جۇڭگو اۋرۋدان ساقتانۋ جانە ونى تىزگىندەۋ ورتالىعى: وسى اپتادا جاڭا تيپتى ايدارشا ۆيرۋستى تەكسەرۋ ناتيجەسىنىڭ بولىمدىلىق مولشەرى تومەندەدى 

جۇڭگو اۋرۋدان ساقتانۋ جانە ونى تىزگىندەۋ ورتالىعى 8 – ايدىڭ 13 – كۇنى جاريالاعان مەملەكەت بويىنشا شۇعىل تيپتى تىنىس جولى جۇقپالى اۋرۋلارىن كۇزەتۋ تۇيىندەرىنىڭ 32 – اپتالىق باقىلاۋ – تەكسەرۋ جاعدايىنا قاراعاندا، 2026 – جىلى 8 – ايدىڭ 3 – كۇنىنەن 9 – كۇنىنە دەيىن، مەملەكەت بويىنشا كۇزەت ءتۇيىنى بولعان ەمحانالاردىڭ امبۋلاتوريا ءبولىمى مەن شۇعىل اۋرۋلار بولىمىندەگى جۇقپالى تۇماۋ سيپاتتى ناۋقاستاردىڭ تىنىس جولى ۇلگىلەرىن تەكسەرۋ ناتيجەسىنىڭ بولىمدىلىق مولشەرى جوعارى بولعان ءۇش ءتۇرلى اۋرۋ قوزدىرعىش جاڭا تيپتى ايدارشا ۆيرۋس (%21.1)، جۇقپالى تۇماۋ ۆيرۋسى (%14.3)، ىشەك جولى ۆيرۋسى (%3.9) بولعان. مۇندا، جاڭا تيپتى ايدارشا ۆيرۋستى تەكسەرۋ ناتيجەسىنىڭ بولىمدىلىق مولشەرى تومەندەگەن، تارالۋ دەڭگەيى جالپى جاقتان ورتاشا مولشەردە بولعان.

مەملەكەت بويىنشا امبۋلاتوريا ءبولىمى مەن شۇعىل اۋرۋلار بولىمىندەگى قىزۋى ورلەگەن ناۋقاستاردى باقىلاۋ جاعدايى، كۇزەت ءتۇيىنى بولعان ەمحانالاردىڭ امبۋلاتوريا ءبولىمى مەن شۇعىل اۋرۋلار بولىمىندەگى جۇقپالى تۇماۋ سيپاتتى ناۋقاستاردىڭ جاعدايى، كوپ ءتۇرلى اۋرۋ قوزدىرعىشتاردى تەكسەرۋ قاتارلى باقىلاۋ – تەكسەرۋ ناتيجەلەرىنە تالداۋ جاساۋعا قاراعاندا، تەكسەرىلىپ انىقتالعاندارىنىڭ بارلىعى بەلگىلى ءارى جيى كەزدەسەتىن اۋرۋ قوزدىرعىشتار بولىپ، بەلگىسىز اۋرۋ قوزدىرعىشتار مەن ولار تۋدىراتىن جاڭا تيپتى جۇقپالى اۋرۋلار بايقالماعان.

(باس ستانسيا ورتالىق تەلەۆيزيا ءتىلشىسى ياڭ ياڭ، لي حان)

كەلۋ قاينارى: حالىق تورابى