وزىق جاساۋ كاسىبىن ۇزدىكسىز زورايتىپ، كۇشەيتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە پارمەندى تىرەك ازىرلەۋ كەرەك

«حالىق گازەتى»، 9 - ايدىڭ 17 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا وزىق جاساۋ كاسىبىن دامىتۋ جونىندە ماڭىزدى نۇسقاۋ بەرىپ مىنالاردى اتاپ كورسەتتى: پارتيا 18 - قۇرىلتايىنان بەرى ەلىمىزدىڭ وزىق جاساۋ كاسىبى ۇزدىكسىز دامىپ، زورايىپ، جاڭالىق جاراتۋ قۋاتى، باسەكەلىك قۋاتى، جالپىلىق قۋاتى كۇشەيىپ، جاساۋ كاسىبىندە قۋاتتى ەل قۇرۋعا نىق قادام تاستالدى.

شي جينپيڭ مىنالاردى باسا دارىپتەدى: جاڭا جورىقتا جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا دامۋ ۇستانىمىن تولىق، دۇرىس، جان - جاقتى دايەكتىلەندىرىپ، جوعارى ساپالى دامۋ مەن جوعارى دەڭگەيلى حاۋىپسىزدىكتى ءبىر تۇتاس جوسپارلاپ، زەردەلىلەندىرۋ، جاسىلداندىرۋ، توعىستىرۋ بەتالىسىنا تاباندى بولىپ، وزىق جاساۋ كاسىبىن ۇزدىكسىز زورايتىپ، كۇشەيتىپ، كاسىپ سالاسى تىزبەگىنىڭ دەربەس، مەڭگەرىمدى بولۋ دەڭگەيىن جوعارىلاتىپ، وزىق جاساۋ كاسىبىن تىرەك ەتكەن وسىزاماندانعان كاسىپ سالاسى جۇيەسىن جەدەل ورناتىپ، ناقتى ەكونوميكانىڭ نەگىزىن بەكەمدەپ، زورايتىپ، جۇڭگو ۇلگسىندەگى وسىزامانداندىرۋدى ىلگەرىلەتۋگە پارمەندى تىرەك ازىرلەۋ كەرەك.

مەملەكەتتىك وزىق جاساۋ كاسىبى جينالىسى 9 - ايدىڭ 16 - كۇنىنەن 17 - كۇنىنە دەيىن بەيجيڭدە اشىلدى. ماجىلىستە شي جينپيڭنىڭ ماڭىزدى نۇسقاۋى جەتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ ماجىلىسكە قاتىناستى ءارى ءسوز سويلەدى.

لي چياڭ سوزىندە مىنالاردى اتاپ كورسەتتى: باس شۋجي شي جينپيڭنىڭ ماڭىزدى نۇسقاۋىندا وزىق جاساۋ كاسىبىن دامىتۋدىڭ كەلەلى ءمانى، بەتالىسى، جولى جانە ءتۇيىندى مىندەتتەرى تەرەڭ بايىمدالعان، اسا كۇشتى ستراتەگيالىق، جەتەكشىلىك، باعىتتامالىلىق سيپاتقا يە، قاتىستى قىزمەتتەردى ويداعىداي ىستەۋگە ماڭىزدى تياناق ازىرلەدى. ءبىز مۇقيات ۇيرەنىپ، ءتۇسىنىپ، باتىل دايەكتىلەندىرىپ، تياناقتاندىرىپ، وزىق جاساۋ كاسىبىن دامىتۋدى ماڭىزدى ستراتەگيالىق مىندەت ەتىپ، ۇزدىكسىز كۇش سالىپ، ۇزاق ۋاقىت ۇلەس قوسىپ، جاساۋ كاسىبىندە قۋاتتى ەل قۇرۋ نىساناسىنا قاراي تاباندىلىقپەن قادام تاستاۋىمىز كەرەك.

لي چياڭ مىنالاردى باسا دارىپتەدى: جاڭا كەزەكتى عىلىم - تەحنيكا توڭكەرىسى مەن كاسىپ سالاسى وزگەرىسىنىڭ بەتالىسىنا سايكەسىپ، جاڭا بۋىن زەردەلى جاساۋدى نەگىزگى قامال الۋ باعىتى ەتىپ، دامۋ تاكتيكاسى جاعىندا سيفرلى اقىل - پاراساتقا اناعۇرلىم ءمان بەرىپ، تەحنيكالىق لۋشيان جاعىندا جوعارى دەڭگەيلى دەربەستىككە اناعۇرلىم ءمان بەرىپ، ءوندىرىس ءتاسىلى جاعىندا جاسىل، تومەن كومىرتەكتى بولۋعا اناعۇرلىم ءمان بەرىپ، كورىنىستىك كاسىپ كۇيى جاعىندا شەكارا اتتاپ توعىستىرۋعا اناعۇرلىم ءمان بەرىپ، جاساۋ كاسىبىنىڭ زەردەلىلەنۋىن، جاسىلدانۋىن، توعىسپالى دامۋىن كۇش سالا ىلگەرىلەتۋ كەرەك.

لي چياڭ مىنالاردى اتاپ كورسەتتى: نازاردى ءتۇيىندى سالالارعا شوعىرلاندىرىپ، كەشەندى شارا قولدانىپ، دالمە - ءدال كۇش سالىپ، وزىق جاساۋ كاسىبىنىڭ جاڭالىق اشۋ قۋاتىن، باسەكەلىك قۋاتىن، جالپىلىق قۋاتىن ۇزدىكسىز جوعارىلاتۋ كەرەك. كاسىپ سالاسىندا جاڭالىق اشۋ ارقىلى دەم بەرۋ قوزعالتقىشىن قالىپتاستىرىپ، نەگىزدىك زەرتتەۋ تىرەگىن بەكەمدەپ، شەشۋشى، وزەكتى تەحنيكالاردان قامال الۋدى كۇشەيتىپ، عىلىم - تەحنيكا جەتىستىكتەرىن كادەگە جاراتۋدى، قولدانۋدى تەرەڭدەتۋ كەرەك. جاڭادان گۇلدەنگەن كاسىپ سالالارىنىڭ كولەمدىك قولدانىلۋىن جەدەلدەتىپ، بولاشاقتاعى كاسىپ سالالارىن كورەگەندىكپەن ورنالاستىرۋدى كۇشەيتىپ، ءداستۇرلى كاسىپ سالالارىن شىت جاڭا دارەجەگە كوتەرۋدى ىلگەرىلەتۋ كەرەك. ”جاساندى زەردە + جاساۋ“ ارەكەتىن ىشكەرىلەي ورىستەتىپ، كاسىپورىنداردى سيفرلاندىرىپ تۇرلەندىرۋگە جەتەكتەۋ، قولداۋ سەرپىنىن ارتتىرۋ، زەردەلى جۇمساق، قاتتى بولشەك نەگىزىن بەكەمدەۋ كەرەك. وزىق جاساۋ كاسىبى مەن وسى زامانعى قىزمەت وتەۋ كاسىبىنىڭ ىشكەرىلەي توعىسۋىن ىلگەرىلەتىپ، قىزمەت وتەۋ تيپىندەگى جاساۋدى جاڭالىق اشا دامىتۋ كەرەك. وزىق جاساۋ كاسىبى شوعىرىن جەرگىلىكتى جاعدايعا قاراي جەتىلدىرىپ، زورايتىپ، ساپانى ارتتىرىپ، دارەجەسىن جوعارىلاتۋدا تۇرگە، جىككە ءبولىپ ىلگەرىلەتۋ كەرەك. رەفورما جاساپ، ەسىك اشۋدى ۇزدىكسىز تەرەڭدەتىپ، كاسىپورىنداردىڭ نەگىزگى تۇلعالىق ورنىن كۇشەيتىپ، ساياساتپەن، فاكتورمەن قامداۋدى كۇشەيتىپ، تاماشا دامۋ ورتاسىن جاراتىپ، وزىق جاساۋ كاسىبى دامۋىنىڭ قوزعاۋشى كۇشىن، ومىرشەڭدىك كۇشىن ۇزدىكسىز كۇشەيتۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى جاڭ گوچيڭ قورىتىندى سوزىندە مىنالاردى ءبىلدىردى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، لي چياڭ زۇڭليدىڭ ءسوزىنىڭ تالابىن تياناقتاندىرىپ، وزىق جاساۋ كاسىبىن دامىتۋدىڭ كوكەيتەستىلىك سەزىمىن، جاۋاپكەرشىلىك سەزىمىن، بورىشتىلىق سەزىمىن شىنايى كۇشەيتۋ كەرەك. ءتۇيىندى كورنەكتىلەندىرىپ، شەشۋشى ءتۇيىندى مىقتى يگەرىپ، ءتۇيىندى كاسىپ سالاسى تىزبەگىنىڭ جوعارى ساپالى دامۋ ارەكەتىن ىشكەرىلەي اتقارىپ، جاڭا بۋىن زەردەلى جاساۋدى كۇش سالا دامىتىپ، كاسىپ سالاسى جۇيەسىنىڭ دارەجەسىن جوعارىلاتۋدى جانە توعىسپالى دامۋدى جەدەل جەبەپ، ءتۇرلى مىندەتتەردىڭ تياناقتانۋىن تىڭعىلىقتى ىلگەرىلەتۋ كەرەك. بازار مەحانيزمىنىڭ رولىن اناعۇرلىم ويداعىداي ساۋلەلەندىرۋدى كوزدە ۇستاپ، جوعارى ساپالى ولشەم جۇيەسىن جەدەل ورناتىپ، ءتارتىپسىز، اقىلعا سيىمسىز باسەكەنى ۇزدىكسىز جونگە سالىپ، كاسىپورىنداردىڭ ءىس جۇزىندىك قيىنشىلىقتارىن شەشۋىنە بەلسەنە كومەكتەسىپ، وزىق جاساۋ كاسىبى دامۋىنىڭ تاماشا ەكولوگياسىن كۇش سالا قالىپتاستىرۋ كەرەك.

ونەركاسىپ جانە ينفورماتسيالاندىرۋ مينيسترلىگىنىڭ، مەملەكەتتىك دامۋ جانە رەفورما كوميتەتىنىڭ، مەملەكەتتىك كەڭەستىڭ مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ، جياڭسۋ ولكەسىنىڭ، حۋبەي ولكەسىنىڭ جاۋاپتى جولداستارى پىكىر اۋىستىرىپ، ءسوز سويلەدى.

ۋ جىڭلۇڭ ماجىلىسكە قاتىناستى.

ءماجىلىس تەلەۆيزور - تەلەفون ءماجىلىسى فورماسىندا اشىلدى. ولكەلەردىڭ، اۆتونوميالى رايونداردىڭ، توتە قاراستى قالالاردىڭ جانە جوسپارى بولەك جاسالاتىن قالالاردىڭ، شينجياڭ ءوندىرىس - قۇرىلىس بيڭتۋانىنىڭ، ورتالىق پەن مەملەكەت ورگاندارىنىڭ قاتىستى تاراۋلارىنىڭ، قاتىستى حالىقتىق ۇيىمداردىڭ، ورتالىق باسقاراتىن ءىشىنارا فينانس قۇرىلىمدارىنىڭ، كاسىپورىنداردىڭ، ورتالىق اسكەري ىستەر كوميتەتى ورگانىنىڭ قاتىستى تاراۋلارىنىڭ، جاساۋ كاسىبى سالاسىنداعى قاتىستى كاسىپورىنداردىڭ جاۋاپتى جولداستارى قاتارلىلار ماجىلىسكە قاتىناستى.

كەلۋ قاينارى: حالىق تورابى