سيرەك كەزدەسەتىن اۋرۋلاردى ەمدەيتىن ولكەلىك دەڭگەيدەگى ەمدەۋ امبۋلاتورياسى بيىل جىل سوڭىنا دەيىن تۇگەلدەي اشىلىپ بولۋى ءتيىس 

حالىق گازەتىنىڭ 9 - ايدىڭ 20 – كۇنى بەيجيڭنەن بەرگەن حابارى (ءتىلشى شىن شاۋتيە). مەملەكەتتىك دەنساۋلىق ساقتاۋ، سالاماتتىق كوميتەتى كەڭسەسى مەن مەملەكەتتىك جۇڭگوشا شيپاگەرلىك جانە ءدارى - دارمەك ىستەرىن باسقارۋ مەڭگەرمەسى جالپىلىق باسقارماسى جۋىردا «سيرەك كەزدەسەتىن اۋرۋلاردىڭ الدىن الۋ جانە ونى ەمدەۋ قىزمەتىن اناعۇرلىم كۇشەيتۋ جونىندەگى ۇقتىرۋدى» بىرگە باسىپ تاراتتى. مۇندا 2026 - جىلدىڭ سوڭىنا دەيىن ولكەلەر، اۆتونوميالى رايوندار، توتە قاراستى قالالار جانە شينجياڭ ءوندىرىس - قۇرىلىس بيڭتۋانى تۇگەلدەي ولكەگە قاراستى جانە ودان جوعارى دەڭگەيدەگى ەمحانالاردان كەمىندە ءبىر ەمحاناعا سۇيەنىپ، سيرەك كەزدەسەتىن اۋرۋلاردى ەمدەۋ امبۋلاتورياسىن اشۋى، قاراستى اۋماقتا 3 ميلليوننان استام جان سانى بار ايماق دارەجەلى قالالار تۇگەلدەي كەمىندە ءبىر ەمحاناعا سۇيەنىپ، سيرەك كەزدەسەتىن اۋرۋلاردى ەمدەۋ امبۋلاتورياسىن اشۋى، قاتىستى سالاداعى شيپاگەرلەردى ناۋقاس كورۋگە ورنالاستىرىپ، سيرەك كەزدەسەتىن اۋرۋلارعا دياگنوز قويۋ جانە ونى ەمدەۋ جاعىندا جۇيەلى قىزمەت وتەۋىمەن قامداۋى ءتيىس ەكەنى ورتاعا قويىلعان.

كەلۋ قاينارى: حالىق تورابى