- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
لي كىچياڭ، ليۋ يۇنشان مەملەكەتتىك حالىق قۇرىلتايى ۋاكىلدەر ۇيىرمەسىنىڭ باياندامانى قاراۋىنا جەكە – جەكە قاتىناستى
2016.03.10 14:51 كەلۋ قاينارى : حالىق تورابى
شينحۋا اگەنتتىگى، 9 – ناۋرىز، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق شۋجيچۋىنىڭ شۋجيى ليۋ يۇنشان 9 – ناۋرىز تۇستەن بۇرىن مەملەكەتتىك 12-كەزەكتى حالىق قۇرىلتايىنىڭ 4-ماجىلىسىنە قاتىناسقان ۋاكىلدەر ۇيىرمەسىنىڭ باياندامانى قاراۋىنا جەكە – جەكە قاتىناستى.
لي كىچياڭ گۋاڭدۇڭ ۋاكىلدەر ۇيىرمەسىنىڭ باياندامانى قاراۋىنا قاتىناستى. جۋ شياۋدان، جۇڭ نانشان، زىڭ شياڭگۇي قاتارلى ۋاكىلدەر رەفورمادا جاڭالىق جاراتۋ، ورتانى وڭاۋ، شارۋا جۇمىسكەرلەردىڭ قالاعا كىرۋى، كاسىپتەندىرۋ، يگىلىك جاراتۋ سياقتى ماسەلەلەردى توڭىرەكتەي وتىرىپ كوسىلە سويلەدى. لي كىچياڭ كوپشىلىكپەن ىشكەرىلەي پىكىر الماستىردى. ول بىلاي دەدى: گۋاڭدۇڭ ــ ەلىمىزدىڭ دامۋىنداعى ماڭىزدى تىرەك، رەفورما جۇرگىزۋدىڭ، قاقپا اشۋدىڭ سەركەسى. بيىلعى كۇردەلى جاعدايدا گۋاڭدۇڭ ولكەسىنىڭ اۋىر مىندەتتى باستاماشىلىقپەن، باتىلدىقپەن ارقالاۋىن ءۇمىت ەتەمىن. ءبىرىنشى، «ەكىدە ورتاشا، جوعارى بولۋدى» جەبەۋدە الدا ءجۇرۋ كەرەك. قۇرىلىمدىق رەفورمانى، اسىرەسە، قامداۋ تۇرىندەگى قۇرىلىمدىق رەفورمانى ءۇرتىس ىلگەرىلەتۋ، اكىمشىلىكتى ىشكەرىلەي ىقشامداپ، ۇقىقتى تومەنگە بەرۋ، ەركىنە جىبەرۋ مەن باسقارۋدى ۇشتاستىرۋ، قىزمەت وتەۋدى جاقسارتىپ، قوعامنىڭ جاسامپازدىعىنا تەجەۋ بولىپ وتىرعان كونە يدەيا جانە كونە كوزقاراستى الاستاپ، حالىقارالىق باسەكە مەن سەلبەستىككە بەلسەنە قاتىناسۋ، رەفورما جۇرگىزىپ، قاقپا اشۋعا سۇيەنە وتىرىپ ەكونوميكانى ورنىقتى، ءبىرشاما تەز دامىتا بەرۋ كەرەك. ەكىنشى، جاڭا ەكونوميكانى زور كۇشپەن دامىتۋ كەرەك. الەۋمەتتىڭ يگىلىك، جاڭالىق جاراتۋ تەكشەسىن قۇرىپ، ءبىرىنشى، ەكىنشى، ءۇشىنشى كاسىپتەردى شارپىعان جاڭا تەحنيكانى، جاڭا كاسىپ كۇيىن، جاڭا ۇلگىدەگى ارتۋدى جەبەپ، جەتەرسىزدىكتى تولىقتاۋدى جانە ءداستۇرلى كاسىپتەردىڭ دارەجەسىن جوعارىلاتۋدى توڭىرەكتەي وتىرىپ قارجىنىڭ ءونىمدى قوسىلۋىن كەڭەيتۋ، ادام كۇشى، دارىندىلار بايلىعىنا بارىنشا سۇيەنىپ جاڭا، كونە قوزعاۋشى كۇشتىڭ الماسۋىن جەبەۋ كەرەك. ءۇشىنشى، رەفورما جۇرگىزىپ، دامۋداعى شىعار ءتۇيىن مەن تياناقتى حالىق تۇرمىسى جاعىنا قويۋ ءىسىن ىشكەرىلەي جاقسى ىستەۋ كەرەك. كاسىپتەنۋدى، اسىرەسە ستۋدەنتتەردىڭ كاسىپتەنۋىن جەبەپ، شارۋا جۇمىسكەرلەردى نەگىزدىك الەۋمەتتىك قىزمەت وتەۋمەن قامداپ، تۇماندى اۋا سياقتى ورتانىڭ لاستانۋىنا عىلميلىقپەن ويداعىداي توتەپ بەرىپ، حالىقتىڭ دەنساۋلىق ساپاسىن جوعارىلاتۋ كەرەك.
ليۋ يۇنشان حاينان ۋاكىلدەر ۇيىرمەسىنىڭ باياندامانى قاراۋىنا قاتىناستى. لو باۋميڭ، ليۋ شىگۇي، فۋ شيڭ قاتارلى ۋاكىلدەردىڭ ءسوزىن تىڭداعان سوڭ ليۋ يۇنشان بىلاي دەدى: «13 – بەس جىلدىق» كۇرەس نىساناسىن ىسكە اسىرىپ، جاپپاي دوڭگەلەك داۋلەتتى قوعام قۇرۋدا رۋحاني وركەنيەت قۇرىلىسى كەم بولسا بولمايدى، زاتتىق وركەنيەت پەن رۋحاني وركەنيەتتى سايكەستى دامىتۋ كەرەك. سوتسياليستىك وزەكتى قۇن كوزقاراسىن قۇرىلىسىن ىشكەرىلەي ىلگەرىلەتىپ، وتانشىلدىق رۋحتى زور كۇشپەن اسقاقتاتىپ، مادەنيەتپەن ادام تاربيەلەۋگە، وتباسى ستيلى، كاسىپ ستيلى، مەكتەپ ستيلى قۇرىلىسى جانە مادەنيەتتى ساياحاتتاۋ قاتارلىلاردى ءار جاقتاعى قىزمەتكە سىڭىرۋگە ءمان بەرىپ، ادامداردىڭ وزەكتى قۇن كوزقاراسى جونىندەگى سەنىمى مەن ونى امالياتتا بەينەلەۋ قۋاتىن جوعارىلاتۋىنا جەتەكشىلىك ەتۋ كەرەك. حالىقتىڭ ساپاسى مەن قوعامدىق وركەنيەت دارەجەسىن تۇيىندەپ جوعارىلاتىپ، يدەيا - ءمورال قۇرىلىسى مەن قوعامدىق سەنىمدىلىك قۇرىلىسىن كۇشەيتۋ، عىلمي رۋحتى دارىپتەپ، جۇڭحۋا ۇلتتارىنىڭ ءداستۇرلى كوركەم احلاعىن اسقاقتاتۋ، ادامداردىڭ مەملەكەت، زاڭمەن وڭاۋ، قوعامدىق جاۋاپكەرلىك تانىمدارىن كۇشەيتۋىنە جەتەكشىلىك ەتۋ كەرەك. شىنايىلىقتى، اق كوڭىلدىلىكتى، كوركەمدىكتى دارىپتەپ، جالعاندىقتى، پاسىقتىقتى ايىپتاۋ، ادامداردى ادىلدىكتى جاقتاپ، ناقاقشىلىققا قارسى تۇرىپ، العا باسۋعا، اق كوڭىل بولۋعا باستاۋ كەرەك. ەكولوگيالىق وركەنيەتتى بارىنشا جەبەپ، جاسىل، تومەن كومىرتەكتى دامۋ ءتاسىلى مەن تۇرمىس ءتاسىلىن زور كۇشپەن دارىتپەپ، ەكولوگيالىق مادەنيەتكە وسكەلەڭ ءمان بەرەتىن قوعامدىق جاڭا سالتتىڭ قالىپتاسۋىن جەبەۋ كەرەك. ليۋ يۇنشان حايناننىڭ قىزمەتىن تۇراقتاندىرىپ، تىنباي جاڭا ىلگەرىلەۋشىلىككە قول جەتكىزۋىن ءۇمىت ەتتى.
حۋ چۇنحۋا قاتارلىلار باياندامانى قاراۋعا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
