2026.10.26 15:40 كەلۋ قاينارى : شينجياڭ گازەتى
شينحۋا اگەنتتىگىنىڭ 10 - ايدىڭ 23 - كۇنى بەيجيڭنەن بەرگەن حابارى. 10 - ايدىڭ 22 - كۇنى ساعات 22دەن 33 مينۋت وتكەن مولشەردە، شيزاڭنىڭ ناچۇي قالاسى باچيڭ اۋدانىندا 7.0 بال جەر سىلكىنىسى تۋىلىپ، اۋىر ءولىم - ءجىتىم بولدى.
جەر سىلكىنىسى تۋىلعاننان كەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ وسكەلەڭ ءمان بەردى ءارى ماڭىزدى نۇسقاۋ بەرىپ، بىلاي دەپ اتاپ كورسەتتى: شيزاڭنىڭ ناچۇي قالاسى باچيڭ اۋدانىندا 0. 7 بال جەر سىلكىنىسى تۋىلىپ، اۋىر ءولىم - ءجىتىم بولدى. ادامداردى ىزدەۋ - قۇتقارۋدى بار كۇشپەن ورىستەتىپ، جارالىلاردى قۇتقارۋ - ەمدەۋ قىزمەتىن بار كۇشپەن ويداعىداي ىستەپ، ءولىم - ءجىتىمدى مۇمكىندىكتىڭ بارىنشا ازايتۋ كەرەك.
شي جينپيڭ بىلاي دەپ باسا دارىپتەدى: اپات تۋىلعان جەر تەڭىز دەڭگەيىنەن بيىك وڭىرگە ورنالاسقان بولىپ، اۋا رايى سۋىق، جەر سىلكىنىسى جاعدايى مەن اۋا رايى وزگەرىسىن ءجىتى باقىلاپ، ولشەپ، قۇتقارۋ - كومەكتەسۋدى عىلمي جۇرگىزىپ، قوسالقى اپاتتاردىڭ تۋىلۋىنان ساقتانۋ كەرەك. قاتەردەن اراشالاۋ، قۇتقارۋ - كومەكتەسۋ زاتتىق ماتەريالدارىن جەدەل جەتكىزۋدى مىقتى يگەرىپ، اپاتقا ۇشىراعان بۇقارانى ۇيلەسىمدى ورنالاستىرىپ، بۇلىنگەن نەگىزدىك قۇرىلعىلاردى شۇعىل جوندەپ، حالىق بۇقاراسىنىڭ باس اماندىعى مەن مال - مۇلكىنىڭ حاۋىپسىزدىگىن شىنايى قامتاماسىزداندىرۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ جازىپ، بىلاي دەپ اتاپ كورسەتتى: اپات جاعدايىن مىقتى يگەرىپ تەكسەرىپ، قاتەردەن اراشالاۋ، قۇتقارۋ - كومەكتەسۋدى جانە جارالىلاردى قۇتقارۋ - ەمدەۋدى بار كۇشپەن ۇيىمداستىرىپ، اپاتقا ۇشىراعان بۇقارانى ۇيلەسىمدى كوشىرىپ ورنالاستىرىپ، ەڭ زور قۇلشىنىسپەن ءولىم - ءجىتىمدى ازايتۋ كەرەك. وسى رەتكى جەر سىلكىنىسى اپاتى تۋىلعان ءوڭىر تەڭىز دەڭگەيىنەن بيىك وڭىرگە ورنالاسقان، ونىڭ ۇستىنە قالدىق سىلكىنىس كوپ تۋىلادى، شۇعىل جاعدايعا توتەپ بەرۋدى باسقارۋ مينيسترلىگى، جەر سىلكىنىس مەكەمەسى قاتىستى جاقتارمەن بىرگە جەر سىلكىنىسى جاعدايىن باقىلاۋ - ولشەۋدى، مەجەلەۋدى اناعۇرلىم كۇشەيتىپ، اپاتتان ساقتانۋ، توتەپ بەرۋ قىزمەتىن قاتاڭ جاقسى ىستەۋى كەرەك.
شي جينپيڭنىڭ ماڭىزدى نۇسقاۋىنا جانە لي چياڭنىڭ تالابىنا ساي، شۇعىل جاعدايعا توتەپ بەرۋدى باسقارۋ مينيسترلىگى قىزمەت گرۋپپاسىن ناقتى ورىنعا بارىپ قاتەردەن اراشالاۋ، اپاتتان قۇتقارۋ قىزمەتىنە جەتەكشىلىك ەتۋگە جىبەردى، شيزاڭ كۇش ۇيىمداستىرىپ قاتەردەن اراشالاۋ، اپاتتان قۇتقارۋ قىزمەتىن بار كۇشپەن ورىستەتىپ، اپاتقا ۇشىراعان بۇقارانى ۇيلەسىمدى ورنالاستىردى. قازىر جەر سىلكىنىسىنە قارسى اتتانىپ، اپاتتان قۇتقارۋعا قاتىستى ءتۇرلى قىزمەتتەر شۇعىل، ءتارتىپتى جۇرگىزىلۋدە.