بۇل كاسىپتەرگە 80 مىڭ ادام ـ رەت قىزمەتكەر قابىلدايدى

ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ حابارىنا قاراعاندا، 8 – ايدىڭ 10 – كۇنىنەن 16 – كۇنىنە دەيىن ءجۇز كۇندە ون ميلليون قىزمەتكەر قابىلداۋ ارناۋلى قيمىلى ەلەكتر كۇشى جاڭا ەنەرگياسى، شەكارا اتتاعان ەلەكتروندىق ساۋدا، قاتىناس – تاسىمال، ينتەرنەت كاسىبى سىندى 4 مايدان جەلىدە قىزمەتكەر قابىلداۋ ارناۋلى قيمىلىن باستاپ ورىستەتكەن، 7700 دەن استام ادام ىستەتۋشى ورىن 80 مىڭ ادام – رەت قىزمەتكەر قابىلدايدى.

ەلەكتر كۇشى جاڭا ەنەرگيا سالاسىنىڭ ارناۋلى قابىلداۋ الاڭىنا 243 ادام ىستەتۋشى ورىن قاتىناسىپ، باتەريانى زەرتتەپ اشۋ ينجەنەرى، ليتي باتەرياسىنىڭ ساپا ينجەنەرى، تەحنيكالىق قولداۋ ينجەنەرى، ماتەريال ينجەنەرى قاتارلى قىزمەت ورىندارىمەن قامدادى، 15 مىڭنان استام ادام ـ رەت قىزمەتكەر قابىلدايدى.

شەكارا اتتاعان ەلەكتروندىق ساۋدا سالاسىنىڭ ارناۋلى قابىلداۋ الاڭىندا 3000 ادام ىستەتۋشى ورىن 30 مىڭ ادام ـ رەت قىزمەتكەر قابىلدايدى، سىرتقى ساۋدا قىزمەتكەرى، شەكارا اتتاعان ەلەكتروندىق ساۋدا اينالىمنىڭ ارناۋلى قىزمەتكەرى، ساتۋ ۋاكىلى، كاسىپتىك باسقارۋشى قاتارلى قىزمەت ورىندارىمەن قامدادى.

قاتىناس ـ تاسىمال كاسىبىنىڭ ارناۋلى الاڭىندا 162 ادام ىستەتۋشى ورىن كەدەن ىستەرىن باسقارۋشى، قاتتى بولشەك ينجەنەرى، زات اينالىمى حاۋىپسىزدىك قىزمەتكەرى، اۆتوماتتاندىرۋ جۇيەسىن جوبالاۋشى قاتارلى قىزمەت ورىندارىمەن قامدادى، 3000 ادام – رەت قىزمەتكەر قابىلدايدى.

ينتەرنەت كاسىبىنىڭ ارناۋلى الاڭىندا 4346 ورىن AI تاكتيكالىق ءونىم مەڭگەرۋشىسى، كوپ مودەل ۇلكەن مودەل مامانى، كىرىكپەلى اشۋ ينجەنەرى، قۇرىلىم تاپسىرۋشى قاتارلى قىزمەت ورىندارىمەن قامداپ، 32 مىڭ ادام ـ رەت قىزمەتكەر قابىلدايدى.

ادام ىستەتۋشى ورىندار مەن جۇمىس ىزدەۋشىلەردىڭ جۇڭگو الەۋمەتتىك قىزمەتكەر قابىلداۋ تورابىنا، جۇڭگو مەملەكەتتىك دارىندىلار تورابىنا نەمەسە كاسىپتەنۋدىڭ تور بەتىندەگى نەگىزگى ءماجىلىس الاڭىنىڭ بەتىنە كىرىپ قاتىناسۋىنا بولادى.