتتەۋدى توعىستىرىپ جاڭالىق اشۋدى جەبەپ، وقۋ - اعارتۋ، عىلىم - تەحنيكا دارىندىلارىنىڭ ءبىر تۇلعالانىپ دامۋىن جوعارى دەڭگەيدە ىلگەرىلەتۋ؛ جاڭالىق اشۋدىڭ بىرەگەي ەكولوگياسىن دەن قويا جەتىلدىرىپ، جاڭا گۇلدەنگەن كاسىپ سالالارى مەن بولاشاق كاسىپ سالالارىنىڭ دامۋىن جەدەلدەتىپ، شيۇڭ - ان جاڭا رايونىن جوعارى ساپالى قۇرۋ جانە دامىتۋدىڭ تىڭ ساتىعا كوتەرىلۋىن ىلگەرىلەتۋ كەرەك.

حى ليفىڭ قاتارلىلار قىزمەت تەكسەرۋدە بىرگە بولدى ءارى اڭگىمە ماجىلىسىنە قاتىناستى، يىن لي، چىن مين - ىر، ۋ جىڭلۇڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى، ارميانىڭ قاتىستى ورىندارىنداعى، بەيجيڭ قالاسىنداعى، تيانجين قالاسىنداعى، حىبەي ولكەسىندەگى، شيۇڭ - ان جاڭا رايونىنداعى، قاتىستى كاسىپورىندارداعى جاۋاپتى جولداستار قاتارلىلار اڭگىمە ماجىلىسىنە قاتىناستى.