جاڭا كەزەكتى سۋىق اعىس ىقپال جاسايدى، سولتۇستىكتەگى وڭىرلەردە تەمپەراتۋرا تاريحتاعى ەڭ تومەنگى ورەنى جاڭالايدى 

ورتالىق تەلەۆيزيا تورابىنىڭ حابارى: 10 – ايدىڭ 15 – كۇنىنەن باستاپ، جاڭا كەزەكتى سۋىق اعىس ەلىمىزگە ىقپال جاساپ، سولتۇستىكتەگى كوپ جەردە تەمپەراتۋرا تاريحتاعى ەڭ تومەنگى ورەنى جاڭالايدى. مۇنان سىرت، سۋىق اعىس بارىسىندا كەڭ كولەمدى جاڭبىر جاۋادى. ناقتى ايتقاندا، قاي جەرلەرگە ىقپال جاسايدى؟ بىرگە كورەيىك.

الداعى 5 كۇندە ورتا – شىعىس بولىكتە كەڭ كولەمدى جاۋىن جاۋادى

الداعى 5 كۇندە، ەلىمىزدىڭ ورتا – شىعىس بولىگىندە كەڭ كولەمدى جاۋىن – شاشىندى اۋا رايى تۋىلادى. بەيسەنبى جانە جۇما كۇندەرى جاڭبىر نەگىزىنەن چاڭجياڭ وزەنىنىڭ بويىنا شوعىرلانادى، 10 – ايدىڭ 16 – كۇنىنەن باستاپ جاڭبىر سولتۇستىككە قاراي ويىسادى، ەلىمىزدىڭ سولتۇستىگىندەگى وڭىرلەر كۇز مەزگىلى باستالعاننان بەرگى كولەمى ەڭ كەڭ، قۋاتى ەڭ كۇشتى جاڭبىرلى اۋا رايىن باستان كەشىرەدى.

چاڭجياڭ وزەنىن بويلاي كەڭ كولەمدى جاۋىن جاۋادى، كۇشتى كونۆەكسيالىق اۋا رايىنان ساقتانۋ قاجەت

10 – ايدىڭ 15 – كۇنى جانە 10 - ايدىڭ 16 – كۇنى ەكى كۇندە، وڭتۇستىكتە جاۋاتىن جاڭبىر، نەگىزىنەن، قوسالقى ىستىق بەلدەۋلىك جوعارى قىسىمنىڭ سىرتقى جاعىنداعى سۋ بۋىنىڭ ىقپالىنا بايلانىستى تۋىلادى، كوبىنەسە، نايزاعايلى جاڭبىر جاۋادى. سولتۇستىكتەگى وڭىرلەر جونىنەن ايتقاندا، جۇمادان باستاپ سۋىق اعىس كەلەدى، سۋىق اعىس پەن جىلى اعىس توعىسىپ، جاۋىن – شاشىن كورنەكتى كوبەيەدى ءارى كۇشەيەدى. 10 – ايدىڭ 15 – كۇنى چاڭجياڭ وزەنى بويىنداعى گۇيجوۋ، چۇڭچيڭ، حۋناننىڭ سولتۇستىك بولىگى، حۋبەيدىڭ وزەن جاعالاۋى، جياڭشي، انحۇيدىڭ وڭتۇستىك بولىگى قاتارلى جەرلەردە قالىڭ جاڭبىر نەمەسە نوسەر جاۋادى، بۇل جەردەگى جاڭبىر بۇرىنعى جىلدارداعى وسى مەزگىلدەگىمەن سالىستىرعاندا ءبىرشاما سيرەك كەزدەسەدى.

جۇمادان باستاپ سولتۇستىكتەگى وڭىرلەردە جاۋىن – شاشىن مولشەرى ارتادى، ءىشىنارا وڭىرلەردە نايزاعاي جارقىلدايدى

10 – ايدىڭ 16 – كۇنىنەن باستاپ، سولتۇستىكتە جاۋاتىن جاڭبىر كورنەكتى كۇشەيەدى، باتىس - سولتۇستىك ءوڭىردىڭ شىعىس بولىگى، حۋاڭحى – حۋايحى الابى قاتارلى جەرلەردە ورتاشا نەمەسە قالىڭ جاڭبىر جاۋادى. 10 – ايدىڭ 17 – كۇنى سولتۇستىك جۇڭگو مەن شىعىس - سولتۇستىكتىڭ وڭتۇستىك بولىگىندە جاۋىن – شاشىن مولشەرى دە كورنەكتى كۇشەيەدى، وتە – موتە، لياۋدۇڭ تۇبەگى مەن شاندۇڭ تۇبەگىندە قالىڭ جاڭبىر نەمەسە نوسەر جاۋادى، سونىمەن بىرگە، جاۋىن – شاشىن بارىسىندا نايزاعاي جارقىلدايدى.

كەلۋ قاينارى: حالىق تورابى