وقۋ – اعارتۋ مينيسترلىگى: وقۋشىلاردىڭ مەكتەپكە بارىپ – كەلۋىندەگى ءجۇرىس – تۇرىس حاۋىپسىزدىگى شىنايى قامتاماسىزداندىرىلادى 

ءتىلشىنىڭ 3 - ايدىڭ 25 – كۇنى وقۋ – اعارتۋ مينيسترلىگى ۇيىمداستىرعان 2026 – جىلعى بۇكىل ەلىمىزدەگى ورتا، باستاۋىش مەكتەپتەردەگى، بالالار باقشالارىنداعى حاۋىپسىزدىك قىزمەتى جونىندەگى بەينە كەسكىن ماجىلىسىنەن ۇعىسۋىنشا، 2026 – جىلى وقۋ – اعارتۋ مينيسترلىگى قاتىستى تاراۋلارمەن بىرگە وقۋشىلاردىڭ قاتىناس حاۋىپسىزدىگىن جوعارىلاتۋ ارەكەت جوسپارىن (2023—2026) ىشكەرىلەي اتقارىپ، وقۋشىلاردىڭ مەكتەپكە بارىپ – كەلۋىندەگى ءجۇرىس – تۇرىس حاۋىپسىزدىگىن شىنايى قامتاماسىزداندىرىپ، وقىتۋشى – وقۋشىلاردىڭ ءجۇرىس – تۇرىسىنىڭ حاۋىپسىز بولۋىن قورعايدى.

قاتىناس حاۋىپسىزدىگىن جونگە سالۋدى كۇشەيتۋ جاعىندا، وقۋ – اعارتۋ مينيسترلىگى اۋىل – قىستاقتارداعى مەكتەپتەردەگى وقۋشىلاردىڭ اۆتوموبيلدەن پايدالانۋ جاعدايىنا ءتۇيىندى نازار اۋدارىپ، قاتىستى تاراۋلاردىڭ زاڭسىز تيجارات جۇرگىزگەن مەكتەپ اۆتوموبيلىن باتىل جونگە سالۋىن ىلگەرىلەتەدى، سونداي – اق، قاتىستى تاراۋلارمەن بىرگە مەكتەپ قاقپاسى الدىنداعى قاتىناس ءتارتىبىن ارناۋلى جونگە سالۋدى ىشكەرىلەي ورىستەتىپ، توڭىرەگىندەگى جول حاۋىپسىزدىگىن باسقارۋ قۇرىلعىلارىن كەمەلدەندىرىپ، مەكتەپ قاقپاسى الدىندا ساقتاندىرۋ رايونىن ورنالاستىرادى ءارى كوتەرۋگە جانە تۇسىرۋگە بولاتىن دىڭگەكتى ۇيلەسىمدى ورنالاستىرىپ، مەكتەپ ىشىندە ادام مەن اۆتوموبيلدى ايىرىم باسقارۋدى ورىستەتىپ، وقىتۋشىلاردىڭ، جۇمىسشى - قىزمەتكەرلەردىڭ اۆتوموبيل جۇرگىزۋى مەن توقتاتۋىن تارتىپكە ءتۇسىرىپ، وقىتۋشى – وقۋشىلاردىڭ ءجۇرىس – تۇرىس حاۋىپسىزدىگىن قامتاماسىزداندىرادى.

وقۋشىلاردىڭ سۋعا كەتۋ حاۋىپىنەن ساقتانۋ جاعىندا، وقۋ – اعارتۋ مينيسترلىگى ءتۇيىندى سۋ اۋماعىنا نازاردى شوعىرلاندىرىپ، قاتىستى تاراۋلاردىڭ ەسكەرتۋ بەلگىسىن كەمەلدەندىرۋىن، قورعاۋ قۇرىلعىلارىن ورنالاستىرۋىن، كۇندەلىكتى شارلاپ تەكسەرۋدى كۇشەيتۋىن ىلگەرىلەتىپ، حاۋىپتى دەر كەزىندە بايقاپ، دەر كەزىندە ىشكەرىلەي تەكسەرۋدى ىسكە اسىراتىنىن ءبىلدىردى.

مۇنان سىرت، مەكتەپ اۋلاسىنداعى حاۋىپسىزدىكتى قورعاۋ قۋاتىن جوعارىلاتۋعا نازاردى شوعىرلاندىرادى، وقۋ – اعارتۋ مينيسترلىگى مىنالاردى دا ورتاعا قويدى: مەكتەپتەردىڭ قاقپا كۇزەتشىلەرىن كەزەكشىلىككە ورنالاستىرۋ مەن ىشكى جاقتا شارلاپ تەكسەرۋدى كۇشەيتىپ، مەكتەپتەگى جاتاق عيماراتى، اسحانا، تاجىريبەحانا، مەكتەپ قاقپاسى جانە مەكتەپ توڭىرەگى قاتارلى ءتۇيىندى ورىنداردا جالپى بەتتىك ءبىر – بىرلەپ تەكسەرۋ جۇرگىزۋىنە، مەكتەپتەگى جاتاق عيماراتىنا ءورت كەتۋ حاۋپى، ازىق – تۇلىك حاۋىپسىزدىگى قاتارلى جاقتارداعى شىرعالاڭداردىڭ تۋىلۋىنان قاتاڭ ساقتانۋىنا قۋزاۋ سالۋ؛ بازاردى باقىلاۋ – باسقارۋ تاراۋى قاتارلى تاراۋلارمەن بىرگە مەكتەپ اۋلاسىنىڭ توڭىرەگىندە جالپى بەتتىك جونگە سالۋدى كۇشەيتىپ، مەكتەپ اۋلاسىنىڭ توڭىرەگىندەگى زاڭسىز باسىپ شىعارىلعان باسىلىمدار، تولىمدى بولماعان وقۋ قۇرالدارى مەن ويىنشىقتار، سونداي – اق، بالالاردىڭ دەنساۋلىعىنا زيان جەتكىزەتىن كارتالار، تالەي سىناۋ قالبىرى قاتارلىلاردى اداقتاپ جونگە سالۋ؛ قوعام حاۋىپسىزدىگى ورگاندارى قاتارلى تاراۋلارمەن سەلبەسىپ مەكتەپكە، وقۋشىلارعا قاتىستى تالاس – تارتىستاردى تەكسەرىپ، شەشىم ەتۋ قىزمەتىن ويداعىداي ىستەۋ كەرەك.

كەلۋ قاينارى: حالىق تورابى