بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.09.15 16:40 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 14 - كۇنى، بەيجيڭ. تاياۋدا جۇڭگو كوممۋنيستىك پارتياسى ورتالىق كوميتەتى كەڭسە مەڭگەرمەسى، مەملەكەتتىك كەڭەس كەڭسە مەڭگەرمەسى، ورتالىق اسكەري ىستەر كوميتەتى كەڭسە مەڭگەرمەسى «قوسىننان شەگىنگەن اسكەريلەرگە قىزمەت وتەۋ جانە ولاردى قامتاماسىزداندىرۋدىڭ ”15 - بەسجىلدىق“ جوباسىن» باسىپ تاراتىپ (تومەندە قىسقاشا «جوبا» دەلىنەدى)، ”15 - بەسجىلدىق“ كەزىندە قوسىننان شەگىنگەن اسكەريلەر قىزمەتىن ويداعىداي ىستەۋ جونىندە ورنالاستىرۋ جاسادى.
«جوبادا» مىنالار باسا دارىپتەلدى: قوسىننان شەگىنگەن اسكەريلەر _ پارتيا مەن مەملەكەتتىڭ باعالى بايلىعى، جۇڭگو ۇلگىسىندەگى وسىزامانداندىرۋدى ىلگەرىلەتۋدەگى ماڭىزدى كۇش، قوسىننان شەگىنگەن اسكەريلەر قىزمەتى رەفورما، دامۋ، ورنىقتىلىق جانە ارميانى قۇدىرەتتەندىرۋ، گۇلدەندىرۋ ىستەرىنە سايادى. شي جينپيڭ ارميانى قۇدىرەتتەندىرۋ يدەياسىن، سونداي - اق باس شۋجي شي جينپيڭنىڭ قوسىننان شەگىنگەن اسكەريلەر قىزمەتى جونىندەگى ماڭىزدى بايىمداۋلارىن جاپپاي دايەكتىلەندىرىپ، ەكونوميكالىق، قوعامدىق دامۋعا قىزمەت وتەۋ، مەملەكەت قورعانىسى مەن ارميا قۇرىلىسىنا قىزمەت وتەۋ باعىتىنا تاباندى بولىپ، قوسىننان شەگىنگەن اسكەريلەر قىزمەتىنىڭ جوعارى ساپالى دامۋىن ىلگەرىلەتۋدى نەگىزگى تاقىرىپ، قوسىننان شەگىنگەن اسكەريلەردى باسقارۋ، قامتاماسىزداندىرۋ رەفورماسىن ونان ارى تەرەڭدەتۋدى قوزعاۋشى كۇش ەتىپ، ۇيىمدىق باسقارۋ جۇيەسىن، قىزمەت اينالىمى جۇيەسىن، ساياسات، ءتۇزىم جۇيەسىن ۇزدىكسىز كەمەلدەندىرىپ، قوسىننان شەگىنگەن اسكەريلەردى قابىلداۋدى، ورنالاستىرۋدى، قىزمەت وتەۋدى، قامتاماسىز ەتۋدى، تاربيەلەۋدى، باسقارۋدى، رولىن ويداعىداي ساۋلەلەندىرۋدى، ۇقىق - مۇددەسىن ويداعىداي قورعاۋدى شىن مانىندە ويداعىداي ىستەپ، اسكەرلىكتى تۇتاس قوعام قۇرمەتتەيتىن كاسىپكە، قوسىننان شەگىنگەن اسكەريلەردى تۇتاس قوعام قۇرمەتتەيتىن جاندارعا اينالدىرۋ كەرەك.
«جوبادا» مىنالار العا قويىلدى: ”15 - بەسجىلدىق“ كەزىندە قوسىننان شەگىنگەن اسكەريلەر قىزمەتىندە پارتيا باسشىلىعىنا تاباندى بولىپ، قوسىننان شەگىنگەن اسكەريلەردى پارتيانىڭ سوزىنە باتىل قۇلاق اسۋعا، پارتياعا ىلەسۋگە جەتەكتەۋ؛ ادامدى نەگىز ەتۋگە تاباندى بولىپ، قوسىننان شەگىنگەن اسكەريلەردىڭ زاڭدى ۇقىق - مۇددەسىن ويداعىداي قامتاماسىزداندىرۋ، ويداعىداي قورعاۋ؛ تۋراشىلدىقتان جازباي، جاڭالىق اشۋعا تاباندى بولىپ، ءتۇيىندى سالالار مەن شەشۋشى بۋىندار رەفورماسىن تەرەڭدەتۋ؛ ارميا مەن جەرگىلىكتى ورىننىڭ سايكەسۋىنە تاباندى بولىپ، ساياسات، ءتۇزىمنىڭ ۇشتاسۋى مەن قىزمەت شارالارىنىڭ سايكەسۋىن كۇشەيتۋ؛ تۇرلەر بويىنشا شارا قولدانۋعا تاباندى بولىپ، قىزمەت وتەۋدى قامتاماسىزداندىرۋدىڭ دالدىگىن، قولايلىلىعىن، باياندىلىعىن كۇشەيتۋ كەرەك.
«جوبادا» قوسىننان شەگىنگەن اسكەريلەر ىستەرىن جونگە سالۋ جۇيەسىن اقاۋسىزداندىرۋ، يدەيالىق - ساياسي جاقتان جەتەكشىلىك ەتۋدى جانە ماداقتاپ - سيلاۋدى، شابىتتاندىرۋدى تەرەڭدەتۋ، قوسىننان شەگىنگەن اسكەريلەردى جوعارى ساپالى ورنالاستىرىپ جۇمىستاندىرۋدى ىلگەرىلەتۋ، ارميانى قولداپ، اسكەريلەردىڭ وتباسىنداعىلارعا قامقورلىق جاساۋ قىزمەت ورەسىن جوعارىلاتۋ، قوسىننان شەگىنگەن اسكەريلەرگە قىزمەت وتەۋ، قامتاماسىز ەتۋ ونىمدىلىگىن جوعارىلاتۋ سياقتى جاقتار توڭىرەكتەلىپ ءبىر توپ ءتۇيىندى مىندەت ورنالاستىرىلدى. سونىمەن بىرگە، قوسىننان شەگىنگەن اسكەريلەرگە قىزمەت وتەۋ ورتالىعىنىڭ (پۋنكتى) ساپاسىن جوعارىلاتىپ، ونىمدىلىگىن ارتتىرۋ، قۇربانداردى ەسكە ءتۇسىرۋ قۇرىلعىلارىنىڭ ساپاسىن جوعارىلاتۋ، جاڭالاۋ، قامقورلىق جاساۋ، ەمدەۋ، كۇتىنۋ جۇيەسىنىڭ قۋاتىن جوعارىلاتۋ سياقتى ينجەنەريا نىساندارى العا قويىلدى.
«جوبادا» مىنالار تالاپ ەتىلدى: جەر - جەر، قاتىستى تاراۋلار پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، ءىس جۇزىندىك جاعدايمەن ۇشتاستىرا وتىرىپ دايەكتىلەندىرۋدى، تياناقتاندىرۋدى ويداعىداي يگەرۋى كەرەك.
