بازاردى باقىلاۋ - باسقارۋ باس مەكەمەسى: ”15 – بەسجىلدىق“ مەزگىلىندە تۇتىنۋشىلاردىڭ ۇقىق - مۇددەسىنە زيان جەتكىزەتىن كورنەكتى ماسەلەلەردى كۇش سالا جونگە سالامىز

ءتىلشىنىڭ 9 – ايدىڭ 20 – كۇنى مەملەكەتتىك كەڭەستىڭ اقپارات كەڭسەسى وتكىزگەن ”’15 – بەسجىلدىقتىڭ‘ باستاماسى“ جەلىلەس نەگىزگى تاقىرىپتىق اقپار جاريالاۋ ماجىلىسىنەن ۇعىسۋىنشا، بازاردى باقىلاۋ - باسقارۋ باس مەكەمەسىنىڭ قاتىستى جاۋاپتىسى بىلاي دەدى: تۇتىنۋشىلاردىڭ ۇقىق - مۇددەسىن قورعاۋ جۇيەسىن ۇزدىكسىز ساپالىلاندىرىپ، تۇتىنۋشىلاردىڭ ۇقىق - مۇددەسىنە زيان جەتكىزەتىن كورنەكتى ماسەلەلەردى كۇش سالا جونگە سالىپ، توراپتا ساتۋ، تىكە تاراتىلىم ارقىلى زات ساتۋ قاتارلى تيجارات قيمىلدارىن ۇزدىكسىز ارناعا تۇسىرەمىز. تۇتىنۋ ۇقىعىن قورعاۋ ارناسىن ونان ارى ىركىلىسسىزدەندىرىپ، تۇتىنۋ داۋ - شارىن كوپ نەگىزدى شەشۋدى، تۋ باستان شەشۋدى ىلگەرىلەتىپ، توراپتاعى تۇتىنۋ داۋ - شارىن شەشۋ مەحانيزمىنىڭ نەگىزگى توراپ ساۋدا تەكشەسىن قامتۋىن جۇزەگە اسىرىپ، بۇقارانىڭ ۇقىعىن قورعاۋدا از جول ءجۇرۋىن، اۋرە – سارساڭعا از تۇسۋىنە مۇمكىندىك جاسايمىز. تۇتىنۋ ورتاسىن ۇزدىكسىز ساپالىلاندىرىپ، تۇتىنۋ سالاسىنداعى سەنىمدىلىك جۇيەسى قۇرىلىسىن كۇشەيتىپ، بۇقارانىڭ الاڭسىز ساتىپ الۋىنا، الاڭسىز پايدالانۋىنا مۇمكىندىك جاسايمىز.

كەلۋ قاينارى: حالىق تورابى