«مەملەكەتتىك كەڭەستىڭ ءىشىنارا اكىمشىلىك زاڭ - ەرەجەلەرگە وزگەرىس ەنگىزۋ جانە ونى كۇشىنەن قالدىرۋ جونىندەگى قاۋلىسىن» جاريالادى

شينحۋا اگەنتتىگى، 8 - ايدىڭ 13 - كۇنى، بەيجيڭ، مەملەكەتتىك كەڭەستىڭ زۇڭليى لي چياڭ بىرنەشە كۇننىڭ الدىندا مەملەكەتتىك كەڭەستىڭ بۇيرىعىنا قول قويىپ، «مەملەكەتتىك كەڭەستىڭ ءىشىنارا اكىمشىلىك زاڭ - ەرەجەلەرگە وزگەرىس ەنگىزۋ جانە ونى كۇشىنەن قالدىرۋ جونىندەگى قاۋلىسىن» جاريالادى، 2026 - جىلى 8 - ايدىڭ 15 - كۇنىنەن باستاپ اتقارىلادى.

«جۇڭحۋا حالىق رەسپۋبليكاسىنىڭ ەكولوگيالىق ورتا زاڭناماسىن» جاپپاي، ءونىمدى دايەكتى اتقارىپ، ەكولوگيالىق ورتا زاڭ - ءتۇزىم جۇيەسىنىڭ لوگيكالىق بىرلىگىن، ەرەجەسىن سايكەستىرۋگە كەپىلدىك ەتۋ ءۇشىن، مەملەكەتتىك كەڭەس اكىمشىلىك زاڭ - ەرەجەلەردى اداقتاپ، 12 اكىمشىلىك زاڭ - ەرەجەنىڭ ءىشىنارا تارماقتارىنا وزگەرىس ەنگىزۋدى، 3 اكىمشىلىك زاڭ - ەرەجەنى كۇشىنەن قالدىرۋدى ۇيعاردى.

«لاستانۋ قاينارىن مەملەكەت بويىنشا جاپپاي تەكسەرۋ ەرەجەسى»، «ەكولوگيالىق ورتانى باقىلاۋ - تەكسەرۋ ەرەجەسى» سياقتى اكىمشىلىك زاڭ - ەرەجەلەرگە وزگەرىس ەنگىزدى، قاتىستى اكىمشىلىك زاڭ - ەرەجەلەردە سيتات كەلتىرىلگەن زاڭدار بيىل 8 - ايدىڭ 15 - كۇنى ەكولوگيالىق ورتا زاڭناماسى اتقارىلعان كۇنى كۇشىنەن قالدىرىلاتىن بولسا، سايكەستى تۇردە سيتات كەلتىرىلگەن زاڭداردىڭ اتى ءبىر تۇتاس ەكولوگيالىق ورتا زاڭناماسى دەپ وزگەرتىلدى؛ قاتىستى اكىمشىلىك زاڭ - ەرەجەلەردەگى زاڭدىق جاۋاپكەرشىلىك سياقتى ناقتى ىستەر جونىندەگى بەلگىلەمەلەر ەكولوگيالىق ورتا زاڭناماسىمەن بىردەي بولماسا، ەكولوگيالىق ورتا زاڭناماسىنداعى بەلگىلەمەلەر بويىنشا سايكەستى وزگەرىس ەنگىزىلەدى.

«جۇڭحۋا حالىق رەسپۋبليكاسىنىڭ قۇرلىقتاعى لاس زاتتاردىڭ تەڭىز - مۇحيت ورتاسىن لاستاپ زيانداۋىنان ساقتانۋ جانە ونى جونگە سالۋدى باسقارۋ ەرەجەسى» سياقتى اكىمشىلىك زاڭ - ەرەجەلەردى كۇشىنەن قالدىرىپ، جوعارى ساپالى دامۋ مەن ەكولوگيالىق وركەنيەت قۇرىلىسىنىڭ جاڭا تالابىنا اناعۇرلىم ويداعىداي ۇيلەسۋ كەرەك.