- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
31 - كەزەكتى وليمپيادا ريو - دە - جانەيرودا باستالدى
2016.08.08 16:55 كەلۋ قاينارى : شينجياڭ گازەتى
شينحۋا اگەنتتىگىنىڭ 5 - تامىزدا ريو - دە - جانەيرودان بەرگەن حابارى. كوركوۆادۋ تاۋى كەش شاپاعىنا مالىنىپ، ماراكانا ستاديونى وت جۇلدىزدارمەن تۇرلەندى. 31 - كەزەكتى وليمپيادا ويىندارىنىڭ اشىلۋ سالتاناتى 5 - تامىز كۇنى كەشتە ريو - دە - جانەيرودا وتكىزىلدى.
ءتوراعا شي جينپيڭنىڭ ارنايى ۋاكىلى، مەملەكەتتىك كەڭەستىڭ ورىنباسار زۇڭليى ليۋ ياندۇڭ اشىلۋ مۇراسىمىنا قاتىستى.
120 جىل دامۋ تاريحىن باستان وتكەرگەن قازىرگى وليمپيادا وڭتۇستىك امەريكا قۇرلىعىنا العاش رەت ءىزى ءتۇسىپ وتىر، وليمپيادا مەرەيى وسىناۋ بايتاق تا ءتىلسىم جۇرتقا قۋانىش نۇرىن توكتى. 10 ادامنان قۇرالعان، وليمپيادا تاريحىنداعى العاشقى بوسقىندار ۇيىرمەسى وليمپيادا تورىنە كوتەرىلدى، قارت وليمپيادا بەيبىتشىلىك پەن دوستىق جونىندەگى ارمان - تىلەكتەردى جاڭا تاسىلمەن جاريا ەتتى. الەمنىڭ تۇكپىر - تۇكپىرىنەن كەلگەن 11 مىڭ سپورتشى وليمپيادا تۋىنىڭ تۇبىندە باس قوستى، ولار ريو وليمپياداسىندا سپورتتىڭ 28 تۇرىنە قاتىناسىپ، 306 ۇساق ءتۇر بويىنشا باق سىناسادى. 4 جىلدىڭ الدىنداعى لوندون وليمپياداسىمەن سالعاستىرعاندا، وسى جولى بەلدەسۋلەرگە گولف جانە 7 ادامدىق رەگيف دەيتىن ەكى ۇلكەن ءتۇر قوسىلدى.
وليمپيادا − برازيليانىڭ ۇزاقتان بەرگى ارمانى. سوناۋ 1931 - جىلدىڭ وزىندە برازيليالىقتار 1936 - جىلعى جازعى وليمپيادا ويىندارىن وتكىزۋگە ءوتىنىش بەرگەن، سونان 1940 -، 2004 -، 2012 - جىلدارداعى وليمپياعا ءوتىنىش بەرىپ، تىلەكتەرى ورىندالماعان ەدى. بۇگىنگى تاڭدا، برازيليالىقتاردىڭ اڭساعان ارمانعا قولدارى جەتىپ وتىر، ولار وليمپيادانىڭ برازيلياعا جاڭا دامۋ ورايىن الا كەلۋىن ءۇمىت ەتەدى.
اشىلۋ مۇراسىمىنىڭ سپورتشىلار شەرۋىندە، 711 ادامنان قۇرالعان جۇڭگو قۇراماسىنىڭ ءبىر ءبولىم مۇشەسى لوندون وليمپياداسىندا ەرلەردىڭ سايىس قىلىش جارىسىنىڭ چەمپيونى لەي شىڭنىڭ باستاۋىمەن الاڭعا كىردى. بۇل 1984 - جىلى لوس - انجەلەستە وتكەن وليمپيادان بەرى، جۇڭگو قۇراماسىنىڭ اشىلۋ مۇراسىمىندا العاش رەت باسكەتبولشىدان باسقا سپورتشىنىڭ باستاۋىمەن الاڭعا كىرۋى سانالادى. جۇڭگو قۇراماسىندا جالپى 416 سپورتشى بار، بۇل شەتەلدەردە وتكەن وليمپياداعا قاتىسقان جۇڭگولىق سپورتشىلار سانىنىڭ جاڭا رەكوردتىق كورسەتكىشى. ولار سپورتتىڭ 26 ءتۇرى بويىنشا، 210 ۇساق تۇردەگى جارىسقا قاتىسادى. ۇستەل دوپ، قاۋىرسىن دوپ، سۋعا سەكىرۋ، زىلتەمىر، نىسانا اتۋ جانە گيمناستيكا ءالى دە جۇڭگو قۇراماسىنىڭ التىننان ءۇمىتتى سپورت تۇرلەرى بولىپ وتىر، سونداي - اق ايەلدەر ۆولەيبولى، ايەلدەر فۋتپولى، ەرلەر باسكەتبولى سياقتى 6 دوپ قۇراماسى وسى جولعى وليمپيادادا ونەر كورسەتەدى، بۇل كورسەتكىش تە بەيجيڭ وليمپياداسىنان باسقا ءار كەزەكتى وليمپيادان كوپ.
وليمپيادا الاۋىنىڭ قالاي تۇتاندىرىلاتىنى ءتۇن ورتاسىنا قاراي بەلگىلى بولدى. گرەتسياداعى وليمپيادادا جاندىرىلعان ريو وليمپياداسىنىڭ قول الاۋى 100 كۇننەن ارتىق جول باسىپ، ماراكانا ستاديونىنا جەتكىزىلدى. بۇكىل كورەرمەن كوزىن تىككەن ساتتە، افينا وليمپياداسىنىڭ ەرلەر مارافونىندا قولا جۇلدە العان ۆاندەرلەي كوردەيرۋ الاۋ قازاندىعىن تۇتاندىردى. وليمپيا الاۋى ريو - دە - جانەيرونىڭ تۇنگى اسپانىن جارىققا بولەپ، لاۋلاي جونەلدى.
اشىلۋ مۇراسىمىنان ىلگەرى، برازيليانىڭ ۋاقىتشا زۇڭتۇڭى تەمەر جانە ونىڭ زايىبى ءار ەل مەن رايوننىڭ باسشىلارى سياقتى حالىقارالىق سيلى قوناقتارعا قوناعاسى بەرىپ قارسى الدى، ليۋ ياندۇڭ قوناعاسىعا قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
