شي جينپيڭ تەلەگرامما جولداپ تۇڭلۇننىڭ لاوستىڭ مەملەكەت ءتوراعاسى بولىپ قايتا سايلانعاندىعىن قۇتتىقتادى

شينحۋا اگەنتتىگى، 3 - ايدىڭ 23 - كۇنى، بەيجيڭ. 3 - ايدىڭ 23 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ تۇڭلۇنگە تەلەگرامما جولداپ، ونىڭ لاوستىڭ مەملەكەت ءتوراعاسى بولىپ قايتا سايلانعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو - لاوس ەكى ەل _ تاعدىرى ءبىر سوتسياليستىك دوس كورشىلەر، ەكى جاق باستان - اياق ءبىر - بىرىنە ادال بولىپ، ءوزارا قارايلاسىپ، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىرىن - ءبىرى باتىل قولدادى، بۇل ”جولداستىق ۇستىنە باۋىرلاستىق“ تەرەڭ سۇيىسپەنشىلىكتى ايگىلەدى. 2026 - جىل _ جۇڭگو مەن لاوستىڭ ديپلوماتيالىق قارىم - قاتىناس ورناتقاندىعىنىڭ 65 جىلدىعى جانە ”جۇڭگو - لاوس دوستىق جىلى“، ەكى جاق جەلىلەس قۇتتىقتاۋ قيمىلدارىن وتكىزىپ، ەكى ەل حالقىنىڭ دوستىعىن نىعايتۋعا تىڭ قوزعاۋشى كۇش قوسۋى كەرەك.

شي جينپيڭ بىلاي دەپ باسا دارىپتەدى: بيىل − جۇڭگونىڭ ”15 - بەسجىلدىعىنىڭ“ جانە لاوستىڭ ”10 - بەسجىلدىعىنىڭ“ باستاما جىلى، ەكى ەل دە دامۋ مەن گۇلدەنۋدىڭ شەشۋشى كەزەڭىندە تۇر، ەكى جاقتىڭ ءوزارا ءتيىمدى سەلبەستىگى اناعۇرلىم كەڭ بولاشاقتى قارسى الدى. مەن جۇڭگو - لاوس ەكى پارتياسىنىڭ، ەكى ەلدىڭ قارىم - قاتىناسىنىڭ دامۋىنا ايرىقشا ءمان بەرەمىن، باس شۋجي، مەملەكەت ءتوراعاسى تۇڭلۇنمەن بىرگە قۇلشىنىپ، ەكى ەلدىڭ جان - جاقتى ستراتەگيالىق سەلبەستىگىنىڭ جاڭا جوباسىن كەسكىندەپ، جۇڭگو - لاوس تاعدىرلاس ورتاق تۇلعاسى قۇرىلىسىنىڭ اناعۇرلىم جوعارى دەڭگەيگە كوتەرىلۋىن ىلگەرىلەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى، ءوڭىردىڭ بەيبىتشىلىگى مەن دامۋىنا اناعۇرلىم كوپ تيىمدىلىك جەتكىزۋدى قالايمىن.

سول كۇنى مەملەكەتتىك كەڭەستىڭ زۇڭليى لي چياڭ تەلەگرامما جولداپ، سۇڭ سايدىڭ لاوس ۇكىمەتىنىڭ زۇڭليى بولىپ قايتا سايلانعاندىعىن قۇتتىقتادى، ەكى جاقتىڭ ءارقايسى تاراۋلارىنىڭ، ءارقايسى جەرلەردىڭ اۋىس - كۇيىستى، سەلبەستىكتى كۇشەيتۋىنە بىرگە جەتەكشىلىك ەتىپ، جۇڭگو - لاوس تاعدىرلاس ورتاق تۇلعاسى قۇرىلىسىندا اناعۇرلىم مول تابىسقا قول جەتكىزۋدى ىلگەرىلەتۋدى قالايتىندىعىن ءبىلدىردى.