2026.10.26 15:41 كەلۋ قاينارى : شينجياڭ گازەتى
شينحۋا اگەنتتىگىنىڭ 10 - ايدىڭ 23 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 10 - ايدىڭ 23 - كۇنى ءماجىلىس اشىپ، «20 - كەزەكتى ورتالىق كوميتەتتىڭ 7 - رەتكى شارلاۋ جاعدايى جونىندەگى جالپىلىق باياندامانى» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.
ءماجىلىس مىنالاردى اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، 20 - كەزەكتى ورتالىق كوميتەتتىڭ 7 - رەتكى شارلاۋ قىزمەتى ىشكەرىلەي تىڭعىلىقتى ورىستەتىلىپ، ونىمدىلىگى كورنەكتى بولدى. شارلاۋدان قاراعاندا، ورتالىق پەن مەملەكەت ورگاندارى قىزمەتىندە بەلسەندى ىلگەرىلەۋشىلىككە قول جەتكەنىمەن، ءىشىنارا ماسەلەلەر دە ورىن تەۋىپ وتىر، ءسوز جوق، ايرىقشا ءمان بەرىپ، قاتاڭ، مۇقيات شەشۋ كەرەك. رەتتەۋ - تۇزەتۋ جاۋاپكەرشىلىگىن ناقتىلاندىرىپ، رەتتەۋ - تۇزەتۋدى، باقىلاۋدى كۇشەيتىپ، شارلاۋ جۇرگىزىلگەن پارتيا ۇيىمدارىن شي جينپيڭ پارتيا قۇرىلىسى يدەياسىن ۇيرەنۋمەن، دايەكتىلەندىرۋمەن ۇشتاستىرىپ، دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىنىڭ جەتىستىكتەرىن بەكەمدەپ، كەڭەيتىپ، شارلاۋدا اڭىس ەتىلگەن ماسەلەلەردى رەتتەۋ - تۇزەتۋدى شىن مانىندە ويداعىداي يگەرىپ، شىنداپ كىرىسىپ، قيىن تۇيىندەرگە سايىس جاريالاپ، شىنايى تۇزەتىپ، ناقتى تۇزەتۋگە قۋزاۋ كەرەك.
ءماجىلىس مىنالاردى باسا دارىپتەدى: ورتالىق پەن مەملەكەت ورگاندارى ”ەكىنى قورعاۋدى“ امالياتتا ايگىلەۋدىڭ ءبىرىنشى شارشى توبى، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، مىندەت اتقارىپ، جاۋاپكەرشىلىكتى ادا ەتۋ ساياسي جاۋاپكەرشىلىگىن كۇشەيتىپ، پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن باتىل دايەكتىلەندىرۋدى، تياناقتاندىرۋدى كەرەك. رەفورمادان قامال الۋدى ۇزدىكسىز تەرەڭدەتىپ، رەفورما مىندەتتەرىن تياناقتاندىرۋدى مۇقيات ويداعىداي يگەرۋى كەرەك. ءاردايىم قام جەپ تۇراتىن جاۋاپكەرشىلىك سەزىمدى كۇشەيتىپ، حاۋىپ - قاتەردەن، كومەسكى كىناراتتاردان تۋ باستان ساقتانۋدى، تىزگىندەۋدى، ءبىر - بىردەن تەكسەرىپ، وڭاۋدى كۇشەيتىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاۋ كەرەك. باسشىلىق القاسى قۇرىلىسىن شىن مانىندە كۇشەيتىپ، القانىڭ ۇيىسۋ قۋاتىن، جاۋىنگەرلىك قۋاتىن كۇشەيتىپ، باسشى كادرلاردىڭ باستاماشىلدىقپەن ءىس تىندىرىپ ناتيجە شىعارۋىنا، قامال الىپ، قيىنشىلىقتاردى جەڭۋىنە قۋزاۋشىلىق ەتۋى كەرەك. پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن قاتاڭ تياناقتاندىرىپ، پارتيانى جاپپاي قاتاڭ باسقارۋدىڭ ءتۇرلى قىزمەتتەرىن اناعۇرلىم جوعارى ولشەم، اناعۇرلىم ناقتى شارالار ارقىلى ويداعىداي يگەرىپ، شىرىكتەسۋدى جازالاۋدىڭ تەگەۋرىندى كۇيىن ساقتاپ، قاتاڭ بولۋ نەگىزگى اۋەنىن باستان - اياق دايەكتىلەندىرىپ، ستيلى پاك، سالتى دۇرىس ساياسي ورگان قۇرۋ كەرەك.
ءماجىلىس باسقا دا ىستەردى اقىلداستى.