ازيا سپورت جينالىسىنداعى فۋتبولدان ەرلەر اراسىنداعى جارىستىڭ جەرەبەسى تارتىلدى: جۇڭگو كومانداسى اراب بىرىككەن امىرلىگى، يران، چاۋشيان كوماندالارىمەن ءبىر گرۋپپاعا ءبولىندى 

شينحۋا اگەنتتىگىنىڭ توكيودان بەرگەن حابارى. 7 – ايدىڭ 23 – كۇنى ايچي – ناگويا ازيا سپورت جينالىسىندا فۋتبول جارىسىنىڭ جەرەبە تارتۋ سالتى جاپونيانىڭ ايچي اۋدانى ناگويا قالاسىندا وتكىزىلدى. جۇڭگو ەرلەر فۋتبول كومانداسى اراب بىرىككەن امىرلىگى، يران، چاۋشيان كوماندالارىمەن B گرۋپپاعا ءبولىندى.

ەرلەر فۋتبول جارىسىنىڭ جەرەبەسىن تارتۋ ءۇشىن دارەجەگە بولۋدە بيىل 1 – ايدا وتكىزىلگەن U23 ازيا چەمپيوناتىنىڭ سوڭعى ناتيجەسىنە نەگىزدەلگەن، جۇڭگو ەرلەر فۋتبول كومانداسى الاڭ يەسى جاپونيا، كورەيا جانە ۆيەتنام كوماندالارىمەن ءبىرىنشى دارەجەگە ورنالاستى. وسى كەزەكتى ازيا ويىندارىندا فۋتبولدان ەرلەر جارىسىنا جيىنى 15 كوماندا قاتىناسادى، D ،C ،B ،A سىندى 4 گرۋپپاعا بولىنەدى، مۇندا الدىڭعى ءۇش گرۋپپانىڭ ءارقايسىسىندا 4 كوماندا بولادى، D گرۋپپادا 3 كوماندا بولادى. ءار توپتان الدىڭعى ەكى ورىن العان كوماندا 8 مىقتى كوماندا قاتارىنا وتەدى، ودان كەيىن ءبىر رەتكى شەشۋشى جارىس ارقىلى اعا جۇلدەگەر تۇراقتاندىرىلادى.

كەلۋ قاينارى: حالىق تورابى