جۇڭگو - ەۆروپا كەزەكشى پويەزدەرى ازيا - ەۆروپانى تۇتاستىردى (اناعۇرلىم كوپ ”جۇڭگو قىزمەت وتەۋى“ ماركاسىن جەتىلدىرەيىك)

كىرىسپە

باس شۋجي شي جينپيڭ بىلاي دەپ باسا دارىپتەدى: ”وندىرىستىك قىزمەت وتەۋ كاسىبىنىڭ ارنايىلانۋى مەن قۇن تىزبەگىنىڭ جوعارى دەڭگەيگە قاراي كەڭەيۋىن ىلگەرىلەتىپ، تۇرمىستىق قىزمەت وتەۋ كاسىبىنىڭ جوعارى ساپالى، الۋان ءتۇرلى، قولايلى دامۋىن جەبەپ، اناعۇرلىم كوپ ’جۇڭگو قىزمەت وتەۋى‘ ماركاسىن جەتىلدىرىپ، قىزمەت وتەۋ كاسىبىنىڭ جوعارى ساپالى دامۋىنىڭ جاڭا جاعدايىن قۇلشىنا اشۋ كەرەك“.

جەر - جەر، تاراۋلار باس شۋجي نۇسقاعان بەتالىستى بويلاپ، بەلسەنە جوسپارلاپ، قىزمەت وتەۋ ماركاسى قۇرىلىسىن جەدەل ىلگەرىلەتتى. گازەتىمىز بۇگىننەن باستاپ ”اناعۇرلىم كوپ ’جۇڭگو قىزمەت وتەۋى‘ ماركاسىن جەتىلدىرەيىك“ ارناۋلى ايدارىن اشىپ، جەر - جەردىڭ ”جۇڭگو قىزمەت وتەۋى“ ماركاسىن جەتىلدىرۋدەگى جاڭا ىزدەنىستەرىن، جاڭا ىلگەرىلەۋشىلىكتەرىن جۇيەلى سارالاپ، ءار سالاداعى قىزمەت وتەۋ ماركاسىنىڭ ەرەكشە كورىنەۋ تۇيىندەرىن، جاڭالىق اشۋ شارالارىن، جەتەكتەۋ رولىن، كاسىپ سالاسى ونىمدىلىگىن ايگىلەيدى.

9 - ايدىڭ 14 - كۇنى تۇسكى ساعات 12 مولشەرىندە حىناننىڭ جىڭجوۋ دياۋتيان بەكەتىندە جىڭجوۋ - گامبۋرگ جۇڭگو - ەۆروپا كەزەكشى پويەزى شەتەلگە اتتاندى؛ 9 - ايدىڭ 16 - كۇنى تاڭعى ساعات 3 تەن 55 مينۋت وتكەن كەز، شانشي شي - ان حالىقارالىق پورتىنان شي - ان - دۋيسبۋرگ تۇتاس لەنيالى جۇڭگو - ەۆروپا كەزەكشى پويەزى زىمىراپ جولعا شىقتى ...

بيىل جۇڭگو - ەۆروپا كەزەكشى پويەزىنىڭ ءبىر تۇتاس ماركانى ىسكە قوسقانىنا 10 جىل بولدى. ساندى مالىمەتتە كورسەتىلۋىنشە، جۇڭگو - ەۆروپا كەزەكشى پويەزدەرىنىڭ جالپى قاتىناۋى 130 مىڭنان اسىپ، جونەلتىلگەن زات قۇنى 520 ميلليارد دوللاردان اسىپ، دۇنيە ءجۇزى مويىنداعان حالىقارالىق زات اينالىمى ماركاسىنا اينالعان.

جۇڭگو - ەۆروپا كەزەكشى پويەزىنىڭ كەمەلدەنۋى نە ءۇشىن وسىنشاما تەز بولادى؟ ماركانى بىرلىككە كەلتىرۋ توتەنشە ماڭىزدى.

2011 - جىلى چۇڭچيڭ - شينجياڭ - ەۆروپا كەزەكشى پويەزى چۇڭچيڭنەن جولعا شىقتى. وسىدان كەيىن ۋحان - شينجياڭ - ەۆروپا، حۋنان - ەۆروپا تەز جەلىسى، جىڭجوۋ - شينجياڭ - ەۆروپا سياقتى لەنيالار اشىلىپ، كەزەكشى پويەزدەردىڭ قاتىناۋ كولەمى 2013 - جىلعى 80 كەزەكتەن 2015 - جىلى 815 كەزەككە كوتەرىلدى.

الايدا سول كەزەڭدە جەر - جەردەگى كەزەكشى پويەزدەر ”وز الدارىنا جۇمىس جۇرگىزدى“. ىشكى سارىپ قۋاتى زور، وزىندىك قۇنى جوعارى، ونىمدىلىگى تومەن، ايگىلى ماركاسى ءالسىز بولىپ، دامۋعا تۇساۋ بولاتىن قيىن تۇيىنگە اينالدى.

2016 - جىلى 6 - ايدىڭ 8 - كۇنى جۇڭگو - ەۆروپا كەزەكشى پويەزىنىڭ ءبىر تۇتاس ماركاسى رەسمي ىسكە قوسىلدى. ايگىلى ماركا بەلگىسى زىمىراعان پويەز بەن جەلبىرەگەن جىبەكتى پىشىندەپ، جۇڭگو تەمىر جولىنىڭ بەلگىسى، جۇڭگو تەمىر جولىنىڭ اعىلشىنشا قىسقارتىلىپ جازىلۋى سياقتى ەلەمەنتتەردى توعىستىرىپ، جۇڭگو قىزىلىن، قارا ءتۇستى نەگىزگى رەڭ ەتتى.

وسىدان كەيىن جۇڭگو - ەۆروپا كەزەكشى پويەزدەرى ايگىلى ماركا قۇرىلىسىن، كەزەكشى پويەزدەرگە ات قويۋدى، ايگىلى ماركا بەلگىسىن، ايگىلى ماركالاردى پايدالانۋدى جانە ايگىلى ماركا ۇگىتىن بىرلىككە كەلتىرىپ، جەر - جەردىڭ كۇشىن توپتاپ، باسەكەلىك قۋاتىن كۇشەيتتى، جىلدىق قاتىناۋ مولشەرى 2016 - جىلعى 1702 كەزەكتەن 2025 - جىلى 20022 كەزەككە جەتىپ، 10.8 ەسە ارتىپ، جىلىنا ورتا ەسەپپەن %31.5 ارتتى.

بۇل كۇندە جۇڭگو - ەۆروپا كەزەكشى پويەزىنىڭ ”تەز، ءدال ۋاعىندا، حاۋىپسىز، ورنىقتى، جاسىل، ورتا قورعايتىن“ ماركا باسىمدىعى جەلى بويىنداعى ەلدەردىڭ بارعان سايىن مويىنداۋىنا يە بولدى.

جۇدىرىقتاي جۇمىلىپ، تۇتاسقان توراپ قۇردى.

زات اينالىمىنىڭ نەگىزى تۇتاسۋدا. ماركا، جوبا بىرلىككە كەلتىرىلىپ، جۇڭگو - ەۆروپا كەزەكشى پويەزدەرىنەن جۇڭگو شەكاراسى ىشىندە باتىس، ورتا، شىعىس 3 ۇلكەن ارنا قالىپتاسىپ، ساعاتتىق جىلدامدىعى 120 كيلومەتر كەلەتىن 96 كارتا جەلىسى تۇراقتانىپ، تۇتاسقان جەلىگە اينالدى.

قازىر جۇڭگو شەكاراسى ىشىندەگى 129 قالادا جۇڭگو - ەۆروپا كەزەكشى پويەزى قاتىناپ، ەۆروپاداعى 26 مەملەكەتتىڭ 236 قالاسىنا جەتىپ، 2016 - جىلداعىدان جەكە - جەكە 113، 216 قالا كوبەيىپ، قىزمەت وتەۋ كولەمى ازيا - ەۆروپانىڭ تۇتاس شەكاراسىن نەگىزىنەن قامتىدى. سترەولدى ورنالاستىرۋ شەكارا اتتاعان ساۋدانى بەرىك زات اينالىمى نەگىزىمەن قامدادى.

ولشەمدى بىرلىككە كەلتىرىپ، تاسىمال ونىمدىلىگىن جوعارىلاتتى.

زات اينالىمى باسەكەسىندە ونىمدىلىك شەشۋشى ءتۇيىن. الدىمەن تاسىمال قارقىنىنا كوز جىبەرسەك، قازىر جۇڭگو - ەۆروپا كەزەكشى پويەزىنىڭ شەكارا ىشىندەگى بولەگىنىڭ اينالىم قارقىنى ءبىر تۇتاس كۇنىنە 1600 كيلومەتر بولىپ، شەكارا سىرتىنداعى بولەگى 1000 كيلومەتردەن 1300 كيلومەترگە جەتىپ، ءداستۇرلى حالىقارالىق ۇلاسپالى تاسىمالدان 3/1 ندەي تەز بولدى.

ەندى تاسىمال قۋاتىنا كوز جىبەريىك. جۇيەلى جوعارىلاتۋ ارقىلى جۇڭگو - ەۆروپا كەزەكشى پويەزدەرىنىڭ ەڭ ۇلكەن گرۋپپاعا بولىنگەن سانى مەن سۇيرەۋ ساپاسى جەكە - جەكە 55 كە، 3000 تونناعا جەتىپ، تاسىمال مولشەرى زور، قارقىنى تەز بولدى.

ەڭ سوڭىندا كەدەننەن ءوتۋ ونىمدىلىگىنە قارايىق. شينجياڭ قورعاس ۆوگزالىنىڭ حاۋىپسىزدىك ورنالاستىرۋ، قولباسشىلىق ەتۋ ورتالىعىنا بارعاندا، تەلەفون قوڭىراۋى تولاسسىز ەستىلىپ تۇردى، ەكراندا قازاقستان التىنكول ۆوكزالىنا ۋاكىلدىك ەتكەن پويەز قابىلداۋ سيگنال شىراعى توقتاۋسىز جىلتىلداۋدا.

”بەكەتتەر اراسىنداعى اشىق جۇيە ىسكە قوسىلعاننان بەرى، ءبىزدىڭ جۇمىس ونىمدىلىگىمىز %11 جوعارىلادى“ دەدى باسقارۋشى جاڭ دۇڭچاڭ. بۇرىن جۇڭگو - قازاقستان ەكى جاق ۆوگزالىنداعى قىزمەتكەرلەر قارسى جاق ۆوگزالىنداعى پويەزدىڭ قاتىناۋ جاعدايىن دەر كەزىندە تەكسەرە المايتىن، قايتا - قايتا تەلەفوندا سويلەسۋگە تۋرا كەلەتىن. قازىر قاتىناۋ ينفورماتسياسى ”سەكۋند دارەجەسىندەگى قادامداسۋدى“ جۇزەگە اسىردى، وسى سەبەپتى ءار كەزەكشى پويەزدىڭ كەدەننەن ءوتۋ ۋاقىتى 10 مينۋت ۇنەمدەلدى.

تاياۋ جىلداردان بەرى ”تەمىر جولدى جەدەل تۇتاستىرۋ“ ۇلگىسى مەن ”سيفرلى شەكارا وتكەلى“ جۇيەسىنە سۇيەنىپ، جۇڭگو - ەۆروپا كەزەكشى پويەزدەرىنىڭ شەكارا وتكەلىنەن ءوتۋ ۋاقىتى ەڭ قىسقا بولعاندا 30 مينۋتقا قىسقاردى.

جۇمىس ءبولىسىن ايقىنداپ، قىزمەت وتەۋ ساپاسىن جوعارىلاتتى.

جۇڭگو - ەۆروپا كەزەكشى پويەزىنىڭ وتكەل توراپ بەكەتى، جەلىدەگى ءبىر بەكەتتىك قىزمەت وتەۋ تۇعىرى. جىجياڭ حاڭجوۋ گانجين تاسىمال جابدىقتارى شەكتى سەرىكتەستىگىنىڭ جاۋاپتىسى چىن مىرزا جۇڭگو - ەۆروپا كەزەكشى پويەزىنىڭ وتكەل توراپ بەكەتىنە شىعىپ، ءبىر شەكارادان ءبىر شەكاراعا دەيىن تاسىمالداۋ، ۋاكىل رەتىندە كەدەنگە مالىمدەۋدەن جالپىلىق زات اينالىمىنا دەيىن، ءبىر جولدا بىتىرەدى. ”زات جىڭجوۋدان جولعا شىعىپ، نەبارى 17 كۇن ىشىندە ەۆروپانىڭ ىشكى وڭىرىنە امان - ەسەن جەتەدى“.

قىزمەت وتەۋدىڭ كەمەلدىلىگى ەكىنىڭ بىرىندە نازىك بۋىنداردا بەينەلەنەدى. بۇل زاتتار تاڭ سارىدە ەۆروپاعا جەتەدى، جۇڭگو - ەۆروپا كەزەكشى پويەزىنىڭ وتكەل توراپ بەكەتىنىڭ قىزمەت وتەۋ ۇيىرمەسى ەكران الدىندا شەكارا سىرتىنداعى زات تاپسىرىپ الۋشىلاردىڭ ساندىقتاردى اشۋىنا جانە زات تۇسىرۋلەرىنە الىس ارالىقتان جەتەكشىلىك ەتىپ، زاتتاردىڭ حاۋىپسىزدىگىنە، تاپسىرىپ بەرۋ - وتكىزىپ الۋىنا بارىنشا كەپىلدىك ەتەدى.

ىركىلىسسىز، جوعارى ءونىمدى، ەگجەي - تەگجەيلى بولىپ، جۇڭگو - ەۆروپا كەزەكشى پويەزدەرىنىڭ وزگەشە باسىمدىعىن سومدادى.

شي - ان يىڭتو حالىقارالىق زات اينالىمى شەكتى سەرىكتەستىگى ءبىر شۇعىل مىندەت تاپسىرىپ الادى. ول تاپسىرىس شەتەلدەگى ءبىر كاسىپورىننىڭ 310 قوراپ، جيىنى 18 مىڭ 600 توننالىق شيكىزاتتى جۇڭگٶدان يمپورت ەتۋىنە كومەكتەسۋ ەدى، تاسمال شەگى 35 كۇن.

ول كەزدە تەڭىز تاسىمالىنىڭ پەريودى 45 - 60 كۇنگە جەتەدى، تاس جول تاسىمالىنا 600 دەن استام اۆتوموبيل قاجەت، ونىڭ ۇستىنە تاسىمال اقىسى مۇناي باعاسىنىڭ ىقپالىنا ۇشىراپ، زور تولقۋدا بولاتىن. ”جۇڭگو - ەۆروپا كەزەكشى پويەزىنىڭ جالپى بارىسىنىڭ ۋاقىتى 10 دا 20 كۇن، ونىڭ ۇستىنە تاسىمال مولشەرى زور، جالپىلىق زات اينالىمىنىڭ جالپى وزىندىك قۇنىن %29 تومەندەتۋگە بولادى، كاسىپورىننىڭ ۋاعىندا وندىرىسكە قوسىلۋىن جوعارى ونىمدىلىكپەن قامتاماسىز ەتەدى“ دەدى سەرىكتەستىكتىڭ باس ديرەكتورى سۋ لۋ.

جۇڭگو - ەۆروپا كەزەكشى پويەزىنىڭ جوعارى ساپالى دامۋىنا ىلەسە، جۇڭگو - ەۆروپا كەزەكشى پويەزىنىڭ شەكارا ءىشى - سىرتىنداعى تاسىمال باعاسى قاتىناۋدىڭ العاشقى كەزىندەگىدەن %40 تەن استام تومەندەدى، تاسىمالدانعان زات 53 تۇرگە، 50 مىڭنان استام تاۋارعا جەتتى، اۆتوكولىك بولشەكتەرى، مەحانيكالى جابدىقتار، ەلەكتروندىق ءونىم سياقتى ۇستەمە قۇنى جوعارى زاتتار جۇڭگو - ەۆروپا جۇك پويەزىنىڭ ەكسپورت ەتەتىن نەگىزگى زات قاينارىنا اينالدى. ەۆروپانىڭ اعاش ماتەريالدارى، قاعاز قويمالجىڭى، ەرەكشە اۋىل شارۋاشىلىق قوسىمشا ونىمدەرى جانە كۇندەلىكتى تۇتىنۋ بۇيىمدارى دا كەزەكشى پويەز ارقىلى جۇڭگو بازارىنا كىردى.

بۇگىنگى جۇڭگو - ەۆروپا كەزەكشى پويەزىنىڭ دارەجەسى ءالى دە ۇزدىكسىز جوعارىلاۋدا.

6 - ايدىڭ 24 - كۇنى چاڭجياڭ اتىراۋىنداعى تۇڭعىش ”كومىرتەكسىز “ جۇڭگو - ەۆروپا كەزەكشى پويەزى ي - ۋ باتىس ۆوكزالىنا ءساتتى جەتتى. وسى رەتكى كەزەكشى پويەز دۋيسبۋرگ - ي - ۋ جالپى جەلىسى ارقىلى قاتىناپ، ەلەكترلەنگەن وڭىرلەردە %100 جاسىل ەلەكتر ەنەرگياسىن پايدالاندى؛ ەلەكترلەنبەگەن وڭىرلەردە التىن ولشەمىندە كۋالاندىرىلعان كومىرتەگىن جويۋ نىسانى ارقىلى قالعانىن ىعىستىرىپ، پويەز قاتىناۋ بارىسىندا كومىرتەگى قوس توتىعىن نولدىك ىعىستىرۋدى جۇزەگە اسىردى.

”جۇڭگو - ەۆروپا كەزەكشى پويەزى العاش ىسكە تۇسكەننەن باستاپ جاسىل گەنگە يە بولدى“ دەپ القادى چەحيا METRANS توبى جىبەك جولى ىستەرى ءبولىمىنىڭ باس باقىلاۋشىسى مارتين كۋبەك.

تەمىر جول بويىنداعى قۇرىلعىلاردى ەلەكترلەندىرىپ جاڭالاۋدىڭ ۇزدىكسىز ىلگەرىلەۋىنە، سونداي - اق جاڭا ەنەرگيا جيناۋ كارتوچكاسى سياقتى تازا تاسىمال قۇرالدارىنىڭ زاتتاردى جيناۋ - جونەلتۋ بۋىنىنا قوسىلۋىنا بايلانىستى، ازيا - ەۆروپانى ەندەي وتەتىن وسى ”قۇرىش كەرۋەننىڭ“ جاسىل ءتۇسى بارعان سايىن ايقىندالا تۇسۋدە.

بۇگىنگى جۇڭگو - ەۆروپا كەزەكشى پويەزىنىڭ ىقپالى ءالى دە كەڭەيۋدە.

جياڭشي ولكەسى گانجوۋ حالىقارالىق قۇرلىق پورتىندا تيەۋىش قوراپتار رەتتى ءتىزىلىپ، تيەۋىش كراندار ارلى - بەرلى قايشالىسۋدا. قۇرلىق پورتى ارقىلى، شەكارا اتتاعان ەلەكتروندىق ساۋدا گاننان كاسىپورىندارىنىڭ تەڭىزگە شىعۋ ءتاسىلىن تەرەڭ وزگەرتۋدە.

”بۇرىن گانجوۋدا شەكارا اتتاعان ەلەكتروندى ساۋدا كەدەننەن ءوتۋ ارناسى جوق ەدى، مەن گۋاڭدۇڭ ولكەسىنىڭ شىنجىن قالاسىنا بارىپ ەكسپورت رەسمياتىن وتەيتىنمىن“. قازىر ىرگەدەگى گانجوۋ حالىقارالىق قۇرلىق پورتى كەدەننەن ءوتۋدى جۇزەگە اسىردى، جۇڭگو - ەۆروپا كەزەكشى پويەزدەرى زاتتاردى شەتەل باقشا رايوندارىنا، شەتەل قامبالارىنا تىكە جەتكىزىپ، كاسىپورىننىڭ وزىندىك قۇنىن تومەندەتىپ، ونىمدىلىگىن ارتتىرۋىنا كومەكتەسىپ، اناعۇرلىم كوپ قاريدارلارعا قول جەتكىزدىك“ دەدى جياڭشي داشىجيە ءۇي جيھازدارى شەكتى سەرىكتەستىگىنىڭ قاتىستى جاۋاپتىسى ”ەكى رايون بىرلەسىپ قيمىلداۋ“ مەحانيزمىنىڭ كاسىپورىندارعا اكەلگەن قولايلىلىعىن ايتىپ.

ون جىل جاپالى جۇمىس جۇرگىزگەن ”قۇرىش كەرۋەن“ تەك قانا ءبىر تارماق تاسىمال جەلىسى ەمەس، ول تۇراقتى تاسىمال قۋاتى، جوعارى ءونىمدى سايكەسۋ جانە جاسىل ۇعىم ارقىلى قارسى الۋعا بولەنگەن حالىقارالىق الەۋمەتتىك ونىمگە اينالدى.