اۋىل شارۋاشىلىعى جانە اۋىل – قىستاق مينيسترلىگى بۇكىل ەلىمىز بويىنشا اۋىل – قىستاق تۇرعىندارىنىڭ قونىستانۋ ورتاسىن ۇزدىكسىز جونگە سالۋ، دەڭگەيىن جوعارىلاتۋ جونىندەگى جۇمىس باسىنداعى ءماجىلىستى اشتى 

شارۋالار گازەتىنىڭ جالپىلىق مەديا ءتىلشىسى باۋ جيەشۇن حابارلايدى. اۋىل شارۋاشىلىعى جانە اۋىل – قىستاق مينيسترلىگى 10 – ايدىڭ 14 – كۇنى گۇيجوۋ ولكەسى گۇيياڭ قالاسىندا بۇكىل ەلىمىزدەگى اۋىل – قىستاق تۇرعىندارىنىڭ قونىستانۋ ورتاسىن ۇزدىكسىز جونگە سالۋ، دارەجەسىن جوعارىلاتۋ جونىندەگى جۇمىس باسىنداعى ءماجىلىستى اشىپ، باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، پارتيانىڭ 20 – كەزەكتى ورتالىق كوميتەتى ءتورتىنشى جالپى ءماجىلىسىنىڭ ورنالاستىرۋلارىن تياناقتاندىرىپ، جاعداي مەن مىندەتكە تالداۋ جاساپ، تاجىريبەلەر مەن ادىستەر جونىندە پىكىر الماستىرىپ، ”15 – بەسجىلدىق“ مەزگىلىندە اۋىل – قىستاق تۇرعىندارىنىڭ قونىستانۋ ورتاسىن ۇزدىكسىز جونگە سالۋ، دارەجەسىن جوعارىلاتۋ قىزمەتى جونىندە ورنالاستىرۋ جاسادى. اۋىل شارۋاشىلىعى جانە اۋىل – قىستاق مينيسترلىگى پارتيا باسشىلىق گرۋپپاسىنىڭ مۇشەسى، ورىنباسار مينيسترى ماردان مۇحيت ءماجىلىسكە قاتىناستى جانە ءسوز سويلەدى.

ماجىلىستە مىنالار اتاپ كورسەتىلدى: اۋىل – قىستاق تۇرعىندارىنىڭ قونىستانۋ ورتاسىن جاقسارتۋ — اۋىل شارۋاشىلىعىن، اۋىل - قىستاقتى وسىزامانداندىرۋدى جەدەلدەتۋدەگى ءتۇيىندى مىندەت، بۇل ميلليونداعان شارۋالاردىڭ ىرىس – قۇتىنا سايادى. جۋىرداعى جىلداردان بەرى، جەر – جەردەگى قاتىستى تاراۋلار اۋىل – قىستاق تۇرعىندارىنىڭ قونىستانۋ ورتاسىن جونگە سالۋ مەن دارەجەسىن جوعارىلاتۋدى تىڭعىلىقتى ىلگەرىلەتىپ، ساياساتتىق شارالاردى ناقتىلاندىرىپ، قىزمەت مەحانيزمىن كەمەلدەندىرىپ، كورنەكتى ونىمدىلىككە قول جەتكىزدى، باسىم كوپ سانداعى قىستاقتار تازا دا رەتتى بولۋدى نەگىزىنەن جۇزەگە اسىردى، ءبىر ءبولىم قىستاقتار كورىكتى ءارى جانعا جايلى بولۋ دەڭگەيىنە جەتتى. ”15 - بەسجىلدىق“ مەزگىلىندە، 2035 - جىلعا دەيىن اۋىل - قىستاقتا نەگىزىنەن وسىزامانعى تۇرمىس شارت - جاعدايىن ازىرلەۋ سىندى نىسانالىق تالاپتارعا نازاردى شوعىرلاندىرىپ، جاۋاپكەرلىك سەزىم مەن بورىشتىلىق سەزىمدى شىنايى كۇشەيتىپ، اۋىل - قىستاقتاعى تۇرعىنداردىڭ قونىستانۋ ورتاسىن جونگە سالۋ مەن دارەجەسىن جوعارىلاتۋ جاعىنداعى جاڭا كەزەكتى 5 جىلدىق ارەكەتتى ىشكەرىلەي اتقارىپ، اۋىل - قىستاق تۇرعىندارىنىڭ قونىستانۋ ورتاسىن جونگە سالۋ دەڭگەيىنىڭ تاعى دا تىڭ ساتىعا كوتەرىلۋىن ىلگەرىلەتۋ كەرەك.

ماجىلىستە مىنالار باسا دارىپتەلدى: جەر - جەردەگى اۋىل شارۋاشىلىعى، اۋىل - قىستاق تاراۋلارى جەرگىلىكتى جاعدايعا قاراي ىستەۋگە تاباندى بولىپ، ”15 - بەسجىلدىق“ مەزگىلىندە اۋىل - قىستاق تۇرعىندارىنىڭ قونىستانۋ ورتاسىن جونگە سالۋ، دەڭگەيىن جوعارىلاتۋ جاعىنداعى نىسانالىق مىندەتتەردى شىندىقتى ءىس جۇزىنەن ىزدەي وتىرىپ تۇراقتاندىرىپ، جونگە سالۋ ناتيجەلەرىن نىعايتىپ، ولقىلىقتاردى تولىقتاۋدى جەدەلدەتۋى كەرەك. ساياساتتىق شارالاردى كەمەلدەندىرىپ، شەگە قاعۋ رۋحىمەن اۋىل – قىستاقتاعى دارەتحانالاردى وزگەرتۋدەگى قىزمەت ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتۋى كەرەك؛ قىزمەت جاعىندا بىرىككەن كۇش ۇيىستىرىپ، اۋىل – قىستاقتاعى تۇرمىستىق لاس سۋدى جانە قوقسىقتى جونگە سالۋدى، اۋىل – قىستاقتى كورىكتەندىرۋ قاتارلى ماڭىزدى مىندەتتەردى ءبىر تۇتاس ىلگەرىلەتۋى كەرەك؛ قىزمەتتە كەپىلدىك ەتۋدى كۇشەيتىپ، اۋىل – قىستاق قۇرىلىسىنىڭ ورەسىن ۇزدىكسىز جوعارىلاتۋى كەرەك.

31 ولكە (اۆتونوميالى رايون، توتە قاراستى قالا) جانە شينجياڭ ءوندىرىس - قۇرىلىس بيڭتۋانىنىڭ اۋىل شارۋاشىلىعى جانە اۋىل - قىستاق تاراۋلارىنداعى جاۋاپتى جولداستار، ەكولوگيالىق ورتا مينيسترلىگىندەگى، تۇرعىن ءۇي جانە قالا - اۋىل قۇرىلىسى مينيسترلىگىندەگى، مەملەكەتتىك دەنساۋلىق ساقتاۋ - سالاماتتىق كوميتەتىندەگى، مەملەكەتتىك ورمان شارۋاشىلىعى جانە جايىلىم مەڭگەرمەسىندەگى قاتىستى تاراۋلارداعى جاۋاپتى جولداستار ماجىلىسكە قاتىناستى. گۇيجوۋ، جياڭسۋ، فۋجيان، جياڭشي، حۋبەي، گانسۋ قاتارلى 6 ولكە ماجىلىستە پىكىر اۋىستىرىپ ءسوز سويلەدى.

كەلۋ قاينارى: حالىق تورابى