C919 ۇشاعى ۇشۋ مىندەتىن ورىندايتىن حالىقارالىق اۋە جەلىسى تۇڭعىش رەت اشىلادى 

شينحۋا اگەنتتىگىنىڭ ءتىلشىسى ۋاڭ يۇيحاۋ، جاڭ شياۋ 8 – ايدىڭ 12 – كۇنى بەيجيڭنەن حابارلايدى. ءتىلشىنىڭ جۇڭگو حالىقارالىق اۆياتسيا سەرىكتەستىگىنەن ۇعىسۋىنشا، C919 ۇشاعى ۇشۋ مىندەتىن اتقاراتىن جۇڭگو حالىقارالىق اۆياتسيا سەرىكتەستىگىنىڭ CA723 كەزەكشى ۇشاعى 8 - ايدىڭ 12 – كۇنى تۇستەن كەيىن ساعات 15 اينالاسىندا بەيجيڭدەگى استانا حالىقارالىق اۋەجايىنان ۇشىپ، موڭعۇليا استاناسى ۇلانباتىرعا قاراي جولعا شىققان، بۇل C919 ۇشاعىنىڭ تۇڭعىش رەت حالىقارالىق ساۋدالىق كەزەكشى ۇشاق رەتىندە ۇشۋ مىندەتىن اتقارعاندىعىن كورسەتەدى.

C919 تيپتى ءىرى جولاۋشىلار ۇشاعى − ەلىمىزدىڭ حالىقارالىق ۇشۋعا جارامدىلىق ولشەمىنە ساي ءوزى دەربەس زەرتتەپ جاساعان، دەربەس زياتكەرلىك ۇقىعىنا يە رەاكتيۆتى نەگىزگى لەنيالىق جولاۋشىلار ۇشاعى، 2023 – جىلى 5 – ايدىڭ 28 – كۇنى تۇڭعىش رەت ساۋدالىق ۇشۋ مىندەتىن ءساتتى ورىنداعان.

جۇڭگو ساۋدالىق ۇشاق سەرىكتەستىگى جاريالاعان ساندى مالىمەتكە قاراعاندا، 8 – ايدىڭ 10 – كۇنىنە دەيىن، جۇڭگو حالىقارالىق اۆياتسيا سەرىكتەستىگى، شىعىس اۆياتسيا سەرىكتەستىگى جانە وڭتۇستىك اۆياتسيا سەرىكتەستىگى قاراماعىنداعى C919 جولاۋشىلار ۇشاعىمەن جيىنى 57 اۋە جەلىسىن اشىپ، 25 قالا اراسىنداعى اۋە قاتىناسىن ىسكە قوسىپ، 7 ميلليون 500 مىڭ ادامنان (رەت) استام جولاۋشىنى حاۋىپسىز تاسىمالداعان.

كەلۋ قاينارى: حالىق تورابى