بۇكىل ەلىمىزدەگى قالالاردىڭ جوعارى مەكتەپ بىتىرگەن وقۋشىلار اراسىنان كۇز مەزگىلىندە جۇمىسقا ادام قابىلداۋ بىرلەسكەن ارناۋلى قيمىلى باستالدى 

حالىق گازەتىنىڭ ءتىلشىسى لي لينۋەي 9 – ايدىڭ 20 – كۇنى بەيجيڭنەن حابارلايدى. ءتىلشىنىڭ ادام كۇشى بايلىعى جانە قوعامدىق قامتاماسىزداندىرۋ مينيسترلىگىنەن ۇعىسۋىنشا: 9 – ايدىڭ 20 – كۇنى، جۇمىستاندىرۋ ارقىلى بولاشاققا جەتەلەۋ — 2026 – جىلعى بۇكىل ەلىمىزدەگى قالالاردىڭ جوعارى مەكتەپ بىتىرگەن وقۋشىلار اراسىنان كۇز مەزگىلىندە جۇمىسقا ادام قابىلداۋ بىرلەسكەن ارناۋلى قيمىلى باستالدى، بۇل جوعارى مەكتەپ بىتىرگەن وقۋشىلار قاتارلى جاستاردىڭ جۇمىستانۋىنا دەم بەرەدى. وسى رەتكى قيمىلدا نەگىزىنەن 2027 – جىلى جوعارى مەكتەپ بىتىرەتىن وقۋشىلار مەن بۇرىنعى جىلدارى جوعارى مەكتەپ بىتىرگەنمەن جۇمىستانباعاندارعا نازار شوعىرلاندىرىلادى، جەر – جەردەگى الەۋمەتتىك جۇمىستاندىرۋ جانە دارىندىلارعا قىزمەت وتەۋ قۇرىلىمدارى، ادام كۇشى بايلىعى جاعىندا قىزمەت وتەۋ قۇرىلىمدارى مەن كاسىپتىك قوعامدار بىرگە قاتىناسىپ، ءتۇرلى سالالارعا، ءتۇرلى وڭىرلەرگە باعىتتالعان ارناۋلى جۇمىسقا قابىلداۋ قيمىلدارى مەن جۇمىستانۋعا جەتەكشىلىك ەتۋ جاعىندا قىزمەت وتەۋ قيمىلدارى ىركەس – تىركەس ورىستەتىلەدى.

سيفرلى – زەردەلى، دالمە – ءدال قىزمەت وتەۋ كۇشەيتىلەدى. جۇڭگو مەملەكەتتىك دارىندىلار تورابىندا نەگىزگى الاڭ ورنالاستىرىلىپ، جەر – جەردە ينتەرنەتتەگى تارماق الاڭدار اشىلىپ، قىزمەت ورنىن جاريالاۋ، تىكە تاراتىلىم ارقىلى قىزمەت ورنىن تانىستىرۋ، ساياساتتى ۇگىتتەۋ، جۇمىستانۋعا جەتەكشىلىك ەتۋ قاتارلى قىزمەتتەر وتەلەدى. ينتەرنەت ارقىلى جانە ينتەرنەتتەن تىس ءبىر تۇلعالانعان قىزمەت وتەۋدى ىلگەرىلەتىپ، جۇمىسقا قابىلداۋ تورابىنداعى قىسقاشا تاريحىن تاپسىرۋ، الىس ارالىقتان سىناۋ الۋ قاتارلى ”ءبىر بەكەتتىك“ قىزمەت وتەۋدى ۇزدىكسىز كەمەلدەندىرەدى.

ارناۋلى جۇمىسقا قابىلداۋ قيمىلدارى تۇرگە ءبولىنىپ وتكىزىلەدى. سيفرلى شارۋاشىلىق، جاسىل شارۋاشىلىق قاتارلى ءتۇيىندى سالالار مەن وزىق جاساۋ كاسىبى، وسىزاماندانعان قىزمەت وتەۋ قاتارلى كاسىپتەرگە نازار شوعىرلاندىرىلىپ، كاسىپتىك ارناۋلى قيمىلدار ورىستەتىلەدى؛ مەملەكەتتىڭ وڭىرلىك دامۋ ستراتەگياسىن توڭىرەكتەي وتىرىپ، وڭىرلىك ارناۋلى قيمىلدار ۇيىمداستىرىلادى؛ جەرگىلىكتى ءتۇيىندى كاسىپتەر مەن شەشۋشى سالالارعا شۇعىل قاجەتتى، كەمشىل بولعان دارىندىلارعا بولعان قاجەتسىنۋگە باعىتتاي وتىرىپ، شۇعىل قاجەتتى، كەمشىل دارىندىلارعا ارنالعان قيمىل وتكىزىلەدى.

كوپ ءتۇرلى سايكەستى قيمىلدار ورىستەتىلەدى. جۇمىستانۋعا جەتەكشىلىك ەتۋ جاعىنداعى مامانداردى مەكتەپ اۋلاسىنا، كاسىپورىنعا، باقشا رايونىنا بارىپ، جۇمىستانۋ جاعىنداعى ساياساتتى ۇگىتتەۋ، قىزمەت ىزدەۋ جاعىندا كەڭەس بەرۋ، كاسىپتىك جاقتان جەتەكشىلىك ەتۋ قاتارلى قيمىلداردى ورىستەتۋگە ۇيىمداستىرادى. مەكتەپ بىتىرگەن وقۋشىلاردى ءتۇيىندى كاسىپورىندارعا، نەگىزگى ساتىداعى ورىندارعا جانە كاسىپتىك باقشالارعا بارۋعا ۇيىمداستىرىپ، مەكتەپ بىتىرگەن وقۋشىلاردىڭ كاسىپ جونىندەگى تانىمىن جانە قىزمەت ىزدەۋ، جۇمىستانۋ قابىلەتىن ارتتىرادى.

كەلۋ قاينارى: حالىق تورابى