ەستەلىك اقشا شىعارىلادى! ورتالىق بانكەنىڭ حابارلاندىرۋى، الدا تاراتىلادى 

جۇڭگو حالىق بانكەسى 10 – ايدىڭ 30 – كۇنى باعالى مەتالدان جاسالعان 2027 – جىلعى ”مىسىق ايۋ“ ەستەلىك اقشاسىن تاراتادى. اتالعان قىمبات باعالى مەتالدان جاسالعان ەستەلىك اقشادان جيىنى 15 داناسى تاراتىلادى، مۇندا قىمبات باعالى مەتالدان جاسالعان جاي تۇردەگى ”مىسىق ايۋ“ ەستەلىك اقشاسىنان 7 داناسى، قىمبات باعالى مەتالدان ءساندى جاسالعان ”مىسىق ايۋ“ ەستەلىك اقشاسىنان 8 داناسى قامتىلعان، بۇكىلدەي جۇڭحۋا حالىق رەسپۋبليكاسىنىڭ زاڭدى اقشاسى سانالادى.

اتالعان قىمبات باعالى مەتالدان جاسالعان ەستەلىك اقشانىڭ وڭ بەتىنە تۇگەلدەي بەيجيڭدەگى تيانتان تاساتتىق بەرۋ عيباداتحاناسى سالىنعان ءارى مەملەكەت اتى، جىلناماسى باسىلعان؛ تەرىس بەتىنە تۇگەلدەي ەكى مىسىق ايۋدىڭ ءبىر – بىرىنە سۇيەنىپ وتىرعان كورىنىسى سالىنعان جانە اقشا قۇنى، سالماعى جانە ساپتىق دارەجەسى باسىلعان.

اقشانى قۇيعان ورىندار مەن ساتۋ ارنالارى

اتالعان قىمبات باعالى مەتالدان جاسالعان ەستەلىك اقشالاردى جەكە – جەكە شىنياڭ اقشا جاساۋ شەكتى سەرىكتەستىگى، شاڭحاي اقشا جاساۋ شەكتى سەرىكتەستىگى جانە شىنجىن گوباۋ اقشا جاساۋ شەكتى سەرىكتەستىگى قۇيعان، باس ساۋدالاۋشى ورىن — جۇڭگو التىن اقشا توبى شەكتى سەرىكتەستىگى.

ساتىلاتىن ارنالارى جونىندەگى ەگجەي – تەگجەيلى مالىمەتتى جۇڭگو التىن اقشا تورابىنان (www.chngc.net/qd) نەمەسە ”جۇڭگو التىن اقشاسى“ ۋيشين تەكشەسىنەن (chinagoldcoin_cgci) كورۋگە بولادى.

كەلۋ قاينارى: حالىق تورابى