شي جينپيڭ ا ق ش - دا مەملەكەتتىك ساپاردا بولادى

شينحۋا اگەنتتىگى، 9 - ايدىڭ 21 - كۇنى، بەيجيڭ. سىرتقى ىستەر مينيسترلىگىنىڭ مالىمدەمەشىسى 9 - ايدىڭ 21 - كۇنى مىنانى جاريالادى: امەريكا قۇراما شتاتتارىنىڭ زۇڭتۇڭى ترامپتىڭ ۇسىنىسى بويىنشا، مەملەكەت ءتوراعاسى شي جينپيڭ 9 - ايدىڭ 23 - كۇنىنەن 25 - كۇنىنە دەيىن ا ق ش - دا مەملەكەتتىك ساپاردا بولادى.

«حالىق گازەتى»، 9 - ايدىڭ 21 - كۇنى، بەيجيڭ (ءتىلشى سۇي چي). امەريكا قۇراما شتاتتارىنىڭ زۇڭتۇڭى ترامپتىڭ ۇسىنىسى بويىنشا، مەملەكەت ءتوراعاسى شي جينپيڭ 9 - ايدىڭ 23 - كۇنىنەن 25 - كۇنىنە دەيىن ا ق ش - دا مەملەكەتتىك ساپاردا بولادى. سىرتقى ىستەر مينيسترلىگىنىڭ مالىمدەمەشىسى گو جياكۇن 9 - ايدىڭ 21 - كۇنى كەزەكتى تىلشىلەر جينالىسىندا وسى رەتكى ساپاردىڭ باستى ورنالاستىرۋلارىن جانە جۇڭگونىڭ جۇڭگو - ا ق ش قاتىناسىن دامىتۋداعى ءۇمىتىن تانىستىردى.

گو جياكۇن بىلاي دەدى: ساپار كەزىندە ءتوراعا شي جينپيڭ ترامپ زۇڭتۇڭمەن جۇڭگو - ا ق ش قاتىناسىنا، سونداي - اق دۇنيە ءجۇزىنىڭ بەيبىتشىلىگى مەن دامۋىنا ساياتىن كەلەلى ماسەلەلەر جونىندە ىشكەرىلەي پىكىر اۋىستىرادى.

گو جياكۇن مىنالاردى ءبىلدىردى: مەملەكەت باسشىلارى ديپلوماتياسى جۇڭگو - ا ق ش قاتىناسى جونىنەن ورنىن وگەيسىتۋگە بولمايتىن ستراتەگيالىق جەتەكشىلىك رولعا يە. جۇڭگو، ا ق ش مەملەكەت باسشىلارىنىڭ جارتى جىل ىشىندە ءوزارا ساپاردا بولۋى تاريحي، بەلەستىك مانگە يە. جۇڭگو جاق ا ق ش جاقپەن بىرگە جۇڭگو مەن ا ق ش - نىڭ سىندارلى ستراتەگيالىق ورنىقتى قاتىناسىنىڭ مازمۇنىن بايىتىپ، پىكىرلەسۋدى، سەلبەسۋدى كۇشەيتىپ، الاۋىزدىقتاردى ۇيلەسىمدى تىزگىندەپ، ەكى ەل حالقىنىڭ ىرىس - قۇتىن ۇزدىكسىز ارتتىرىپ، دۇنيە ءجۇزىنىڭ بەيبىتشىلىگىن، ورنىقتىلىعىن، گۇلدەنۋىن جەبەۋدى قالايدى.

كەلۋ قاينارى: حالىق تورابى