- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ەلىمىزدەگى ايگىلى مەكتەپتەر شينجياڭمەن سەلبەسىپ، توقىماشىلىق دارىندىلارىن تاپسىرىسپەن تاربيەلەۋگە كەلىستى
2016.08.08 16:54 كەلۋ قاينارى : شينجياڭ گازەتى
شينجياڭنىڭ توقىماشىلىق، كيىم - كەشەك كاسىپتىك مەكتەپتەرىنىڭ ىشكى ولكەلەردەگى ايگىلى مەكتەپتەرمەن اۋىس - كۇيىسى مەن سەلبەستىگىن جەبەپ، كاسىپ سالاسىن دامىتۋ مەن كاسىپتىك تاربيە اراسىنداعى سەلبەستىكتى كۇشەيتۋ ءۇشىن، جۇڭگو توقىماشىلىق، كيىم - كەشەك كاسىپتىك تاربيەسىن دامىتۋدىڭ 2016 - جىلعى تالقى مىنبەرىن 6 - تامىز كۇنى شينجياڭدا وتكىزدى. تالقى مىنبەرى كەزىندە ەلىمىزدىڭ توقىماشىلىق، كيىم - كەشەك كاسىبى سالاسىندا ابزالدىلىعى بار جياڭسۋداعى، ۋحانداعى، بەيجيڭدەگى ايگىلى جوعارى مەكتەپتەر جانە شينجياڭنىڭ ءىشى - سىرتىنداعى توقىماشىلىق، كيىم - كەشەك كاسىپورىندارى شينجياڭ جەڭىل ونەركاسىپ كاسىپتىك - تەحنيكالىق مەكتەبىمەن «وقۋ - اعارتۋ جاعىنان شينجياڭعا كومەكتەسۋ، تاپسىرىسپەن تاربيەلەۋ» ستراتەگيالىق سەلبەستىك كەلىسىمىنە قول قويدى، دەمەك بيىل كيىم - كەشەك، توقىماشىلىق، توقىما ماشينا - ەلەكتر جابدىقتارىن ءبىر تۇلعالاندىرۋ سىندى كاسىپتەردە مىڭعا تاياۋ توقىماشىلىق دارىندىلارى تاپسىرىسپەن تاربيەلەنەدى، سونىمەن بىرگە شىعىس پەن باتىستىڭ ابزال وقۋ - اعارتۋ بايلىعىن بەلسەنە قابىلداپ، شينجياڭنىڭ توقىماشىلىق، كيىم - كەشەك دارىندىلارىن تاربيەلەۋ، كاسىپ قۇرىلىسى جۇمىستارى كۇشەيتىلەدى.
شينجياڭنىڭ توقىماشىلىق، كيىم - كەشەك كاسىپ سالاسىنىڭ تاياۋ جىلداردان بەرگى دامۋ جاعدايى تاماشا، ەلىمىزدەگى ىقپالى مەن ورنى كۇن سايىن كوتەرىلىپ كەلەدى. قازىر ماقتا توقىماشىلىعىنىڭ ءوندىرىس قۋاتى باتىس سولتۇستىك ولكەلەر مەن وڭىرلەردە اعالاپ العا شىقتى، شينجياڭعا قارجى قوسقان ايگىلى كيىم - كەشەك كاسىپورىندارىنىڭ كولەمى، سانى زور مولشەردە ارتتى، كاسىپ سالاسى قۇرىلىمى اناعۇرلىم ساپالىلاندى، جىبەك جولى بەلدەۋىندەگى وزەكتى رايونمەن سايكەسكەن كاسىپ سالاسىنىڭ تىرەكتىلىك جۇيەسى جانە تۇلعالىق ساياساتى كۇشەيتىلدى. كاسىپ سالاسىنىڭ دامۋى، كاسىپتىك دارىندىلاردىڭ تاپشى بولۋ جايتى بارعان سايىن كورنەكتىلەنىپ كەلەدى، اسىرەسە، كاسىپتىك وقۋ - اعارتۋ تاربيەسىندەگى شەبەرلىكتى، قولدانىلمالى تەحنيكانى ۇيرەنگەن جوعارى ساپالى دارىندىلاردىڭ تاپشى بولۋى ءتىپتى دە كورنەكتىلەندى.
سوندىقتان وسى رەتكى تالقى مىنبەرىنىڭ تاقىرىبىن «شينجياڭنىڭ توقىماشىلىق، كيىم - كەشەك كاسىپ سالاسىن دامىتۋ ارقىلى كاسىپتەندىرۋدى جەبەۋ ستراتەگياسىن تياناقتاندىرىپ، شينجياڭنىڭ توقىماشىلىق، كيىم - كەشەك كاسىپتىك تاربيەسىنىڭ دامۋىن جەبەپ، توقىماشىلىق، كيىم - كەشەك كاسىپ سالاسىنا دارىندىلار جاعىنان پارمەندى تىرەك بولۋ» دەپ تۇراقتاندىرۋى توقىماشىلىق، كيىم - كەشەك كاسىپتىك دارىندىلارىن تاربيەلەيتىن تىلدەسۋ، اۋىس - كۇيىس جاساۋ تۇعىرىن ورناتىپ، ساپالى وقۋ - اعارتۋ بايلىعىنان ورتاق يگىلىكتەنۋدى، شينجياڭعا اقىل - پاراسات جاعىنان كومەكتەسۋدىڭ جاڭا ۇلگىسى جونىندە ىزدەنىس جاساۋدى، شينجياڭنىڭ توقىماشىلىق، كيىم - كەشەك كاسىپ سالاسىنىڭ اقاۋسىز دامۋىنا دەم بەرۋدى ماقسات ەتكەن.
اۆتونوميالى رايوندىق حالىق ۇكىمەتىنىڭ ورىنباسار باس حاتشىسى، اۆتونوميالى رايوننىڭ توقىماشىلىق، كيىم - كەشەك كاسىپ سالاسىن دامىتۋ ارقىلى كاسىپتەندىرۋدى جەبەۋگە باسشىلىق ەتۋ گرۋپپاسى كەڭسەسىنىڭ مەڭگەرۋشىسى لياڭ يۇڭ بىلاي دەدى: بۇل رەتكى تالقى مىنبەرىندە ۇكىمەت، كاسىپ - سالالار، كاسىپورىن، مەكتەپ» سىندى 4 جاقتىڭ تىلدەسۋ، اۋىس - كۇيىس جاساۋ مەحانيزمى قۇرىلدى. سوندىقتان اۆتونوميالى رايوننىڭ كاسىپتىك تاربيەسى ولكە، قالالاردىڭ تاماشا تاجىريبەسىنەن ۇلگى الىپ، وسى زامانعى كاسىپتىك وقۋ - اعارتۋدى اناعۇرلىم كورنەكتى ورىنعا قويىپ، كاسىپ سالاسىنا بۇرىلىس جاساۋ، ونىڭ دەڭگەيىن كوتەرۋ سۇرانىسىن كوزدەپ، شينجياڭ ەرەكشەلىگىنە يە وسى زامانعى كاسىپتىك وقۋ - اعارتۋ جۇيەسىن جەدەل قۇرىپ، توقىماشىلىق، كيىم - كەشەك كاسىپ سالاسىنىڭ دامۋىنا دارىندىلار بايلىعى جاعىنان ءتىپتى كوپ قولداۋ كورسەتۋ كەرەك.
وسى رەتكى تالقى مىنبەرىن جۇڭگو توقىماشىلىق، كيىم - كەشەك كاسىبى بويىنشا تاربيەلەۋ عىلمي قوعامى، جۇڭگو كيىم - كەشەك قوعامى، اۆتونوميالى رايوندىق ەكونوميكا جانە ينفورماتسيالاندىرۋ كوميتەتى، شينجياڭ جەڭىل ونەركاسىپ كاسىپتىك - تەحنيكالىق ينستيتۋتى بىرلەسىپ ۇيىمداستىردى، ەلىمىزدەگى 23 ايگىلى توقىماشىلىق، كيىم - كەشەك مەكتەپتەرى جانە شينجياڭداعى توقىماشىلىق، كيىم - كەشەك مەكتەپتەرىنىڭ ماماندارى، وقىمىستىلار تالقى مىنبەرىنە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
