- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جىبەك جولى ەكونوميكالىق بەلدەۋى بويىنشا ساياحاتشىلاردى جيناۋ - تاراتۋ ورتالىعى قۇرىلدى
2016.08.08 16:44 كەلۋ قاينارى : شينجياڭ گازەتى
جۇڭگو ازاماتتارىنىڭ قازاقستانعا ساياحاتتاۋ ۇيىرمەسىن تۇڭعىش اتتاندىرۋ قيمىلى 5 - تامىز كۇنى ۇرىمجىدە باستالدى. سونىمەن قازاقستان جۇڭگو ۇيىرمەسىنىڭ شەتەلگە ساياحاتتايتىن كوزەۋلى جەرىنە اينالىپ، جۇڭگو ازاماتتارىنىڭ قازاقستانعا ساياحاتى رەسمي شىمىلدىعىن اشىپ، جۇڭگو - قازاقستان ەلدەرىنىڭ ساياحات سەلبەستىگى نىق قادام باستى.
2015 - جىلى جەلتوقسان ايىندا قازاقستاننىڭ زۇڭليى جۇڭگوداعى ساپارى كەزىندە «جۇڭگو ازاماتتارىنىڭ قازاقستانعا ۇيىرمەمەن ساياحاتتاۋى جونىندەگى ەسكەرتپە حاتقا» قول قويىسقان بولاتىن، بيىل 15 - شىلدەدە ۇيىرمەمەن ساياحاتتاۋ ۆيزاسىن اشتىرۋ ساياساتى رەسمي اتقارىلدى، 6 - تامىزدان 9 - تامىزعا دەيىن 300گە تاياۋ ادام 4 گرۋپپاعا ءبولىنىپ، قازاقستانعا ساياحاتىن باستادى، سونىمەن شينجياڭ ساياحاتى تاعى ءبىر رەت شەتەلگە ءورىس اشتى، بۇل شينجياڭ ساياحاتىنىڭ ەسىكتى ءتىپتى دە كەڭ اشۋ جاعدايىندا دۇنيە جۇزىمەن قاۋىشقاندىعىن ايگىلەدى.
ۋاڭ يايۇن
جوعارى دەڭگەيدە ىلگەرىلەتىلدى، ەسىك اشۋ جەتىستىگى كىسىنى قۋانتتى
بىرنەشە كۇننەن بەرى، شينجياڭنىڭ شەتەلگە باعىتتالعان ساياحاتىندا قۋانىشتى حابار تارالدى:
4 - تامىز كۇنى شينجياڭ جۇڭگو حالىقارالىق ساياحات مەكەمەسى تيانجين اۆياتسياسىمەن سەلبەسىپ اتقارعان ۇرىمجىدەن قازانعا تىكە ۇشاتىن ساياحات ۇشاعى بۇكىل ەلدىڭ جەر - جەرىنەن كەلگەن 170 ساياحاتشىنى الىپ جولعا شىقتى؛ شينجياڭ جۇڭشين حالىقارالىق ساياحات مەكەمەسى شەكتى سەرىكتەستىگى ۇيىمداستىرعان 2016 - جىلعى العاشقى توپتاعى «جۇڭگو - رەسەي - قازاقستان - موڭعۇليا» ەلدەرىنىڭ التاي تاۋىن اينالا ساياحاتتاۋ بويىنشا شەكارا اتتاعان جەكە كولىكپەن ساياحاتتاۋ ۇيىرمەسى 4 - تامىز كۇنى جالپى ساياحاتىن ءساتتى تامامدادى؛ شينجياڭ جەكە كولىكپەن ساياحاتتاۋ بىرلەستىگى «تيانشان كاريدورىن ەندەي ءوتۋ، الەمدىك مۇراعاتتاردىڭ سىرىن اشۋ» اتىنداعى جۇڭگو - قازاقستان - قىرعىزستان ەلدەرىنىڭ ەل ارالىق جەكە كولىك ساياحاتىن باستادى، 20 - ماۋسىمنان 29 - ماۋسىمعا دەيىنگى ەندەي ءوتۋ ساياحاتى بارىسىندا بەيجيڭ، گۋاڭدۇڭ، شياڭگاڭ سىندى جەرلەردەن كەلگەن ساياحاتشىلار ساياحاتتارىن تابىسپەن تامامداپ، وتان قۇشاعىنا ورالدى. جاڭا جەلىنىڭ اشىلۋى مەن جاڭا قالىپتىڭ جەتىلۋىنىڭ ارقاسىندا، بۇكىل ەلدىڭ جەر - جەرىنەن كەلگەن ساياحاتشىلار كورىكتى شينجياڭدى ەمىن - ەركىن ساياحاتتادى، شەكارادان وتۋىنە جەڭىلدىك جاسالدى، بايىرعى جىبەك جولىنىڭ سىرىنا ۇڭىلۋگە، ورتا ازيانىڭ سالت - ءداستۇرىن تۇسىنۋگە مۇمكىندىك جاسالدى.
شينجياڭ ازيا - ەۆروپا ۇلى قۇرلىعىنىڭ اپاي توسىنە ورنالاسقان، قۇرلىقتىق شەكارا لەنياسى 5600 كيلومەتردەن اسادى، 8 ەلمەن شەكارالاسادى. تاريحتا بايىرعى جىبەك جولىنىڭ ماڭىزدى وتكەلى بولعان، ايرىقشا وڭىرلىك، بايلىق جانە گۋمانيتارلىق ابزالدىلىققا يە. ج ك پ اۆتونوميالى رايوندىق 8 - كەزەكتى كوميتەتىنىڭ ونىنشى جالپى (كەڭەيتىلگەن) ماجىلىسىندە: «ەسىك اشۋ − شينجياڭ ەكونوميكاسىنىڭ ەڭ ۇلكەن كومەسكى كۇشى» ەكەندىگى باسا دارىپتەلدى ءارى «جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتۋ» ستراتەگيالىق ورنالاستىرۋى ورتاعا قويىلدى. وسىنى جەتەكشى ەتۋ ارقىلى 2015 - جىلى قازان ايىنان باستاپ، اۆتونوميالى رايوندىق پارتكوم ىلگەرىندى - كەيىندى 3 رەت ۇيىرمە جىبەرىپ، ساياحات سەلبەستىگى جونىندە تەكسەرۋ - زەرتتەۋ جانە كەڭەس جۇرگىزىپ، قازاقستانعا بارىپ، ساياحات ارناسى قۇرىلىسىن بىرگە اشۋ، شەكارا اتتاعان ساياحاتقا قولايلى ساياساتتىڭ اتقارىلۋىن ىلگەرىلەتۋ، ۇكىمەت ارالىق كەڭەسۋ، اقىلداسۋ مەحانيزمىن ورناتۋ، ساياحات ءىس ءبىتىرۋ قۇرىلىمدارىن قۇرۋ، ساياحات بويىنشا ارناۋلى ءبىلىم اسىرۋ، اۋىس - كۇيىس جاساۋ كۋرسىن ۇيىمداستىرۋ، دەنساۋلىق كۇتىمدەۋ ساياحاتى مەن جەكە كولىكپەن ساياحاتتاۋ سىندى جاڭا كاسىپتەردىڭ دامۋىن جەدەل ىلگەرىلەتۋ، ساياحات كاسىبى مەن جەلىسىن بىرلەسىپ اشۋ، ماڭىزدى مەرەكە، قۇتتىقتاۋ قيمىلدارىنا جانە كورمەلەرگە ءوزارا ۇيىرمە جىبەرۋ، ۇگىتتەۋ، تانىستىرۋ قيمىلىن بىرلەسىپ ورىستەتۋ سىندى جاقتاردا ورتاق تانىم قالىپتاستىردى.
«ەكونوميكانىڭ باسەڭدەۋ قىسىمىنىڭ اسەرىنە ۇشىراعان ءار ەل قاتىستى ساياساتتاردى ىركەس - تىركەس العا قويىپ، ساياحات ىستەرىن دامىتۋ ارقىلى ەكونوميكانىڭ ارتۋىن تەزدەتۋگە ءۇمىت ارتتى. توڭىرەكتەگى ەلدەر بىزبەن ساياحات سەلبەستىگىن دامىتۋ بارىسىندا ەرەكشە بەلسەندىلىك جانە ىرىقتىلىق تانىتتى، كورشىلەس وڭىرلەردىڭ جەرگىلىكتى ۇكىمەتتەرى دە قولداۋ ساياساتىن ىركەس - تىركەس العا قويىپ، ساياحات ىستەرى سەلبەستىگىن قول ۇستاسا دامىتۋعا بەلسەندى بولدى»، - دەيدى اۆتونوميالى رايوندىق ساياحات مەكەمەسى پارتيا باسشىلىق گرۋپپاسىنىڭ شۋجيى لي جيدۇڭ. ونىڭ قاراۋىنشا، مەيلى وڭىرلەر جاعدايى، نەگىزدىك شارت - جاعداي، ساياسات، زاڭ تۇرعىسىنان جانە ەل ارالىق ساياحات سەلبەستىگىنىڭ ورايى جونىنەن قاراعاندا بولسىن، شينجياڭ توڭىرەكتەگى ەلدەرمەن ساياحات ىستەرى سەلبەستىگىن دامىتۋدى جەبەۋدىڭ ءتيىمدى شارتتارىنا يە ەكەن. اۆتونوميالى رايوندىق ساياحات مەكەمەسى اۆتونوميالى رايوندىق پارتكوم مەن ۇكىمەتتىڭ سىرتقا ەسىك اشۋدى تەزدەتۋدىڭ، جىبەك جولى ەكونوميكالىق بەلدەۋى وزەكتى رايون قۇرىلىسىن ىلگەرىلەتۋدىڭ قاتىستى ورنالاستىرۋلارىن دايەكتى تياناقتاندىرۋ ءۇشىن، 2015 - جىلدان بەرى، جىبەك جولى جاعالاۋىنداعى ەلدەرمەن ساياحات سەلبەستىگىنىڭ دامۋىن جەدەلدەتۋدى ارقاۋ ەتىپ، سىرتقا شىعارۋدا بەلسەندىلىك تانىتىپ، تياناقتاندىرۋ قىزمەتىن ويداعىداي جەبەدى.
تانىستىرۋعا قاراعاندا، اۆتونوميالى رايوندىق ساياحات مەكەمەسى 2015 - جىلدان بەرى «ءبىر ورتالىق، ءبىز بازا» قۇرىلىسىن ارقاۋ ەتىپ، 2 - كەزەكتى جۇڭگو حالىقارالىق جىبەك جولى ساياحاتىن دامىتۋ جينالىسى، جىبەك جولى ەكونوميكالىق بەلدەۋى التاي تاۋ سىلەمى ەكونوميكالىق سەلبەستىگىنىڭ 3 - كەزەكتى حالىقارالىق مىنبەرى، جۇڭگو باتىس بولىك قار - مۇز ساياحات مەرەكەسى جانە جۇڭگو شينجياڭ 10 - كەزەكتى قىسقى ساياحات كاسىبى ساۋدا جارمەنكەسى سياقتى ءىرى حالىقارالىق ساياحات تالقى مىنبەرىن جانە جينالىستارىن ىلگەرىندى - كەيىندى مول دايىندىقپەن وتكىزىپ، توڭىرەكتەگى ەلدەردىڭ باسشىلارىن جانە ساياحات تاراۋلارىنىڭ جاۋاپتىلارىن جينالىسقا شاقىرىپ، جىبەك جولى جاعالاۋىنداعى ەلدەردىڭ ساياحات سەلبەستىگىن ىلگەرىلەتۋدى ورتاق اقىلداسىپ، توڭىرەكتەگى ەلدەردىڭ جانە رايونداردىڭ وڭىرلىك ساياحات بايلىعىن رەتتەۋ قىزمەتىن جەبەدى. سونىمەن بىرگە اۆتونوميالى رايوندىق ساياحات مەكەمەسى ورتا ازيا، باتىس ازيا وڭىرلەرىنەن «شينجياڭ تەرەزەسى» اتىندا شەتەل ساۋداسىنا قاتىستى 6 ورتالىق قۇرىپ، بازاردىڭ ۇگىت قامتىمىن كەڭەيتتى؛ ءۇرىمجى قالاسىنان ەۆروپا، ورتا ازيا، تايۋان سياقتى وڭىرلەردىڭ نەگىزگى ساياحاتشى قاينارى بار قالالارىنا تىكە ۇشاتىن ساياحات ۇشاعى لەنياسىن اشىپ، كومەك بەرۋ، قولداۋ ساياساتتارىن العا قويىپ، ساياحات كاسىپورىندارىن اۆياتسيا كاسىپورىندارىمەن سەلبەستىك ورناتۋعا جەتەلەپ، شابىتتاندىرىپ، ءتىپتى دە مول جالداما ۇشاق لەنيالارىن اشىپ، ساياحاتتىڭ وزىندىك قۇنى مەن باعاسىن تومەندەتىپ، شەتەلگە ساياحاتتاۋ بازارىن جانداندىردى. «توڭىرەكتەگى ەلدەر اناعۇرلىم مول جۇڭگو ساياحاتشىلارىن وزىنە باۋراۋ ءۇشىن كوپتەگەن شارالاردى ىسكە قوستى، ايتالىق، رەسەيدەگى كوپتەگەن قوناق سارايلارى حانزۋ تىلىندەگى بەلگىلەردى ورناتتى، قازاقستاننىڭ ءبىر قىدىرۋ جەرى جۇڭگو ساياحاتشىلارىنا ارناۋلى جول دايىندادى»، - دەيدى ورتا ازيا ەلدەرىنە بارىپ - كەلىپ جۇرەتىن اۆتونوميالى رايوندىق ساياحات مەكەمەسى ەمدەۋ، ساياحاتتاۋ، كۇتىمدەۋ ىستەرىنىڭ شەتەلگە قاتىستى ءىس ۋاكىلى ليان يان - ۋي. ول مۇنداعى وزگەرىستەردى مىقتى يگەرگەن، ول ءوزىنىڭ الداعى جارتى جىلدا توڭىرەكتەگى ەلدەردە وتكىزىلەتىن 6 -، 7 - رەتكى ساياحات كورمەسى، زەرتتەۋ تالقى جيىندارىنا قاتىناساتىنىن ايتتى.
شينجياڭ جۇڭشين حالىقارالىق ساياحات سەرىكتەستىگىنىڭ باس ديرەكتورى حۋ شيانچۇن تاياۋدا اقىرلاسقان 2016 - جىلى جۇڭگو - رەسەي - قازاقستان - موڭعۇليا التاي تاۋ سىلەمىن توڭىرەكتەي شەكارا اتتاپ جەكە كولىكپەن ساياحاتتاۋ قيمىلىنا قاتىناسقان تۇڭعىش توپتاعى ساياحات ۇيىرمەسى جونىندە توقتالعاندا بىلاي دەدى: «مەملەكەتتىڭ <ءبىر بەلدەۋ، ءبىر جول> ستراتەگياسىنىڭ پارمەندى جەبەۋىنىڭ ارقاسىندا، 2 جىل بازار اينالىمى بويىنشا جۇمىس جۇرگىزگەننەن كەيىن، جۇڭگو ساياحاتشىلارى جىبەك جولىنىڭ بويىنا ورنالاسقان ەلدەرگە جاقسى اسەر قالدىردى، ولار جۇڭگولىق ساياحاتشىلاردى قۇشاق جايا قارسى الادى، جۇڭگولىق ساياحاتشىلار بارعان جەرىنىڭ بارىندە باسقالاردىڭ القاۋىنا بولەنىپ جاتىر». ول تاعى سۇيىنە بىلاي دەدى: «جاڭادان اشىلعان ساياحات لەنياسى جونىندە سايكەسەتىن جۇمىستار ءالى تولىپ جاتىر، بيىل بىلتىرعى تۇڭعىش توپتا بارعان ساياحات ۇيىرمەسىنىڭ تاجىريبەسىنە نەگىزدەلە وتىرىپ، ءبىرقانشا كورىنىس ورىندارىن قىسقارتىپ، تىنىعىپ، كوڭىل كوتەرۋگە بولاتىن مازمۇنداردى كوبەيتىپ، ساياحاتشىلاردىڭ ساياحاتتىڭ قىزىعىنا باتىپ، اناعۇرلىم مول ءلاززات الۋىنا مۇمكىندىك جاراتتىق، كوپتەگەن ساياحاتشىلار قايتىپ كەلگەننەن كەيىن كەلەسى جولى تاعى بارۋعا كەلىستى». حۋ شيانچۇن بيىل كەدەندىك راسمياتتاردىڭ بۇرىنعىدان تەز بىتەتىن بولعانىن، جول بويى قاتىناس، تۇسەلحانا، تاعامجاي سياقتى نەگىزدىك قىزمەت وتەۋ قۇرىلعىلارىنىڭ بارعان سايىن جاقسارا تۇسكەندىگىن بايقاعان.
اۆتونوميالى رايوندىق ساياحات مەكەمەسى ساياحات كاسىبىندەگى دارىندىلارىنىڭ ءوزارا اۋىس - كۇيىس جاساۋىنا بەلسەندىلىكپەن مۇمكىندىك ازىرلەدى. 2015 - جىلى قازاندا ۇرىمجىدە تۇڭعىش كەزەكتى جىبەك جولى ساياحات كاسىبى جونىندە ءبىلىم اسىرۋ، اۋىس - كۇيىس جاساۋ كلاسىنىڭ تاجىكستان كلاسىن اشىپ، ەل اتتاپ سەلبەستىك ورناتىپ، ساياحات كاسىبىمەن اينالىساتىن دارىندىلاردى تاربيەلەۋ جاعىندا قىمباتتى تاجىريبەلەر توپتادى. 2016 - جىلى مامىردا ۇرىمجىدە جىبەك جولى ساياحات كاسىبى جونىندە ءبىلىم اسىرۋ، اۋىس - كۇيىس جاساۋ كلاسىنىڭ قازاقستان كلاسى اشىلدى، ساياحات كاسىپورىندارىنان كەلگەن 74 جوعارى دارەجەلى باسقارۋشى تاربيەلەۋگە قاتىناستى.
جۇڭگو ازاماتتارىنان ۇيىمداسقان قازاقستانعا باراتىن تۇڭعىش ساياحات ۇيىرمەسى 6 - تامىزدا رەسمي جولعا شىقتى. گاڭجۇڭ ساياحات توبىنىڭ شينجياڭداعى بولىمشەسىنىڭ باس ديرەكتورى جاۋ شيۋحۇڭ بىلاي دەپ تانىستىردى: بۇل جولى تۇڭعىش توپتاعى ساياحات ۇيىرمەسىنە 55 ادام قاتىناستى، ولاردىڭ ىشىندەگى 10 جولاۋشى نيڭشا، گانسۋ، انحۇي ولكەلەرىنەن كەلگەن، ولار جۇڭگو ازاماتتارىنىڭ ۇيىرمە بولىپ ۇيىمداسىپ قازاقستانعا ساياحاتتاۋعا بولاتىنىن ەستي سالا جاپا - تارماعاي تىزىمدەلدى.
«كەلەسى قادامدا ءبىز مەملەكەتتىڭ قولداۋىنا يە بولۋعا تىرىسىپ، ساياحات جونىندە سەلبەستىك ورناتۋعا كۇش سالامىز، <سىرتقا شىعارۋ> ستراتەگياسىن ىشكەرىلەي جۇرگىزىپ، ساياحات كاسىبىندە <الدىمەن بايلانىس ورناتىپ، ودان كەيىن توعىستىرۋدى> ىلگەرىلەتەمىز؛ ەرەكشە ساياحات لەنياسى مەن ونىمدەردى باعىتتامالى تۇردە اشامىز؛ شەكارا اتتاپ ساياحاتتاۋ جونىندەگى ۇگىت جارنامانى كۇشەيتەمىز»، - دەدى لي جيدۇڭ، ول تاعى ساياحات كاسىبىنىڭ باۋىرمال، ۋنيۆەرسال ەرەكشەلىگىن ۇزدىكسىز ساۋلەلەندىرىپ، شينجياڭنىڭ توڭىرەكتەگى ەلدەرمەن، وڭىرلەرمەن ساياحات جونىندە سەلبەستىك ورناتۋىن اناعۇرلىم ىلگەرىلەتىپ، شينجياڭنىڭ سىرتقا ەسىك اشۋداعى قوعامدىق نەگىزىن بەكەمدەپ، ناقتى ىستەر جونىندە سەلبەستىك ورناتۋدىڭ جاڭا ارتۋ ءتۇيىنىن قالىپتاستىرۋعا قۇلشىناتىندىقتارىن ايتتى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
