وزگەرىس ەنگىزىلگەننەن كەيىنگى «مەملەكەت بويىنشا اۋىل شارۋاشىلىعىن جاپپاي تەكسەرۋ ەرەجەسى» جاريالاندى

شينحۋا اگەنتتىگى، 3 - ايدىڭ 26 - كۇنى، بەيجيڭ. مەملەكەتتىك كەڭەستىڭ زۇڭليى لي چياڭ بىرنەشە كۇننىڭ الدىندا مەملەكەتتىك كەڭەستىڭ بۇيرىعىنا قول قويىپ، وزگەرىس ەنگىزىلگەننەن كەيىنگى «مەملەكەت بويىنشا اۋىل شارۋاشىلىعىن جاپپاي تەكسەرۋ ەرەجەسىن» جاريالادى (تومەندە قىسقاشا «ەرەجە» دەلىنەدى)، بۇل ەرەجە 2026 - جىلى 5 - ايدىڭ 1 - كۇنىنەن باستاپ اتقارىلادى. «ەرەجە» جالپى 7 تاراۋ، 44 تارماقتان قۇرالعان، وزگەرىس ەنگىزىلگەن باستى مازمۇندار مىناداي:

ءبىرىنشى، اۋىل شارۋاشىلىعىن جاپپاي تەكسەرۋدىڭ نەگىزدىك ءتۇزىمىن كەمەلدەندىرۋ.”ءار جاق بىرگە ات سالىسۋدى“ اۋىل شارۋاشىلىعىن جاپپاي تەكسەرۋدى ۇيىمداستىرىپ اتقارۋ پرينسيپى ەتۋ كەرەك. اۋىل - قىستاق كاسىپ سالاسىن دامىتۋ، اۋىل - قىستاق قۇرىلىسى، اۋىل - قىستاقتى وڭاۋ سياقتى ىستەردى اۋىل شارۋاشىلىعىن جاپپاي تەكسەرۋدىڭ مازمۇنى ەتۋ كەرەك. الىستان اڭعارىپ ولشەۋ سياقتى جاڭا جاپپاي تەكسەرۋ ادىستەرىن كوبەيتىپ، اۋىل شارۋاشىلىعىن جاپپاي تەكسەرۋدە اكىمشىلىك ەستەلىك، قوعامدىق ءىرى ساندى مالىمەت سياقتى ماتەريالداردان تولىق پايدالانۋ كەرەكتىگىن ايقىندادى.

ەكىنشى، ساندى مالىمەت ساپاسىن مەڭگەرۋ مەن ماتەريالداردى باسقارۋدى كۇشەيتۋ. اۋىل شارۋاشىلىعىن جاپپاي تەكسەرۋ ىستەن كەيىنگى ساپانى ۇلگى الىپ تەكسەرۋ ءتۇزىمىن كەمەلدەندىرىپ، مەملەكەتتىك كەڭەستىڭ اۋىل شارۋاشىلىعىن جاپپاي تەكسەرۋگە باسشىلىق ەتۋ گرۋپپاسى كەڭسەسىنىڭ اۋىل شارۋاشىلىعىن جاپپاي تەكسەرۋدەن كەيىنگى ساپانى ۇلگى الىپ تەكسەرۋ جوباسىن جاساپ، اۋىل شارۋاشىلىعىن جاپپاي تەكسەرۋدەن كەيىنگى ساپانى ارالاپ تەكسەرۋ قىزمەتىن ءبىر تۇتاس ۇيىمداستىرۋ ءارى ۇلگى الىپ تەكسەرۋ ناتيجەسىن بۇكىل ەل مەن جەر - جەردىڭ اۋىل شارۋاشىلىعىن جالپى بەتتىك تەكسەرۋ ساندى مالىمەتتەرىنىڭ ساپاسىن باعالاۋدىڭ ماڭىزدى نەگىزى ەتۋ كەرەك. جاپپاي تەكسەرۋ كەڭسەسىنىڭ، جاپپاي تەكسەرۋ قىزمەتكەرلەرىنىڭ قۇپيالىقتى ساقتاۋ بورىشىن ايقىنداپ، قۇپيالىقتى شاشۋ ارەكەتىنە قاتىستى سايكەستى زاڭدىق جاۋاپكەرشىلىك بەلگىلەۋ كەرەك. جاپپاي تەكسەرۋ كەڭسەسىنىڭ اۋىل شارۋاشىلىعىن جاپپاي تەكسەرۋ ماتەريالدارىن ساقتاۋ، باسقارۋ ءتۇزىمىن ورناتىپ جانە كەمەلدەندىرىپ، اۋىل شارۋاشىلىعىن جاپپاي تەكسەرۋ ماتەريالدارىن ارحيۆكە الۋ جانە وتكىزىپ بەرۋ سياقتىلاردى ويداعىداي ىستەۋ جونىندە بەلگىلەمە شىعاردى.

ءۇشىنشى، ساندى مالىمەتتەردى جالعاننان جاساۋدان ساقتانۋ جانە ونى جازالاۋ. زاڭ شىعارۋ ماقساتى بارىسىندا اۋىل شارۋاشىلىعىن جاپپاي تەكسەرۋ ساندى مالىمەتتەرىنىڭ شىندىعىن، كەمەلدىلىگىن قامتاماسىزداندىرۋ تالابىن ارتتىرۋ كەرەك. جەر - جەردىڭ، تاراۋلاردىڭ، ورىنداردىڭ جاۋاپتىلارىنىڭ ءارقانداي تاسىلمەن جاپپاي تەكسەرۋ كەڭسەسىنەن، جاپپاي تەكسەرۋشىلەردەن اۋىل شارۋاشىلىعىن جاپپاي تەكسەرۋ ماتەريالدارىن جالعاننان جاساۋدى، وزگەرتۋدى تالاپ ەتۋىنە بولمايدى، تومەن دارەجەلى ورىندار مەن ولاردىڭ قىزمەتكەرلەرىنىڭ نەمەسە اۋىل شارۋاشىلىعىن جاپپاي تەكسەرۋ وبيەكتىلەرىنىڭ اۋىل شارۋاشىلىعىن جالعان جاپپاي تەكسەرۋ ساندى مالىمەتىن تولتىرۋىن اشىق كورسەتۋىنە، جاسىرىن كورسەتۋىنە بولمايدى. اۋىل شارۋاشىلىعىن جاپپاي تەكسەرۋ وبيەكتىسىنەن اۋىل شارۋاشىلىعىن جاپپاي تەكسەرۋگە قاجەتتى ماتەريالداردى ۋاعىندا بەرۋدى تالاپ ەتۋ، جالعان نەمەسە تولىق بولماعان اۋىل شارۋاشىلىعىن جاپپاي تەكسەرۋ ماتەريالدارىن بەرمەۋ، اۋىل شارۋاشىلىعىن جان - جاقتى تەكسەرۋ ماتەريالدارىن كەشىكتىرىپ مالىمدەمەۋ، مالىمدەۋدەن باس تارتۋعا بولمايدى. جاپپاي تەكسەرۋ كەڭسەسى، جاپپاي تەكسەرۋشىلەر اۋىل شارۋاشىلىعىن جاپپاي تەكسەرۋ ماتەريالدارىن قاز - قالپىندا جيناۋى، جولداۋى كەرەك، اۋىل شارۋاشىلىعىن جاپپاي تەكسەرۋ ماتەريالدارىن جالعاننان جاساۋىنا، وزگەرتۋىنە، ءارقانداي تاسىلمەن اۋىل شارۋاشىلىعىن جاپپاي تەكسەرەتىن وبيەكتىلەردەن جالعان اۋىل شارۋاشىلىعىن جان - جاقتى تەكسەرۋ ماتەريالدارىن بەرۋدى تالاپ ەتۋىنە بولمايدى. اۋىل شارۋاشىلىعىن جاپپاي تەكسەرۋ قىزمەتىندە كوز بوياۋشىلىق ىستەۋ سياقتى ساناقتا جالعاندىق ىستەۋ ارەكەتتەرىنىڭ جاۋاپكەرشىلىگىن زاڭ بويىنشا قۋزاستىرۋدى، جاۋاپقا تارتۋدى ايقىنداپ، ايىپ سالۋ مولشەرىن جوعارىلاتىپ، جازالاۋ تەبىنىن ارتتىرىپ، ءتىپتى قىلمىستىق ىستەر جاۋاپكەرشىلىگىن قۋزايدى.