ەلىمىز 2030 - جىلعا بارعاندا جوعارى مەكتەپتەردىڭ عىلىم جالپىلاستىرۋ قىزمەتىنىڭ جاپپاي قامتۋىن جۇزەگە اسىرۋدى ىلگەرىلەتتى

شينحۋا اگەنتتىگىنىڭ 2 - ايدىڭ 27 – كۇنى بەيجيڭنەن بەرگەن حابارى. جوعارى مەكتەپتەردىڭ عىلىم جالپىلاستىرۋ ىشكى قوزعاۋشى كۇشىن تاسقىنداتىپ، جوعارى مەكتەپتەردىڭ عىلىم جالپىلاستىرۋ قىزمەتىنىڭ جوعارى ساپالى دامۋىن ىلگەرىلەتۋ ءۇشىن، جۇڭگو عىلىم – تەحنيكا قوعامى، وقۋ – اعارتۋ مينيسترلىگى بىرنەشە كۇننىڭ الدىندا «جوعارى مەكتەپتەردىڭ عىلىم – تەحنيكانى جالپىلاستىرۋ قىزمەتىن اناعۇرلىم كۇشەيتۋ جونىندەگى پىكىردى» باسىپ تاراتىپ، 2030 – جىلعا بارعاندا جوعارى مەكتەپتەردىڭ عىلىم جالپىلاستىرۋ قىزمەتىنىڭ جاپپاي قامتۋىن ورتاعا قويدى.

پىكىرگە نەگىزدەلگەندە، 2030 – جىلعا بارعاندا جوعارى مەكتەپتەردىڭ عىلىم جالپىلاستىرۋ قىزمەت جۇيەسى اناعۇرلىم كەمەلدەنىپ، جوعارى مەكتەپتەردىڭ عىلىم جالپىلاستىرۋ ورنى مەن رولى اناعۇرلىم كورنەكتىلەنىپ، عىلىمي ساپا مەن قابىلەتتى جەتىلدىرۋ بەتالىسى اناعۇرلىم ايقىندالىپ، جوعارى مەكتەپتەردىڭ قوعامدانعان عىلىم جالپىلاستىرۋعا قىزمەت وتەۋ ونىمدىلىگى اناعۇرلىم كورنەكتىلەنىپ، مەملەكەتتىڭ جاڭالىق اشۋ ارقىلى دامۋعا دەم بەرۋىنە قىزمەت وتەۋ ۇلەسى اناعۇرلىم جوعارىلايدى.

جۇڭگو عىلىم - تەحنيكا قوعامى جاستار مەن ورەندەر عىلىم - تەحنيكا ورتالىعىنىڭ جاۋاپتىسى بىلاي دەدى: بۇل نىسانانىڭ ماقساتى جوعارى مەكتەپتەردە عىلىم جالپىلاستىرۋدىڭ ”بار ما، جوق پا“ دەگەننەن ”ساپالى ما، جوق پا“ دەگەنگە بۇرىلىس جاساۋىن ىلگەرىلەتىپ، ونى شىن مانىندە مەملەكەتتىڭ عىلىم جالپىلاستىرۋ جۇيەسىنىڭ ماڭىزدى كۇشىنە اينالدىرۋ.

كەلۋ قاينارى: حالىق تورابى