- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بەيقۇت ءۇي باقىتتى تۇرمىسقا نەگىز قالادى
2016.08.08 16:33 كەلۋ قاينارى : شينجياڭ گازەتى
حالىقتىڭ باسىندا الاڭسىز تىرشىلىك ەتەتىن جايلى باسپاناسى بولعاندا عانا الاڭسىز تىرشىلىك ەتىپ، باياندى شارۋاشىلىقپەن شۇعىلدانۋىنا بولادى. بەلگىلى تۇرعىدان ايتقاندا، حالىقتىڭ تۇرعىن ءۇي شارت - جاعدايىنا قاراپ سول جەردەگى ادامداردىڭ تۇرمىس احۋالىنىڭ قانداي ەكەنىن بىلۋگە بولادى، تۇرعىن ءۇي شارت - جاعدايى − حالىق تۇرمىسىنا، ەكونوميكالىق، قوعامدىق دامۋعا، قوعامنىڭ جاراسىمدىلىعىنا ساياتىن كەلەلى ءىس. قۋانارلىعى ءبىز تىرشىلىك ەتىپ كەلە جاتقان وسىناۋ كەڭ - بايتاق قۇتتى مەكەندە تاياۋداعى جىلداردان بەرى بەيقۇت ءۇي سالىپ، حالىقتى اۋقاتتاندىرۋ قۇرىلىسى قاۋىرت ءجۇرىلىپ، حالىقتىڭ باقىتتى تۇرمىس كەشىرۋىنە شىنايى نەگىز قالادى.
حابارعا نەگىزدەلگەندە، تۇرعىن ءۇي جانە قالا، اۋىل قۇرىلىسى مينيسترلىگى، مەملەكەتتىك دامۋ جانە رەفورما كوميتەتى جانە قازىنا مينيسترلىگى سياقتى تاراۋلاردىڭ تاياۋدا جاريالاعان باعالاۋ ناتيجەسىنەن بەلگىلى بولۋىنشا، رايونىمىزدىڭ بەيقۇت ءۇي سالىپ، حالىقتى اۋقاتتاندىرۋ قۇرىلىسى 2015 - جىلى تەكسەرىپ باعالاۋدا تاعى دا مەملەكەت بويىنشا اعالاپ العا شىعىپ، ءۇرتىس 5 جىل جۇلدە العان. 3 مينيسترلىك پەن كوميتەتتىڭ 5 جىلدان بەرگى باعالاۋ ناتيجەسىنە قاراپ، رايونىمىزدىڭ بەيقۇت ءۇي سالىپ، حالىقتى اۋقاتتاندىرۋ قۇرىلىسىنىڭ قۇرىلىس ىستەرى، باسقارۋى جانە ساپاسى مەملەكەتتىڭ الدىڭعى قاتارىندا ەكەنىن كورۋگە بولادى.
«شينجياڭدى ورنىقتىرۋ، شينجياڭدى كوركەيتۋ، حالىقتى اۋقاتتاندىرىپ، شەكارانى بەكەمدەۋ» − ورتالىقتىڭ العا قويعان ستراتەگيالىق باعىتى. ايتكەنمەن حالىقتى اۋقاتتاندىرۋ دەگەنىمىز ءار ۇلت حالقىنىڭ تۇرمىس شارت - جاعدايىن جاقسارتۋدى عانا مەڭزەمەيدى، ودان دا ماڭىزدىسى ول شينجياڭنىڭ قوعام ورنىقتىلىعى مەن باياندى تىنىشتىعىن ىسكە اسىرۋدىڭ ىشكى تالابى. شينجياڭنىڭ وزگەشە جاعراپيالىق ورتاسىندا رايونىمىزداعى جاسىل القاپتار ءشول دالا، قۇبا ءتۇز، قاتپار - قاتپار تاۋلاردىڭ اراسىنا بىتىراندى ورنالاسقان، نەگىزدىك قۇرىلعىلاردىڭ ناشار بولۋى −− ەكونوميكالىق دامۋعا تۇساۋ بولاتىن ماڭىزدى فاكتور. حالىقتى اۋقاتتاندىرۋدا جەرگىلىكتى ورىننىڭ نەگىزدىك ءوندىرىس، تۇرمىس شارت - جاعدايىن جاقسىلاۋدان باستاپ ىسكە كىرىسۋ كەرەك ەكەندىگى ايتپاسا دا تۇسىنىكتى، سوندىقتان بەيقۇت ءۇي سالۋ − ماڭداي الدى مىندەت.
تۇرعىن ءۇي حالىق تۇرمىسى ماسەلەسى عانا ەمەس، ول ەكونوميكالىق ماسەلە، تۇرعىن ءۇي ماسەلەسىن ويداعىداي ءبىر جايلى ەتە الۋ - الماۋ حالىق تۇرمىسىنىڭ باقىت كورسەتكىشىنە تىكە سايادى. اۆتونوميالى رايوندىق پارتكوم مەن ۇكىمەت وسى ماسەلەنى تياناق ەتە وتىرىپ، بەيقۇت ءۇي سالىپ، حالىقتى اۋقاتتاندىرۋ قۇرىلىسىنا وسكەلەڭ ءمان بەرىپ، ونى ءۇرتىس 6 جىل بويى حالىق تۇرمىسى جىلىنداعى ماڭداي الدى ورىندا تۇراتىن نىسان رەتىندە پارمەندى ىلگەرىلەتتى. بۇگىنگى كۇندە قالاداعى الۋان ۇلگىدە جوبالانىپ سالىنعان ءزاۋلىم عيماراتتارعا قاراپ وسى ارانىڭ نەشە جىلدىڭ الدىندا تۇگەلدەي جەر ءۇي ەكەندىگىن كوز الدىڭىزعا كەلتىرە المايسىز، وسى زامان ۇلگىسىندە جوبالانىپ سالىنعان جاڭاشا اۋىل - قىستاقتاردان بۇرىنعى توپىراق ءۇيدىڭ كولەڭكەسىن دە كەزىكتىرە المايسىز، ءۇي تەك باسپانا عانا ەمەس، حالىق قازىر باسپانا بولۋدى عانا ارمانداعان زاماندى ارتقا تاستاپ، ءتىپتى دە جايلى، راقاتتى، ساپالى تۇرمىس كەشىرۋگە ءتيىمدى ۇيدە وتىرۋعا قاراي تالپىناتىن بولدى.
حالىق الاڭسىز تىرشىلىك ەتكەندە عانا باياندى شارۋاشىلىقپەن شۇعىلدانۋىنا مۇمكىندىك تۋىلادى، حالىق اۋقاتتانعاندا عانا قوعام جاراسىمدى بولادى. اۆتونوميالى رايوندىق پارتكوم مەن ۇكىمەتتىڭ نىساناسى − ءار ۇلت حالقىن حاۋىپسىز، كەڭ تىنىستى، جايلى ۇيدە وتىرعىزۋ عانا ەمەس، ودان دا ماڭىزدىسى حالىققا باي باقىتتى تۇرمىس كەشىرەتىن ورتا جاراتۋ. شينجياڭ حالىقتىڭ ءوندىرىس، تۇرمىس شارت - جاعدايىن جاقسارتۋ مەن ەگىنشى - مالشىلاردىڭ كىرىسىن ارتتىرۋدى ۇشتاستىرىپ، ىشكى وندىرىستىك قۋاتتى ارتتىرۋ مەن كاسىپتەندىرۋ ماسەلەسىن شەشۋدى تياناق ەتە وتىرىپ، «حالىقتى اۋقاتتاندىراتىن كاسىپتەردى» − ياعني قارجى از قوسىلاتىن، تەز ءونىم بەرەتىن، بايلىق از سارىپ بولاتىن، ورتانى لاستاۋ دارەجەسى ءبىرشاما تومەن ەڭبەككۇش شوعىرلانعان كاسىپتەر مەن وڭىرلىك مادەنيەتتى، ۇلتتىق ەرەكشەلىكتى نەگىز ەتكەن ءداستۇرلى قولونەر كاسىبىن بار كۇشپەن دامىتىپ، وڭىرلىك ەرەكشەلىككە يە كاسىپتەر مەن ماركالاردى جاراتتى، وسىنداي شارالار قولدانۋ ارقىلى باقىت دەگەن ۇعىمدى ناقتىلاندىرىپ، ءار ۇلت حالقىنا كوزبەن كورىپ، قولمەن ۇستاۋعا كەلەتىن، ناقتى يگىلىككە كەنەلەتىن تۇرمىس سيلادى.
قاجىرلى ەڭبەكتىڭ ارقاسىندا شينجياڭنىڭ بايتاق دالاسىندا باقىت گۇلى جايقالا اشىلاتىنى ءسوزسىز.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
