- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«انالار مەن بوبەكتەر دەنساۋلىعىنا قىزمەت وتەۋدىڭ جۇڭگوداعى ساپارى − شينجياڭدا» قيمىلى ۇرىمجىدە باستالدى
2016.08.08 16:33 كەلۋ قاينارى : شينجياڭ گازەتى
7 - تامىز كۇنى تۇستەن بۇرىن، 2016 - جىلعى «انالار مەن بوبەكتەر دەنساۋلىعىنا قىزمەت وتەۋدىڭ جۇڭگوداعى ساپارى − شينجياڭدا» قيمىلى ۇرىمجىدە باستالدى. 6 - تامىز كۇنى تۇستەن كەيىن، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ۇرىمجىدە مەملەكەتتىك دەنساۋلىق ساقتاۋ، جوسپارلى تۋىت كوميتەتىنىڭ ورىنباسار مەڭگەرۋشىسى، مەملەكەتتىك جۇڭگو شيپاگەرلىك، ءدارى - دارمەك باسقارۋ مەكەمەسىنىڭ باستىعى ۋاڭ گوچياڭمەن جانە ونىڭ ساپارلاستارىمەن كەزدەستى.
«انالار مەن بوبەكتەر دەنساۋلىعىنا قىزمەت وتەۋدىڭ جۇڭگوداعى ساپارى» قيمىلى 2014 - جىلى باستالعان، 2 جىلدان بەرى اتالعان قيمىل 20 نەشە ولكە، رايون، قالادا جۇرگىزىلىپ، انالار مەن بوبەكتەردەن ءبىر ميلليونعا جۋىق ادامعا تىكەلەي قىزمەت وتەدى. بيىل مەملەكەت بويىنشا 12 ولكە، رايون، قالادا ىركەس - تىركەس وتكىزىلەتىن قيمىلدىڭ ءبىر ايالداماسى − شينجياڭ، مۇندا انالار مەن بوبەكتەردىڭ دەنساۋلىعى تۋرالى جەلىلەس ارناۋلى تاقىرىپتى لەكسيالار، مەملەكەتتىڭ انالار مەن بوبەكتەردىڭ دەنساۋلىعى تۋرالى ساياساتتارىن ۇگىتتەۋ، عىلىم جالپىلاستىرۋ بىلىمدەرىن ۇگىتتەۋ جانە مامانداردىڭ مىندەتتى ناۋقاس كورۋ، دەنساۋلىق ساقتاۋعا اقىل - كەڭەس بەرۋ سياقتى قيمىلدار وتكىزىلىپ، انالار مەن بوبەكتەردىڭ دەنساۋلىعى تۋرالى بىلىمدەر جالپىلاستىرىلىپ، انالار مەن بوبەكتەردىڭ دەنساۋلىعىن قورعاۋ تانىمى مەن قابىلەتى كۇشەيتىلىپ، انالار مەن بوبەكتەردىڭ دەنساۋلىق دەڭگەيى جوعارىلاتىلادى.
كەزدەسۋدە، جاڭ چۇنشيان بىلاي دەدى: مەملەكەتتىك دەنساۋلىق ساقتاۋ، جوسپارلى تۋىت كوميتەتىنىڭ، مەملەكەتتىك جۇڭگوشا شيپاگەرلىك، ءدارى - دارمەك باسقارۋ مەكەمەسىنىڭ وسى جولى شينجياڭدا «انالار مەن بوبەكتەر دەنساۋلىعىنا قىزمەت وتەۋدىڭ جۇڭگوداعى ساپارى − شينجياڭدا» قيمىلىن ورىستەتىپ، انالار مەن بوبەكتەردىڭ دەنساۋلىق دەڭگەيىن ونان ارى جوعارىلاتىپ، شينجياڭداعى جۇڭگوشا شيپاگەرلىك، از ۇلت شيپاگەرلىگى، ەمدەۋ، كۇتىمدەۋ، دەنساۋلىق ساقتاۋ ىستەرىنىڭ دامۋىنا جەتەكشىلىك ەتۋى ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىنىڭ رۋحىن دايەكتى تياناقتاندىرىپ، جىبەك جولى ەكونوميكالىق بەلدەۋىندەگى وزەكتى رايوننىڭ مەديتسينالىق قىزمەت وتەۋ ورتالىعىن قۇرۋدىڭ ناقتى شاراسى. شينجياڭنىڭ جۇڭگوشا شيپاگەرلىكتى، از ۇلت شيپاگەرلىگىن دامىتۋدا ايرىقشا تابيعي شارت - جاعدايى جانە تاماشا وزىندىك نەگىزى بار، جۇڭگوشا شيپاگەرلىكتى، از ۇلت شيپاگەرلىگىن جالعاستىرۋ، وعان جاڭالىق ەنگىزۋ جانە دارىندى دايىنداۋ بيىلعى شينجياڭنىڭ ۇلتتار ىنتىماعى، العاباسارلىعى جىلىنداعى 27 ناقتى شاراسىنىڭ ءبىرى. شينجياڭ مەملەكەتتىك دەنساۋلىق ساقتاۋ، جوسپارلى تۋىت كوميتەتىمەن، مەملەكەتتىك جۇڭگوشا شيپاگەرلىك، ءدارى - دارمەك باسقارۋ مەكەمەسىمەن بەلسەنە ۇشتاسىپ، بىرگە كۇش شىعارىپ، جىبەك جولى ەكونوميكالىق بەلدەۋىندەگى وزەكتى رايون قۇرىلىسىن تىرەك ەتىپ، جوعارى باستامادا، جوعارى ولشەمدە جوبالاپ، جۇڭگوشا شيپاگەرلىكتى، از ۇلت شيپاگەرلىگىن زەرتتەۋ، مەديتسينالىق قىزمەت وتەۋ، بازا قۇرىلىسى، دارىندىلاردىڭ ءىزباسار قوسىندارىن دايىنداۋ، قورعاۋ، جالعاستىرۋ، دامىتۋ سياقتى جاقتاردا، مەملەكەتتىڭ بايلىعىن ىسكە قوسىپ، جەرگىلىكتى ەرەكشەلىككە نازار اۋدارىپ، مەديتسينالىق قىزمەت وتەۋ، دەنساۋلىق ساقتاۋ - كۇتىمدەۋ ايگىلى ماركاسىن جاساپ، جۇڭگوشا شيپاگەرلىكتىڭ اسىلىن ارداقتاپ، كورشى ەلدەر حالقىنا قىزمەت وتەپ، حالىقتار تىلەگىنىڭ جالعاسۋىن جەبەپ، شينجياڭدى ورتا ازياداعى ءار ەلدىڭ مەديتسينالىق، دەنساۋلىق ساقتاۋ اۋىس - كۇيىسىن، سەلبەستىگىن جاساساتىن ورتالىققا اينالدىرۋعا كۇش سالادى.ۋاڭ گوچياڭ بىلاي دەدى: اۆتونوميالى رايوندىق پارتكوم، ۇكىمەت سوڭعى جىلدارى تۋما جۇرەك اۋرۋىنا، مي سالدانۋ اۋرۋىنا شالدىققان بالالاردى قۇتقارۋ جانە ولارعا كومەكتەسۋ سەرپىنىن ۇزدىكسىز ارتتىرىپ، تالاي وتباسىن يگىلىككە كەنەلتتى. مەملەكەتتىك دەنساۋلىق ساقتاۋ، جوسپارلى تۋىت كوميتەتى، مەملەكەتتىك جۇڭگوشا شيپاگەرلىك، ءدارى - دارمەك باسقارۋ مەكەمەسى شينجياڭعا باعىتتامالى كومەكتەسۋ قىزمەتىن ۇزدىكسىز جاقسى ىستەپ، وسى سالانىڭ بارلىق كۇشىنەن پايدالانىپ، شينجياڭنىڭ قيىنشىلىعى بارلاردى قۇتقارۋ، سۇيەمەلدەۋ جانە ولارعا كومەكتەسۋ ىستەرىن جاقسى ىستەۋىنە قولداۋ كورسەتىپ، جىبەك جولى ەكونوميكالىق بەلدەۋىنىڭ وزەكتى رايون قۇرىلىسىن ارقاۋ ەتىپ، قاساڭ قاعيدالاردى بۇزىپ، الدىمەن ىسكە كىرىسىپ، الدىمەن سىناق ەتىپ، ەرەكشە ساياسات قولدانىپ، شينجياڭنىڭ جۇڭگوشا شيپاگەرلىك، از ۇلت شيپاگەرلىگى بويىنشا جالپىلىق ءبىلىم بەرەتىن ورتا مەكتەپتەردەگى «شيپاگەرلىك تاجىريبە كلاسىن» مەملەكەتتىڭ جۇڭگوشا شيپاگەرلىك، ءدارى - دارمەك دارىندىلار ينجەنەرياسىنا قامتىپ، جۇڭگوشا شيپاگەرلىك، از ۇلت شيپاگەرلىگى دارىندىلارىن دايىنداۋ سەرپىنىن كۇشەيتىپ، شينجياڭنىڭ وڭىرلىك باسىمدىعىنا ارقا سۇيەپ، جۇڭگوشا شيپاگەرلىكتىڭ، از ۇلت شيپاگەرلىگىنىڭ «سىرتتان ەنگىزۋ»، «سىرتقا شىعارۋ» جۇمىسىنا دەم بەرىپ، ەلىمىز بەن ورتا ازياداعى ەلدەردىڭ جۇڭگوشا شيپاگەرلىك، از ۇلت شيپاگەرلىگى، ءدارى - دارمەگى سالاسىنداعى اۋقىمدى اۋىس - كۇيىسىن، سەلبەستىگىن جەبەيدى.
قيمىلدىڭ باستالۋ سالتىندا، اۆتونوميالى رايوندىق دەنساۋلىق ساقتاۋ، جوسپارلى تۋىت كوميتەتى قوعامنىڭ ءار سالاسىنا جانە انالار مەن بوبەكتەردىڭ دەنساۋلىعىن قورعاۋ قىزمەتكەرلەرىنە ۇندەۋ حات جاريالادى. مەملەكەتتىك دەنساۋلىق ساقتاۋ، جوسپارلى تۋىت كوميتەتى، مەملەكەتتىك انالار مەن بوبەكتەردىڭ دەنساۋلىعىن قورعاۋ ورتالىعى اۆتونوميالى رايونىمىزعا عىلىم جالپىلاستىرۋ كىتاپتارى جانە وپتيكالىق ديسكالارى سياقتى دەنساۋلىق ساقتاۋعا قاتىستى تاربيەلىك ماتەريالدار تارتۋ ەتتى، سونىمەن بىرگە اۆتونوميالى رايونىمىزدىڭ نەگىزگى ساتىعا بارىپ جۇمىس ۇستىندە تەحنيكالىق جەتەكشىلىك كورسەتەتىن جانە اۋماققا ءبولىپ تاربيەلەۋ قىزمەتىن جۇرگىزەتىن اۆتونوميالى رايون دارەجەلى مامانداردىڭ ۋاكىلدەرىنە «انالار مەن بوبەكتەر دەنساۋلىعىنا قىزمەت وتەۋدىڭ جۇڭگوداعى ساپارى − شينجياڭدا» قيمىل تۋىن تاپسىردى. جۇڭگو قىزىل كرەست قوعامى تاعى ىلە قازاق اۆتونوميالى وبلىستىق انالار مەن بوبەكتەردىڭ دەنساۋلىعىن قورعاۋ شيپاحاناسىنا «كەدەي جۇكتى ايەلدەرگە جانە بالالارعا جاردەم قورىنان» 300 مىڭ يۋان جىلۋ اتادى.
اۆتونوميالى رايون باسشىلارىنان شوكىرات زاكىر، عانيبات سابىكەي ۇلى، پىڭ جيارۇي، تيان ۋىندەر اتالعان قيمىلدارعا قاتىستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
