حالىق ىستەرى مينيسترلىگى: بيىل الدىڭعى جارتى جىلدا بۇكىل ەلدەگى حالىق ىستەرىنىڭ شىعىسى 243 ميلليارد 600 ميلليون يۋان بولدى

بىرنەشە كۇننىڭ الدىندا حالىق ىستەرى مينيسترلىگى جاريالاعان ساناق ساندى مالىمەتىندە كورسەتىلۋىنشە، بيىل الدىڭعى جارتى جىلدا ەلىمىزدىڭ حالىق ىستەرىنىڭ جالپى شىعىسى 243 ميلليارد 600 ميلليون يۋان بولعان. مۇنىڭ ىشىندە قالالارداعى ەڭ تومەنگى تۇرمىسى قامتاماسىزداندىرىلاتىندار 5 ميلليون 892 مىڭ ادام، اۋىل - قىستاقتارداعى ەڭ تومەنگى تۇرمىسى قامتاماسىزداندىرىلاتىندار 33 ميلليون 462 مىڭ ادام بولعان، قالا - اۋىلدارداعى ەرەكشە قيىنشىلىعى بار 4 ميلليون 937 مىڭ ادام قۇتقارۋ - باعۋ قاراجاتىنا يە بولعان، قيىنشىلىعى بار 12 ميلليون 27 مىڭ مۇگەدەككە تۇرمىستىق قوسىمشا قاراجات بەرىلگەن، اۋىر دارەجەدەگى مۇگەدەكتەردى كۇتىمدەۋ قوسىمشا قاراجاتىنان 16 ميلليون 871 مىڭ ادام يگىلىكتەنگەن.