اۋىل شارۋاشىلىعى جانە اۋىل – قىستاق مينيسترلىگى قاتارلى جەتى تاراۋ 2026 - جىلعى كوكتەمگى ەگىس جۇمىسىنا دايىندالۋ مەزگىلىندە جالعان – جارامسىز اۋىل شارۋاشىلىعى قۇرال – جابدىقتارىن جاساۋ مەن ساتۋعا سوققى بەرۋ جونىندە ورنالاستىرۋ جاسادى

ورتالىق تەلەۆيزيا تورابىنىڭ حابارى: 3 – ايدىڭ 23 – كۇنى، اۋىل شارۋاشىلىعى جانە اۋىل – قىستاق مينيسترلىگى، ەڭ جوعارى حالىق سوتى، ەڭ جوعارى حالىق پروكۋراتۋراسى، ونەركاسىپ جانە ينفورماتسيالاندىرۋ مينيسترلىگى، قوعام حاۋىپسىزدىگى مينيسترلىگى، بازاردى باقىلاۋ – باسقارۋ باس مەڭگەرمەسى، جۇڭحۋا مەملەكەتتىك قامداۋ – ساتۋ سەلبەستىك باس كوپەراتيۆى قاتارلى جەتى تاراۋ بەيجيڭدە بىرلەسكەن بەينە كەسكىن ءماجىلىسىن اشىپ، 2026 – جىلعى كوكتەمگى ەگىس جۇمىسىنا دايىندالۋ مەزگىلىندە جالعان – جارامسىز اۋىل شارۋاشىلىعى قۇرال – جابدىقتارىن جاساۋ مەن ساتۋعا سوققى بەرۋ قىزمەتى جونىندە ورنالاستىرۋ جاساعان.

ماجىلىستە مىنالار باسا دارىپتەلدى: بيىل ”15 – بەسجىلدىق“ جوبانىڭ باستاما جىلى، جالعان – جارامسىز اۋىل شارۋاشىلىعى قۇرال – جابدىقتارىن جاساۋ مەن ساتۋ ارەكەتىنە كۇش سالا ويداعىداي سوققى بەرىپ، اۋىل شارۋاشىلىعى قۇرال – جابدىقتارىمەن قامداۋعا كەپىلدىك ەتۋدى ۇزدىكسىز ويداعىداي ىستەپ، استىق حاۋىپسىزدىگىن جانە اۋىل شارۋاشىلىعى ءوندىرىسىن ويداعىداي قورعاۋ كەرەك. قازىر كوكتەمگى ەگىس جۇمىسى وڭتۇستىكتەن سولتۇستىككە قاراي تارتىپپەن ورىستەتىلە باستادى، ارناۋلى تۇردە ءبىر – بىرلەپ تەكسەرۋ جۇرگىزۋدى جەدەل ورىستەتىپ، كوكتەمگى ەگىس جۇمىسىنا قاجەتتى اۋىل شارۋاشىلىعى قۇرال – جابدىقتارىمەن قامداۋدى كۇشەيتىپ، اۋىل شارۋاشىلىعى قۇرال – جابدىقتارىنىڭ ساپاسىنىڭ تولىمدىلىعىنا كەپىلدىك ەتۋ كەرەك. اۋىل شارۋاشىلىعى قۇرال – جابدىقتارىنا قاتىستى ”الدامكوستەر توبى“، تيىم سالىنعان نەمەسە شەكتەمە قويىلعان اۋىل شارۋاشىلىعى دارىلەرىن زاڭسىز ءوندىرۋ، تيجارات ەتۋ، پايدالانۋ، ولشەمگە تولمايتىن سۋلياۋ جارعاق قاتارلى ماسەلەلەرگە باعىتتاي وتىرىپ ارناۋلى جونگە سالۋدى ورىستەتىپ، اۋىل شارۋاشىلىعى قۇرال – جابدىقتارىن ينتەرنەت ارقىلى ساتۋدى باقىلاۋ – باسقارۋدى سايكەسە ىلگەرىلەتىپ، ۇلگى الىپ تەكسەرۋ جۇرگىزۋ مەن زاڭ اتقارۋ – دەلو ءبىتىرۋ تەبىنىن شىنايى كۇشەيتىپ، زاڭعا قايشى تيپتىك دەلولاردى دەر كەزىندە جاريالاپ، زاڭ بويىنشا قاتاڭ جازالاۋ سىندى جوعارى قىسىمدى اۋقىمدى قالىپتاستىرىپ، اۋىل شارۋاشىلىعى قۇرال – جابدىقتارى بازارىنىڭ ءتارتىبىن اناعۇرلىم جۇيەگە ءتۇسىرۋ كەرەك.

كەلۋ قاينارى: حالىق تورابى