پارتيانى جاپپاي قاتاڭ جونگە سالۋدى اناعۇرلىم جوعارى ولشەممەن، اناعۇرلىم ناقتى شارامەن ىلگەرىلەتۋ كەرەك

شينحۋا اگەنتتىگى، 10 - ايدىڭ 15 - كۇنى، بەيجيڭ. 10 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 20 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «پارتيانى جاپپاي قاتاڭ جونگە سالۋدى اناعۇرلىم جوعارى ولشەممەن، اناعۇرلىم ناقتى شارامەن ىلگەرىلەتۋ كەرەك» اتتى ماڭىزدى ماقالاسى جاريالانادى.

ماقالادا مىنالار باسا دارىپتەلدى: ”15 - بەسجىلدىق“ مەزگىلى _ سوتسياليستىك وسىزامانداندىرۋدى نەگىزىنەن جۇزەگە اسىرۋعا بەرىك نەگىز قالايتىن، جاپپاي كۇش سالاتىن شەشۋشى مەزگىل. پارتيا 20 - كەزەكتى ورتالىق كوميتەتىنىڭ ءتورتىنشى جالپى ماجىلىسىندە جاسالعان جوبانى رەالدىققا اينالدىرۋ ءۇشىن، ءسوز جوق، پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتۋ كەرەك.

ماقالادا مىنالار اتاپ كورسەتىلدى: پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن اناعۇرلىم باتىل، پارمەندى دايەكتىلەندىرۋ، تياناقتاندىرۋ كەرەك. پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن دايەكتى تياناقتاندىرۋ _ پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋدىڭ ءتۇبىرلى تالابى ءارى پارتيا مەن حالىق ىستەرىنىڭ ۇزدىكسىز دامۋىنىڭ، العا باسۋىنىڭ ماڭىزدى تاريحي تاجىريبەسى. ءبىز ”ەكىنى قورعاۋدى“ باسا دارىپتەپ، پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋدى، ءسوز جوق، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن تياناقتاندىرۋدىڭ ءىس جۇزىندىك ارەكەتىندە ايگىلەۋىمىز كەرەك، قۇرى ۇرانداۋعا بولمايدى، ايتقانى ءبىر ءتۇرلى، ىستەگەنى ءبىر ءتۇرلى بولۋعا ءتىپتى دە بولمايدى. جاڭا دامۋ ۇستانىمىن دايەكتىلەندىرۋ، جوعارى ساپالى دامۋدى ىلگەرىلەتۋ، جاڭا دامۋ جاعدايىن جەدەل ورناتۋ سياقتى ستراتەگيالىق ورنالاستىرۋلاردى مىقتاپ ارقاۋ ەتىپ، نازاردى وسىزاماندانعان كاسىپ جۇيەسىن قۇرۋ، جەرگىلىكتى جاعدايعا قاراي جاڭا ساپالى وندىرگىش كۇشتەردى دامىتۋ سياقتى مىندەتتەر مەن تالاپتارعا شوعىرلاندىرىپ، ناقتىلانعان، دالمە - ءدال، ۇدايىلانعان باقىلاۋدى كۇشەيتىپ، شارلاۋ جەتىستىكتەرىنەن ويداعىداي پايدالانىپ، رەتتەۋ - تۇزەتۋدى، باقىلاۋدى كۇشەيتىپ، پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ شەشىمدەرى مەن ورنالاستىرۋلارىنىڭ ناقتى تياناقتانۋىن قامتاماسىز ەتۋ كەرەك. پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن باتىل، پارمەندى دايەكتىلەندىرۋ، تياناقتاندىرۋ مەن قىزمەتتى جاسامپازدىقپەن ورىستەتۋ قايشى ەمەس. قاتاڭ باقىلاۋمەن بىرگە، جەر - جەردىڭ، تاراۋلاردىڭ ءىس جۇزىندىك جاعدايمەن ۇشتاستىرىپ، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن دايەكتىلەندىرۋدىڭ، تياناقتاندىرۋدىڭ ءونىمدى ءادىسى مەن جولىن قاراستىرۋىنا قولداۋ كورسەتىپ، دەم بەرىپ، ەڭ سوڭعى ونىمدىلىكتىڭ پارتيا ورتالىق كوميتەتىنىڭ شەشىمىنە، ماقساتىنا، ساياساتىنىڭ العاشقى تىلەگىنە ۇيلەسۋىنە كەپىلدىك ەتۋ كەرەك.

ماقالادا مىنالار اتاپ كورسەتىلدى: ۇقىقتى اناعۇرلىم عىلمي، ءونىمدى تۇردە ءتۇزىم شەڭبەرىنە ەنگىزۋ كەرەك. ۇقىقتى ءتۇزىم شەڭبەرىنە ەنگىزۋ _ جاڭا داۋىردە پارتيانى جاپپاي قاتاڭ جونگە سالۋداعى ماڭىزدى مىندەت، ءارى ءتۇزىم - بەلگىلەمەلەردى كەمەلدەندىرىپ، ءتۇزىم قاپاسىن تىعىز بەرىك جاساۋ، ءارى ءتۇزىمدى اتقارۋ قۋاتىن جوعارىلاتىپ، بۇلجىماس تەجەمدى كۇشەيتۋ كەرەك. پارتيانى باسقارۋدىڭ، پارتيانى جونگە سالۋدىڭ رەال قاجەتىنە ساي، تۇزىممەن قامداۋدى كۇشەيتىپ، ءتۇزىمنىڭ تىعىز، كۇردەلى بولماۋىنا، ءونىمدى، كادەگە جاراۋىنا مۇمكىندىك جاساپ، ”سيىر قوراعا مىسىق قاماۋدان“ ساقتانۋ كەرەك. زاڭ - ەرەجە ءتۇزىمى الدىندا بارلىق ادامنىڭ تەرەزەسى تەڭ بولۋعا، زاڭ - ەرەجە تۇزىمىنە بويسۇنۋدا ەرەكشە ۇقىق بولماۋعا، زاڭ - ەرەجە ءتۇزىمىن اتقارۋدا قاعىس قالماۋعا تاباندى بولىپ، ءتۇزىم بەلگىلەمەلەرىنىڭ شىن مانىندە زاريادتالعان جوعارى كەرنەۋلى ەلەكتر سىمىنا اينالۋىنا كەپىلدىك ەتۋ كەرەك. ”ءبىرىنشى باسشىنىڭ“ ءتۇزىمدى باستاماشىلدىقپەن اتقارۋ ماسەلەسىن ءتۇيىندى تۇردە ويداعىداي شەشۋ، ءار دارەجەلى باسشىلىق القا مۇشەلەرى، اسىرەسە، ”ءبىرىنشى باسشىنىڭ“ ءوزى ونەگە بولىپ، باستاماشىلدىقپەن اتقارۋى، قاتىستى باقىلاۋدىڭ دا تياناقتانۋى كەرەك.

ماقالادا مىنالار اتاپ كورسەتىلدى: شىرىكتەسۋگە قارسى تۇرۋ كۇرەسىن اناعۇرلىم سەرگەك، باتىل ىلگەرىلەتۋ كەرەك. پارتيا 18 - قۇرىلتايىنان بەرى، پارتيامىز پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، ۇستىنەن وڭاۋ مەن تۇبىرىنەن وڭاۋدى قاتار جۇرگىزىپ، شىرىكتەسۋگە باتىلدىق ەتە المايتىن، شىرىكتەسۋگە مۇمكىندىك بەرمەيتىن، شىرىكتەسۋدى ويلامايتىن جۇڭگوشا شىرىكتەسۋگە قارسى تۇرۋ جولىن ءبىر تۇلعالاندىرىپ ىلگەرىلەتتى. بۇل جولمەن باتىل جۇرە بەرۋ كەرەك. قازىر شىرىكتەسۋ ماسەلەسى ءالى دە وڭاي، كوپ تۋىلۋدا. اماليات پارتيا ورتالىق كوميتەتىنىڭ ”شىرىكتەسۋگە قارسى تۇرۋ كۇرەسىنىڭ جاعدايى ءالى دە قاتاڭ دا كۇردەلى، شىرىكتەسۋدىڭ ءوسىپ - ءوربيتىن توپىراعى مەن شارت - جاعدايىن الاستاۋ مىندەتى ءالى دە جاپالى دا اۋىر“ دەگەن تۇجىرىمىنىڭ بۇكىلدەي دۇرىس ەكەندىگىن تاعى ءبىر رەت دالەلدەدى. شىرىكتەسۋگە قارسى تۇرۋ جەڭۋگە كەلمەيتىن، جەڭىلۋگە دە بولمايتىن كەلەلى كۇرەس، ونى ءبىر ءسات تە توقتاتۋعا، جارتى قادام شەگىنۋگە بولمايدى. ءسوز جوق، جوعارى كەرنەۋلى كۇيدەن اۋىتقىماي، جەمقورلىققا قارسى تۇرۋعا، جەمقورلىقتى الاستاۋعا، سۇرقيالىقتى الاستاۋعا تاباندى بولىپ، جەمقورلارعا تاسالاناتىن ورىن قالدىرماۋ كەرەك. ءسوزسىز شىرىكتەسۋگە قارسى تۇرۋدىڭ وتىمدىلىگىن ۇزدىكسىز جوعارىلاتىپ، شىرىكتەسۋدىڭ جاڭا بەتالىسىن، جاڭا ەرەكشەلىگىن يگەرىپ، ادىستە، تاسىلدە جاڭالىق اشىپ، ءتۇرلى شىرىكتەسۋ ماسەلەلەرىن ونان ارى دەر كەزىندە بايقاۋ، ءدال تانۋ، ءتۇرلى شىرىكتەسۋ ماسەلەلەرىن ءونىمدى جونگە سالۋ كەرەك. ءسوزسىز شىرىكتەسۋگە باتىلدىق ەتپەۋدى، شىرىكتەسپەۋدى، شىرىكتەسۋدى ويىنا الماۋدى ءبىر تۇتاس ىلگەرىلەتۋگە اناعۇرلىم، زور كۇش سالىپ، جۇيەلى كوزقاراستى كۇشەيتىپ، ءبىر ۋاقىتتا كۇش سالىپ، ءبىر باعىتتا كۇش سالىپ، جان - جاقتى كۇش سالىپ، شىرىكتەسۋگە قارسى تۇرۋ قىزمەت مەحانيزمىن اناعۇرلىم اقاۋسىزداندىرىپ، مىندەتتى ورنالاستىرۋ، بايلىقتى ورنالاستىرۋ، قىزمەتتى ىلگەرىلەتۋ، ونىمدىلىكتى باعالاۋ جاعىندا بىرلەسىپ سايكەسىپ، ءار جاقتاعى باقىلاۋدى ساباقتاستىرىپ، تۇتاس تىزبەكتى سەلبەستىك ارقىلى ءبىر تۇلعالانعان جونگە سالۋدى جەبەۋ كەرەك.

كەلۋ قاينارى: حالىق تورابى