جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ بەسىنشى جالپى ءماجىلىسىنىڭ قاراۋىنا ۇسىنىلاتىن قۇجاتتاردى تالقىلادى

شينحۋا اگەنتتىگى، 9 - ايدىڭ 21 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 9 - ايدىڭ 21 - كۇنى ءماجىلىس اشىپ، پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتۋ جونىندەگى كەلەلى ماسەلەلەردى اقىلداستى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

ءماجىلىس جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ بەسىنشى جالپى ءماجىلىسىن 10 - ايدىڭ 26 - كۇنىنەن 29 - كۇنىنە دەيىن بەيجيڭدە اشۋدى ۇيعاردى.

جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى «جۇڭگو كوممۋنيستىك پارتياسى ورتالىق كوميتەتىنىڭ پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتۋ جونىندەگى ءبىرقانشا كەلەلى ماسەلە تۋرالى قارارى» نۇسقاسىنا پارتيا ءىشى - سىرتىندا بەلگىلى كولەمدە پىكىر الۋ جاعدايى جونىندەگى باياندامانى تىڭداپ، وسى رەتكى ماجىلىستە تالقىلانعان پىكىرلەرگە ساي وزگەرىس ەنگىزىلگەننەن كەيىن قۇجات نۇسقاسىن 20 - كەزەكتى ورتالىق كوميتەتتىڭ بەسىنشى جالپى ءماجىلىسىنىڭ قاراۋىنا ۇسىنۋدى ۇيعاردى.

ءماجىلىس مىنالاردى اتاپ كورسەتتى: وسى رەتكى پىكىر الۋدا دەموكراتيانى ساۋلەلەندىرىلىپ، كوپتىڭ اقىل - پاراساتى شوعىرلاندىرىلىپ، جەر - جەر، تاراۋلار، ءارقايسى جاق قارار نۇسقاسىن تولىق تۇراقتاندىرىپ، قارار نۇسقاسى شىندىقتى ءىس جۇزىنەن ىزدەي وتىرىپ، جاڭا داۋىردە پارتيانى جاپپاي قاتاڭ جونگە سالۋدىڭ تابىستارى مەن تاجىريبەلەرىن قورىتىندىلاپ، قازىرگى جانە بۇدان بىلايعى ءبىر مەزگىلدەگى پارتيا قۇرىلىسى ءدوپ كەلگەن جاعداي مەن مىندەتتەرگە تەرەڭ تالداۋ جاساپ، پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتۋ جونىندە ستراتەگيالىق ورنالاستىرۋ جاساپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيانى قۇدىرەتتەندىرۋ، مەملەكەتتى قۇدىرەتتەندىرۋ تاريحي ىرىقتىلىعىن ايگىلەدى، بۇل جاڭا داۋىردەگى پارتيا قۇرىلىسىنىڭ جاڭا دا ۇلى ينجەنەرياسىن ىلگەرىلەتۋدە، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدە كەلەلى رەال مانگە جانە ۇزاق بولاشاقتىق جەتەكشىلىك مانگە يە دەپ قارادى.

ءماجىلىس مىنالاردى باسا دارىپتەدى: پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتۋدە، ءسوز جوق، ماركسيزم - لەنينيزمگە، ماۋ زىدۇڭ يدەياسىنا، دىڭ شياۋپيڭ نازارياسىنا، ”ۇشكە ۋاكىلدىك ەتۋ“ ماڭىزدى يدەياسىنا، عىلمي دامۋ كوزقاراسىنا تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، شي جينپيڭ پارتيا قۇرىلىسى يدەياسىن ىشكەرىلەي ۇيرەنىپ، دايەكتىلەندىرىپ، پارتيانىڭ بورىشى مەن مىندەتىن جۇزەگە اسىرۋدى ارقاۋ ەتىپ، جاڭا داۋىردەگى پارتيا قۇرىلىسىنىڭ جالپى تالابىن تياناقتاندىرىپ، پارتيا ۋستاۆىن نەگىز ەتىپ، پارتيانىڭ اتويشى قوسىندىق سيپاتىنا تاباندى بولىپ، پارتيانىڭ جالپى بەتتىك باسشىلىعى مەن پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋ، پارتيانىڭ ۇزاق ۋاقىت بيلىك جۇرگىزۋ قابىلەتىن جوعارىلاتۋدى، پارتيانىڭ العاباسارلىعى مەن كىرشىكسىزدىگىن ساقتاۋدى، پارتيانىڭ حالىق بۇقاراسىمەن ەتەنە بايلانىسىن ساقتاۋدى كوزدە ۇستاپ، قاتاڭ نەگىزگى اۋەننەن اۋىتقىماۋعا تاباندى بولىپ، پارتيانى جاپپاي قاتاڭ باسقارۋ جۇيەسىن اقاۋسىزداندىرىپ، پارتيانىڭ ساياسي قۇرىلىسىن باسشىلىققا الىپ، پارتيانىڭ ءار جاقتاعى قۇرىلىسىن جاپپاي ىلگەرىلەتۋ، بۇكىل پارتيانىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، پارتيانىڭ ءوزىن كىرشىكسىزدەندىرۋىن، ءوزىن كەمەلدەندىرۋىن، ءوزىن جاڭالاۋىن، ءوزىن جوعارىلاتۋىن ۇزدىكسىز جۇزەگە اسىرىپ، پارتيانىڭ ساياسي باسشىلىق قۋاتىن، يدەيالىق جەتەكشىلىك قۋاتىن، بۇقارانى ۇيىمداستىرۋ قۋاتىن، قوعامدىق ۇندەۋ قۋاتىن ۇزدىكسىز كۇشەيتۋ، پارتيانىڭ باستان - اياق ءداۋىردىڭ الدىڭعى لەگىندە جۇرەتىن، حالىق شىن جۇرەكتەن قولدايتىن، ءتۇرلى داۋىلداردىڭ سىنىنان سۇرىنبەي وتەتىن، جالىندى دا ايبىندى ماركسيزمدىك بيلىك باسىنداعى پارتيا بولۋىنا شىنايى كەپىلدىك ەتىپ، باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسىنا اينالدىرۋ كەرەك.

ءماجىلىس مىنالاردى باسا دارىپتەدى: بۇكىل پارتيا، ءسوز جوق، پارتيانىڭ بيلىك جۇرگىزۋ ورنىن بەكەمدەۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ستراتەگيالىق تۇرعىسىنان، پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتۋدىڭ ماڭىزدىلىعىن، كوكەيتەستىلىگىن جەتە تانىپ، سەنىمدى بەكەمدەپ، تاباندىلىقتى ساقتاپ، جاڭا داۋىردە پارتيانى جاپپاي قاتاڭ جونگە سالۋدىڭ قۇندى تاجىريبەلەرىنە اناعۇرلىم جوعارى ولشەم، اناعۇرلىم ناقتى شارا ارقىلى ويداعىداي تاباندى بولىپ، ودان ويداعىداي پايدالانىپ، پارتيا قۇرىلىسىندا ءدوپ كەلگەن كورنەكتى ماسەلەلەردى ويداعىداي جونگە سالىپ، ويداعىداي شەشىپ، پارتيانى باسقارۋدا، پارتيانى جونگە سالۋدا قالىپتاسقان تاماشا ساياسي جاعدايدى ويداعىداي بەكەمدەپ، ويداعىداي دامىتىپ، جاڭا داۋىردە پارتيانى باسقارۋدىڭ، پارتيانى جونگە سالۋدىڭ، پارتيانى گۇلدەندىرۋدىڭ، پارتيانى قۇدىرەتتەندىرۋدىڭ جاڭا جاعدايىن ۇزدىكسىز اشۋى كەرەك.

ءماجىلىس باسقا ىستەردى دە اقىلداستى.

كەلۋ قاينارى: حالىق تورابى