بۇل اقشانى بۇگىننەن باستاپ ءۇي اشەكەيلەۋ، قوجالىق قاراجاتىن تاپسىرۋدىڭ بارلىعىنا ىستەتۋگە بولادى!

جاڭادان وزگەرىس ەنگىزىلگەن «تۇرعىن ءۇي الەۋمەتتىك قورىن باسقارۋ ەرەجەسى» بۇگىننەن (9 – ايدىڭ 20 – كۇنى) باستاپ رەسمي اتقارىلادى. تۇرعىن ءۇي جانە قالا - اۋىل قۇرىلىسى مينيسترلىگىنىڭ قاتىستى جاۋاپتىسى 9 – ايدىڭ 18 – كۇنى مەملەكەتتىك كەڭەستىڭ اقپارات كەڭسەسى وتكىزگەن اقپار جاريالاۋ ماجىلىسىندە بىلاي دەپ تانىستىردى: جاڭادان وزگەرىس ەنگىزىلگەن «ەرەجە» ەلىمىزدىڭ قورا - جاي بازارىنىڭ دامۋ وزگەرىسىنە بەلسەنە سايكەسىپ، امانات قويۋشىلاردىڭ تۇرلىشە ساتىداعى الۋان ءتۇرلى تۇرعىن ءۇي قاجەتىن قاناعاتتاندىرۋدى باستى نىسانا ەتىپ، تۇرعىن ءۇي الەۋمەتتىك قورىن تاپسىرۋ، پايدالانۋ، يگىلىكتەنۋ جانە باسقارۋدى ساپالىلاندىرۋ ارقىلى تۇرعىن ءۇي الەۋمەتتىك قورى ءتۇزىمىنىڭ تۇرعىن ءۇي ماسەلەسىن شەشۋدەگى ماڭىزدى رولىن ونان ارى ساۋلەلەندىردى.

«15 - بەسجىلدىق» مەزگىلىندە جاڭادان وزگەرىس ەنگىزىلگەن «ەرەجەنى» دايەكتى تياناقتاندىرۋدى وراي ەتىپ، مىناداي ءتورت ءتۇرلى قىزمەتتى ءتۇيىندى تۇردە مىقتى يگەرەمىز:

ءبىرىنشى، ءتۇزىمنىڭ قامتۋ كولەمىن كەڭەيتۋ

سوڭعى جىلداردان بەرى، ەلىمىزدىڭ ەكونوميكالىق، قوعامدىق دامۋىندا جۇمىستانۋ قۇرىلىمىندا اسا زور وزگەرىستەر تۋىلدى، يكەمدى جۇمىستانۋشىلار شوعىرىنىڭ كولەمى تەز ارتتى. تۇرعىن ءۇي الەۋمەتتىك قورى ءتۇزىمىنىڭ قامتۋ كولەمى كەڭەيتىلىپ، جەكەشە ونەركاسىپشىلەر مەن ساۋداگەرلەردىڭ، تولىق كۇندىك ەمەس كاسىپپەن شۇعىلدانۋشىلاردىڭ جانە باسقا دا يكەمدى جۇمىستانۋشىلاردىڭ تۇرعىن ءۇي الەۋمەتتىك قورىن ءوز ەركىمەن تاپسىرۋىنا قولداۋ كورسەتىلىپ، تۇرعىن ءۇي الەۋمەتتىك قورى ءتۇزىمىنىڭ جالپىعا ءتيىمدى سيپاتى ونان ارى كۇشەيتىلەدى.

ەكىنشى، شىعارىپ الۋ، پايدالانۋ كولەمىن كەڭەيتۋ

جاڭادان وزگەرىس ەنگىزىلگەن «ەرەجەدە» تۇرعىن ءۇي الەۋمەتتىك قورىن شىعارىپ الۋ جانە پايدالانۋ كولەمى كەڭەيتىلىپ، شىعارىپ الۋ جاعدايى 6 تۇردەن 9 تۇرگە كوبەيدى. مۇنىڭ ىشىندە بۇقارانىڭ كۇندەلىكتى تۇرمىسىندا تۇرعىن ءۇيدى اشەكەيلەۋگە، قوجالىق قاراجاتىن تولەۋگە بولادى. تۇرعىن ءۇي الەۋمەتتىك قورىنىڭ رولىن ونان ارى ساۋلەلەندىرىپ، ءۇي مايلاۋ، ءۇي ساتىپ الۋ، ءۇي جوندەۋ جانە ءۇي كۇتىمدەۋگە قولداۋ كورسەتىپ، تۇرعىن ءۇي الەۋمەتتىك قورىنىڭ تۇرعىن ءۇيدىڭ تۇتاس تىرشىلىك پەريودىندىق تۇتىنۋىنا قىزمەت وتەۋىنە مۇمكىندىك جاسايدى.

ءۇشىنشى، باسقارۋ، قىزمەت وتەۋدىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتۋ

ءتۇرعىن ءۇي الەۋمەتتىك قورىن باسقارۋ، قىزمەت وتەۋ ونىمدىلىگىن جوعارىلاتۋ — جالپىنىڭ ءۇمىتى. تۇرعىن ءۇي الەۋمەتتىك قورىن سيفرلىلاندىرۋ، زەردەلىلەندىرۋ قۇرىلىسىن كۇشەيتىپ، باسقارۋ، قىزمەت وتەۋدىڭ جوعارى ءونىمدى بولۋ، ەگجەي ـ تەگجەيلى بولۋ دەڭگەيىن جوعارىلاتادى. سيفرلىلاندىرۋ – زەردەلىلەندىرۋ جاعىنان پايدالانۋ ارقىلى شىعارىپ الۋ رەسميەتىن قاراپايىمداستىرىپ، قارىز اقشانى ءبىتىرۋ ۋاقىت شەگىن قىسقارتىپ، امانات اقشا تاپسىرۋ ەستەلىگىن بۇكىل ەل كولەمىندە ءوزارا سەنۋدى، ءوزارا مويىنداۋدى جولعا قويىپ، تۇرعىن ءۇي الەۋمەتتىك قورىن جوتكەۋ، جالعاستىرۋ، باسقا جەردە قارىز اقشا ءبىتىرۋ قاتارلى كاسىپتەردىڭ جوعارى ونىمدىلىكپەن ءبىر جاقتى ەتىلۋىن ىلگەرىلەتىپ، امانات قويۋشىنىڭ تابىس سەزىمى مەن رازىلىعىن جوعارىلاتۋ كەرەك.

ءتورتىنشى، قارجى حاۋىپسىزدىگىنىڭ قورعانىس شەبىن بەكەمدەۋ

قارجى حاۋىپسىزدىگى — تۇرعىن ءۇي الەۋمەتتىك قورىن باقىلاۋ - باسقارۋداعى ەڭ ماڭىزدى ءتۇيىن. ءاربىر امانات قويۋشىنىڭ ءتول مۇددەسىنە سايادى. ءتۇزىمدى ارناعا ءتۇسىرۋدى كۇشەيتۋ، باسقارۋ مەحانيزمىن اقاۋسىزداندىرۋ، باقىلاۋ – باسقارۋ ءتاسىلىن بايىتۋ قاتارلى شارالار ارقىلى تۇرعىن ءۇي الەۋمەتتىك قورى قارجىسىنىڭ حاۋىپسىزدىگىنە كەپىلدىك ەتىپ، امانات قويۋشىلاردىڭ ”اقشا قاپشىعىن“ شىنايى ويداعىداي باسقارادى.

كەلۋ قاينارى: حالىق تورابى