حالىقارالىق بازاردا مۇناي باعاسى قىمباتتادى، التىن مەن كۇمىس باعاسى كۇرت تومەندەدى 

ا ق ش مەن يران اراسىنداعى كەلىسسوزدىڭ بولاشاعى بۇلىڭعىر، حالىقارالىق بازاردا مۇناي باعاسى قىمباتتادى، ا ق ش جارنا بازارى قۇلدىرادى، التىن مەن كۇمىس باعاسى كۇرت تومەندەدى.

حالىقارالىق قوعام ا ق ش مەن يران اراسىنداعى كەلىسسوزدىڭ بولاشاعى تۇراقسىز دەپ بولجام جاساعاندىقتان، 3 - ايدىڭ 26 – كۇنى، حالىقارالىق بازاردا مەرزىمدەمەلى تاۋار تۇرىندەگى شيكىزاتتىق مۇنايدىڭ باعاسى كۇرت قىمباتتادى، ا ق ش – نىڭ نيۋ – يورك جارنا بازارىنداعى ءۇش ءىرى جارنا كورسەتكىشى كورنەكتى قۇلدىرادى. بازاردىڭ اقشانىڭ قۇنسىزدانۋىنان الاڭداۋىنىڭ ىقپالىنا ۇشىراعاندىقتان، حالىقارادا التىن مەن كۇمىس باعاسى زور مولشەردە تومەندەدى.

سول كۇنى جارنا بازارى جابىلعانعا دەيىن، دوۋ - جونەس ونەركاسىپتىك ورتاشا كورسەتكىشىنىڭ تومەندەۋ مولشەرى %1.01، ستاندارت – پۋر 500 ءتۇرلى جارنا كورسەتكىشىنىڭ تومەندەۋ مولشەرى %1.74، ناستاك ۋنيۆەرسال كورسەتكىشىنىڭ تومەندەۋ مولشەرى %2.38 بولعان.

نيۋ – يورك تاۋار ايىرباسى بيرجاسىندا 5 – ايدا تاپسىرىلاتىن مەرزىمدەمەلى تاۋار تۇرىندەگى شيكىزاتتىق مۇنايدىڭ ءبىر باررەلىنىڭ باعاسى 94.48 ا ق ش دوللارى بولىپ، قىمباتتاۋ مولشەرى %4.61 بولدى؛ 5 – ايدا تاپسىرىلاتىن لوندون برەنت بازارىنداعى مەرزىمدەمەلى تاۋار تۇرىندەگى مۇنايدىڭ ءبىر باررەلىنىڭ باعاسى 108.01 ا ق ش دوللارى بولىپ، قىمباتتاۋ مولشەرى %5.66 بولدى.

نيۋ – يورك تاۋار ايىرباسى بيرجاسىندا 4 – ايدا تاپسىرىلاتىن مەرزىمدەمەلى تاۋار تۇرىندەگى التىننىڭ ءار ۋنتسياسىنىڭ باعاسى سول كۇنى 4400 ا ق ش دوللارىنان تومەن ءتۇسىپ، تومەندەۋ مولشەرى %4 كە جاقىندادى؛ 5 – ايدا تاپسىرىلاتىن مەرزىمدەمەلى تاۋار تۇرىندەگى كۇمىستىڭ ءار ۋنتسياسىنىڭ باعاسى 70 ا ق ش دوللارىنان تومەن ءتۇسىپ، تومەندەۋ مولشەرى %7 تەن استى.

كەلۋ قاينارى: حالىق تورابى