2026.10.15 16:52 كەلۋ قاينارى : حالىق تورابى
شينحۋا اگەنتتىگى، 10 - ايدىڭ 14 - كۇنى، بەيجيڭ. 10 - ايدىڭ 14 - كۇنى مەملەكەت ءتوراعاسى شي جينپيڭ 140 - كەزەكتى جۇڭگو يمپورت - ەكسپورت تاۋارلارى جارمەڭكەسىنە (گۋاڭجوۋ جارمەڭكەسى) قۇتتىقتاۋ حاتىن جولدادى.
شي جينپيڭ بىلاي دەپ اتاپ كورسەتتى: گۋاڭجوۋ جارمەڭكەسى باستالعان 70 جىلدان بەرى جۇڭگو مەن شەتەلدىڭ ساۋدا بارىس - كەلىسىن جەبەۋ جاعىندا ماڭىزدى رولىن ساۋلەلەندىرىپ، جۇڭگونىڭ جوعارى دەڭگەيدەگى سىرتقا ەسىك اشۋدى كەڭەيتۋدەگى، اشىق دۇنيە ءجۇزى ەكونوميكاسىن قۇرۋدى ىلگەرىلەتۋدەگى ءونىمدى تۇعىرىنا اينالدى. جاڭا جاعدايدا، جۇڭگو دۇنيە جۇزىندەگى ءار ەلمەن قول ۇستاسىپ، كوپ جاقتى ساۋدا ءتۇزىلىسىن بىرگە قورعاپ، دۇنيە جۇزىلىك كاسىپ تىزبەگى مەن قامداۋ تىزبەگىنىڭ ورنىقتى، ىركىلىسسىز بولۋىن قامتاماسىز ەتىپ، حالىقارالىق ەكونوميكا - ساۋدانىڭ ءوزارا ءتيىمدى سەلبەستىك كەڭىستىگىن كەڭەيتىپ، جالپىعا ءتيىمدى، سيىسىمدى ەكونوميكانىڭ جاھاندانۋىن ىلگەرىلەتىپ، دۇنيە ءجۇزىنىڭ دامۋىنا، گۇلدەنۋىنە ۇزدىكسىز تىڭ قوزعاۋشى كۇش قوسۋدى قالايدى.
140 - كەزەكتى گۋاڭجوۋ جارمەڭكەسى سول كۇنى گۋاڭدۇڭ ولكەسىنىڭ گۋاڭجوۋ قالاسىندا اشىلدى، ساۋدا مينيسترلىگى مەن گۋاڭدۇڭ ولكەلىك حالىق ۇكىمەتى بىرگە وتكىزدى.
كەلۋ قاينارى: حالىق تورابى