- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاۋ جينالىسى بەيجيڭدە سالتاناتپەن اشىلدى
2016.07.05 15:08 كەلۋ قاينارى : شينجياڭ گازەتى
شي جينپيڭ ماڭىزدى ءسوز سويلەپ مىنانى باسا دارىپتەدى: تاريح بىزگە مىنانى ۇعىندىردى: تاريح پەن حالىقتىڭ تاڭداۋىمەن جۇڭگو كوممۋنيستىك پارتياسى باسشىلىق ەتكەن جۇڭحۋا ۇلتىنىڭ ۇلى گۇلدەنۋ ىستەرى دۇرىس، وعان، ءسوز جوق، ۇزاق ۋاقىت تاباندى بولۋ، مۇلدە اۋىتقىماۋ كەرەك؛ جۇڭگو كوممۋنيستىك پارتياسى جۇڭگو حالقىنا باسشىلىق ەتىپ اشقان جۇڭگوشا سوتسياليزم جولى دۇرىس، وعان، ءسوز جوق، ۇزاق ۋاقىت تاباندى بولۋ، مۇلدە اۋىتقىماۋ كەرەك؛ جۇڭگو كوممۋنيستىك پارتياسى مەن جۇڭگو حالقىنىڭ جۇڭگو توپىراعىنا تامىر تارتىپ، ادامزات وركەنيەتىنىڭ ۇزدىك جەتىستىكتەرىن قابىلداپ، مەملەكەت دامۋىن تاۋەلسىز، دەربەس ىسكە اسىرۋ ستراتەگياسى دۇرىس، وعان، ءسوز جوق، ۇزاق ۋاقىت تاباندى بولۋ، مۇلدە اۋىتقىماۋ كەرەك.
جينالىستى لي كىچياڭ باسقاردى، جاڭ دىجياڭ، يۇي جىڭشىڭ، ۋاڭ چيشان، جاڭ گاۋلي جينالىسقا قاتىناستى ليۋ يۇنشان ماداقتاۋ - سيلاۋ قارارىن وقىدى
شينحۋا اگەنتتىگىنىڭ 1 - شىلدەدە بەيجيڭنەن بەرگەن حابارى. جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاۋ جينالىسى 1 - شىلدە تۇستەن بۇرىن بەيجيڭدەگى حالىق سارايىندا اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەپ مىنانى باسا دارىپتەدى: پارتيامىز 95 جىلدىق تاريحتى باستان وتكەرسە دە، ءبىز پارتيامىز قۇرىلعان ساتتەگى جۇڭگو كوممۋنيستەرىنىڭ كۇرەسكەرلىك رۋحىن ماڭگى ساقتاۋىمىز، حالىققا دەگەن ادال كوڭىلدەن ماڭگى اجىراماۋىمىز كەرەك. قالاي العا تارتساق تا، باسقان ءىزىمىزدى؛ قانشا الىسقا ۇزاپ، قانشا نۇرلى بولاشاققا قادام قويساق تا، باستان وتكەن مەن نە ءۇشىن جولعا شىققانىمىزدى ەستەن شىعارماۋىمىز كەرەك. بولاشاقتى بەتكە الىپ، سىناققا ءدوپ كەلگەندە، بۇكىل پارتياداعى جولداستار، ءسوز جوق، اۋەلگى ماقساتتى ۇمىتپاي، ۇدەرە العا تارتۋى قاجەت.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي جينالىسقا قاتىناستى.
ايبىندى دا ساۋلەتتى حالىق سارايىنىڭ 10 مىڭ ادامدىق زالىندا شىراقتار ساۋلە شاشىپ جارقىراپ تۇر. ءتوراعالار مىنبەسىنىڭ جوعارعى جاعىنا «جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاۋ جينالىسى» دەپ جازىلعان جينالىس بەلگىسى اسىلعان. شىمىلدىقتىڭ ورتاسىنا ىلىنگەن جۇڭگو كوممۋنيستىك پارتياسىنىڭ وراق پەن بالعادان قۇرالعان گەربى 10 نارت قىزىل تۋدىڭ قاق ورتاسىندا شۇعىلا شاشىپ جايناپ تۇر، «1921 − 2016» دەگەن جازۋ ەرەكشە كوز سۇرىندىرەدى. زالدىڭ 2 − قاباتىنداعى كەرمە تۋعا بىلاي دەپ جازىلعان: شي جينپيڭ جولداس باس شۋجي بولعان پارتيا ورتالىق كوميتەتىنىڭ توڭىرەگىندە تىعىز ىنتىماقتاسىپ، ۇدەرە العا ىلگەرىلەپ، ءورىس اشا جاڭالىق جاساپ، پارتيا قۇرىلىسىنىڭ جاڭا ۇلى ينجەنەرياسىن جاپپاي ىلگەرىلەتىپ، «قوس 100 جىلدىق» كۇرەس نىساناسىن، جۇڭحۋا ۇلتىنىڭ ۇلى گۇلدەنۋىندەي جۇڭگو ارمانىن جۇزەگە اسىرۋ جولىندا قۇلشىنا كۇرەسەيىك!
تۇستەن بۇرىن ساعات 10دا لي كىچياڭ جينالىستىڭ باستالعانىن جاريالادى، جينالىسقا قاتىناسۋشىلار تۇگەل ورىندارىنان تۇرىپ، مەملەكەت گيمىنىن اسقاقتاتا شىرقادى.
ليۋ يۇنشان «ج ك پ ورتالىق كوميتەتىنىڭ مەملەكەتتىك تاڭداۋلى پارتيا مۇشەلەرىن، تاڭداۋلى پارتيا ىستەرى قىزمەتكەرلەرىن جانە وزات نەگىزگى ساتى پارتيا ۇيىمدارىن ماداقتاۋ - سيلاۋ جونىندەگى قارارىن» وقىدى. قاراردا مىنالار اتاپ كورسەتىلدى: ج ك پ ورتالىق كوميتەتى جيا ليچۇن باستاعان 100 پارتيا مۇشەسىن، فۋ چيپيڭ باستاعان 100 پارتيا ىستەرى قىزمەتكەرىن، جۇڭگو ينجەنەريالىق فيزيكا اكادەمياسى پارتكومى سياقتى 300 نەگىزگى ساتى پارتيا ۇيىمىن ماداقتاپ − سيلاۋدى، ولارعا جەكە - جەكە «مەملەكەتتىك تاڭداۋلى پارتيا مۇشەسى»، «مەملەكەتتىك تاڭداۋلى پارتيا ىستەرى قىزمەتكەرى» جانە «مەملەكەتتىك وزات نەگىزگى ساتى پارتيا ۇيىمى» اتاعىن بەرۋدى ۇيعاردى.
شاتتىققا تولى مۋزيكا ءۇنى ىشىندە شي جينپيڭ، لي كىچياڭ، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي مەملەكەتتىك تاڭداۋلى پارتيا مۇشەلەرىنىڭ، تاڭداۋلى پارتيا ىستەرى قىزمەتكەرلەرىنىڭ، وزات نەگىزگى ساتى پارتيا ۇيىمدارىنىڭ ۋاكىلدەرىنە سيلىق ۇسىندى.
قىزۋ قول شاپالاق ءۇنى ىشىندە شي جينپيڭ ماڭىزدى ءسوز سويلەدى. ول الدىمەن بىلاي دەدى: بۇگىن ءبىز وسىندا سالتاناتتى جينالىس اشىپ، جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاپ، جۇڭگو كوممۋنيستىك پارتياسىنىڭ جۇڭگو حالقىن ىنتىماقتاستىرىپ جانە باستاپ، تالىقپاي كۇرەس جۇرگىزگەن داڭقتى تاريحىنا قايىرىلا كوز تاستاپ، پارتيا مەن حالىق ىستەرىنىڭ جارقىن دامۋ بولاشاعىنا كوز جىبەرىپ، مەملەكەتتىك تاڭداۋلى پارتيا مۇشەلەرىن، تاڭداۋلى پارتيا ىستەرى قىزمەتكەرلەرىن، وزات نەگىزگى ساتى پارتيا ۇيىمدارىن ماراپاتتاپ، بۇكىل پارتيانى، بۇكىل ەلدەگى ءار ۇلت حالقىن اناعۇرلىم نىق سەنىممەن جاپپاي دوڭگەلەك داۋلەتتى قوعام قۇرۋدىڭ كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا جەڭىسپەن العا باسۋعا جۇمىلدىرىپ وتىرمىز.
شي جينپيڭ مىنانى باسا دارىپتەدى: جۇڭگودا كوممۋنيستىك پارتيانىڭ پايدا بولۋى تەڭدەسسىز ۇلى بۇرىلىس بولدى. وسى تەڭدەسسىز ۇلى بۇرىلىس تاياۋ زاماننان كەيىن جۇڭحۋا ۇلتى دامۋىنىڭ باعىتى مەن ۇردىسىنە، جۇڭگو حالقى مەن جۇڭحۋا ۇلتىنىڭ بولاشاعى مەن تاعدىرىنا، دۇنيە ءجۇزى دامۋىنىڭ باعدارى مەن اۋقىمىنا تەرەڭ وزگەرىس جاسادى. 95 جىلدان بەرگى قۇلاشىن كەڭ جايعان تاريحي ۇدەرىستە، جۇڭگو كوممۋنيستىك پارتياسى حالىقتى بەرىك سۇيەنىش ەتىپ، تار جول، تايعاق كەشۋدەن ءوتىپ، جەڭىستەن − جەڭىسكە جەتىپ، جۇڭحۋا ۇلتىنا ۇلى تاريحي ۇلەس قوستى.
شي جينپيڭ مىنانى اتاپ كورسەتتى: جۇڭگو كوممۋنيستىك پارتياسىنىڭ جۇڭگو حالقىنا باسشىلىق ەتىپ قول جەتكىزگەن ۇلى جەڭىسى 5000 جىلدان اسا وركەنيەت تاريحى بار جۇڭحۋا ۇلتىنىڭ وسىزاماندانۋعا جاپپاي بەت بۇرىپ، جۇڭحۋا وركەنيەتىنىڭ وسىزاماندانۋ ۇدەرىسىندە جاڭا قۋاتتى ومىرشەڭدىك كۇش كورسەتۋىنە مۇمكىندىك تۋدىردى؛ 500 جىلدىق تاريحى بار سوتسياليزم قۋاتتاماسىنىڭ الەمدەگى حالىق سانى ەڭ كوپ مەملەكەتتە اسا جوعارى شىنايىلىق پەن يكەمدىلىككە يە دۇرىس جولدى ءساتتى اشىپ، عىلمي سوتسياليزمنىڭ 21 - عاسىردا جاڭا قۋاتتى ومىرشەڭدىك كۇش كورسەتۋىنە مۇمكىندىك تۋدىردى؛ 60 جىلدان اسا تاريحى بار جاڭا جۇڭگونىڭ كۇللى دۇنيەنىڭ نازارىن اۋدارعان تابىستارعا جەتىپ، الەمدەگى ەڭ ۇلكەن دامۋ ۇستىندەگى مەملەكەت − جۇڭگونىڭ قىسقا عانا 30 نەشە جىلدا كەدەيلىكتەن قۇتىلىپ جانە دۇنيە جۇزىندەگى 2 - ۇلكەن ەكونوميكالىق سۋبيەكتىگە اينالىپ، جەر بەتىنەن جويىلىپ كەتۋ حاۋپىنەن تۇبەگەيلى قۇتىلىپ، ادامزات قوعامىنىڭ دامۋ تاريحىنداعى جەر - الەمدى جالت قاراتقان دامۋ مۇعجيزاسىن ىسكە اسىرىپ، جۇڭحۋا ۇلتىنىڭ جاڭا قۋاتتى ومىرشەڭدىك كۇش كورسەتۋىنە مۇمكىندىك تۋدىردى.
شي جينپيڭ مىنانى باسا دارىپتەدى: تاريح بىزگە مىنانى ۇعىندىردى: تاريح پەن حالىقتىڭ تاڭداۋىمەن جۇڭگو كوممۋنيستىك پارتياسى باسشىلىق ەتكەن جۇڭحۋا ۇلتىنىڭ ۇلى گۇلدەنۋ ىستەرى دۇرىس، وعان، ءسوز جوق، ۇزاق ۋاقىت تاباندى بولۋ، مۇلدە اۋىتقىماۋ كەرەك؛ جۇڭگو كوممۋنيستىك پارتياسى جۇڭگو حالقىنا باسشىلىق ەتىپ اشقان جۇڭگوشا سوتسياليزم جولى دۇرىس، وعان، ءسوز جوق، ۇزاق ۋاقىت تاباندى بولۋ، مۇلدە اۋىتقىماۋ كەرەك؛ جۇڭگو كوممۋنيستىك پارتياسى مەن جۇڭگو حالقىنىڭ جۇڭگو توپىراعىنا تامىر تارتىپ، ادامزات وركەنيەتىنىڭ ۇزدىك جەتىستىكتەرىن قابىلداپ، مەملەكەت دامۋىن تاۋەلسىز، دەربەس ىسكە اسىرۋ ستراتەگياسى دۇرىس، وعان، ءسوز جوق، ۇزاق ۋاقىت تاباندى بولۋ، مۇلدە اۋىتقىماۋ كەرەك.
شي جينپيڭ مىنانى اتاپ كورسەتتى: وتكەن تاريحقا كوز تاستاۋداعى ماقساتىمىز − جەتىستىكتى جۇبانىش ەتۋ دە، ەڭبەگىمىزدى بۇلداپ، تاپ بولعان قيىنشىلىقتار مەن ماسەلەلەردەن جالتارۋعا سىلتاۋ ىزدەۋ دە ەمەس، قايتا تاريحي تاجىريبەلەردى قورىتىندىلاپ، تاريحي زاڭدىلىقتى يگەرىپ، ءورىس اشا العا ىلگەرىلەيتىن باتىلدىق پەن قايراتتى نىعايتۋ.
شي جينپيڭ مىنانى باسا دارىپتەدى: پارتيانىڭ 18 - قۇرىلتايىندا جۇڭگوشا سوتسياليزمگە تاباندى بولۋ جانە ونى دامىتۋ − ۇزاق ءارى اۋىر تاريحي مىندەت، ءسوز جوق، جاڭا تاريحي ەرەكشەلىككە يە ۇلى كۇرەستەر جۇرگىزۋگە دايىن تۇرۋ كەرەك دەپ اتاپ كورسەتىلدى. دەمەك، بۇكىل پارتيا كەلەلى سىناقتارعا توتەپ بەرۋگە، اۋىر قاتەردەن ساقتانۋعا، ۇلكەن كەدەرگىلەردى جەڭۋگە، ەلەۋلى قايشىلىقتاردى شەشۋگە ءارقاشان ساقاداي سايلانىپ، جۇڭگوشا سوتسياليزمگە تاباندى بولىپ جانە ونى دامىتىپ، پارتيانىڭ باسشىلىق مارتەبەسى مەن بيلىك جۇرگىزۋ مارتەبەسىنە تاباندى بولىپ جانە ونى نىعايتىپ، پارتيامىزدى، مەملەكەتىمىزدى، حالقىمىزدى ماڭگىلىك جەڭىستىڭ تورىنە شىعارۋى كەرەك.
شي جينپيڭ بولاشاق، سايىس الدىندا، تۇتاس پارتياداعى جولداستاردىڭ اۋەلگى ماقساتتى ۇمىتپاي، ۇدەرە العا تارتۋى كەرەكتىگىن اتاپ كورسەتتى ءارى اۋەلگى ماقساتتى ۇمىتپاي، ۇدەرە العا تارتۋ جونىندە 8 ءتۇرلى تالاپتى العا قويدى. ءبىرىنشى، اۋەلگى ماقساتتى ۇمىتپاي، ۇدەرە العا تارتۋعا تاباندى بولۋ ءۇشىن، ماركسيزمنىڭ جەتەكشى ورنىنا، ماركسيزمنىڭ نەگىزدىك قاعيداسىن زامانىمىزداعى جۇڭگونىڭ ءىس جۇزىندىگىمەن جانە داۋىرلىك ەرەكشەلىگىمەن تىعىز ۇشتاستىرۋعا تاباندى بولىپ، نازاريادا، امالياتتا جاڭالىق اشۋدى العا ىلگەرىلەتىپ، ماركسيزمنىڭ جۇڭگولانۋىن تىنباي العا جەبەۋ كەرەك. ەكىنشى، اۋەلگى ماقساتتى ۇمىتپاي، ۇدەرە العا تارتۋعا تاباندى بولۋ ءۇشىن پارتيامىز قۇرىلعان كەزدەن باستاپ كوممۋنيزم ءۇشىن، سوتسياليزم ءۇشىن كۇرەس جۇرگىزۋدى ءوزىنىڭ مۇراتى ەتكەنىن ەستەن شىعارماۋىمىز، كوممۋنيزمگە دەگەن ۇلى مۇرات پەن جۇڭگوشا سوتسياليزمگە دەگەن ورتاق مۇراتتى بەكەمدەپ، وسكەلەڭ مۇرات ءۇشىن تىنباي كۇرەس جۇرگىزەتىن ۇلى امالياتتى تىنباي العا ىلگەرىلەتۋىمىز كەرەك. ءۇشىنشى، اۋەلگى ماقساتتى ۇمىتپاي، ۇدەرە العا تارتۋعا تاباندى بولۋ ءۇشىن جۇڭگوشا سوتسياليزم جولىنا دەگەن سەنىمگە، نازارياسىنا دەگەن سەنىمگە، تۇزىمىنە دەگەن سەنىمگە، مادەنيەتكە بولعان سەنىمگە تاباندى بولۋ، پارتيانىڭ نەگىزگى لۋشيانىنا بۇلجىتپاي تاباندى بولۋ، جۇڭگوشا سوتسياليزمنىڭ ۇلى ىستەرىن تىنباي العا ىلگەرىلەتۋ كەرەك. ءتورتىنشى، اۋەلگى ماقساتتى ۇمىتپاي، ۇدەرە العا تارتۋعا تاباندى بولۋ ءۇشىن، «بەستى ءبىر تۇلعالاندىرۋ» تۇلعالىق ورنالاستىرۋىنا تاباندى بولۋ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى العا ىلگەرىلەتۋ، جاپپاي دوڭگەلەك داۋلەتتى قوعام قۇرۋ اياق الىسىن بار كۇشپەن جەبەۋ، «قوس 100 جىلدىق» كۇرەس نىساناسىن جۇزەگە اسىرۋدى تىنباي العا ىلگەرىلەتۋ كەرەك.بەسىنشى، اۋەلگى ماقساتتى ۇمىتپاي، ۇدەرە العا تارتۋعا تاباندى بولۋدا، رەفورما جاساۋ، ەسىك اشۋ تۋىن بۇلجىتپاستان بيىك ۇستاۋعا تاباندى، رەفورمانى جاپپاي تەرەڭدەتۋگە باتىل بولىپ، يدەيانى ونان ارى ازات ەتىپ، قوعامدىق وندىرگىش كۇشتى ونان ارى ازات ەتىپ جانە دامىتىپ، قوعامنىڭ ومىرشەڭدىك كۇشىن ونان ارى ازات ەتىپ جانە كۇشەيتىپ، رەفورما جاساۋ، ەسىك اشۋدى ۇزدىكسىز العا ىلگەرىلەتۋ كەرەك. التىنشى، اۋەلگى ماقساتتى ۇمىتپاي، ۇدەرە العا تارتۋعا تاباندى بولۋدا، پارتيانىڭ تامىرى حالىقتا، پارتيانىڭ كۇشى حالىقتا ەكەنىنە باتىل سەنۋ، بارلىعىن حالىق ءۇشىن ىستەۋگە، بارلىعىندا حالىققا ارقا سۇيەۋگە تاباندى بولىپ، قالىڭ حالىق بۇقاراسىنىڭ بەلسەندىلىگىن، ىرىقتىلىعىن، جاسامپازدىعىن تولىق ساۋلەلەندىرىپ، حالىق بۇقاراسى ءۇشىن باقىت جاراتۋ ىستەرىن ۇزدىكسىز ىلگەرىلەتۋ كەرەك. جەتىنشى، اۋەلگى ماقساتتى ۇمىتپاي، ۇدەرە العا تارتۋعا تاباندى بولۋدا، قاشاندا اۋىتقىماستان بەيبىت دامۋ جولىمەن ءجۇرىپ، ءوزارا پايدالى، تەڭ ۇتاتىن اشىق ستراتەگيا جۇرگىزۋدەن جازباي، ءار ەلمەن دوستىق بارىس - كەلىستى كۇشەيتىپ، ءار ەل حالقىمەن بىرگە ادامزاتتىڭ بەيبىتشىلىگى مەن دامۋىنىڭ ۇلى ىستەرىن ۇزدىكسىز ىلگەرىلەتۋ كەرەك. سەگىزىنشى، اۋەلگى ماقساتتى ۇمىتپاي، ۇدەرە العا تارتۋعا تاباندى بولۋدا، پارتيانىڭ العاباسارلىعى مەن كىرشىكسىزدىگىن ساقتاپ، بيلىك جۇرگىزۋ قابىلەتى مەن باسشىلىق ورەسىن جوعارىلاتۋعا، حاۋىپ - قاتەرگە توتەپ بەرۋ، جەمقورلىققا قارسى تۇرۋ، وزگەرۋدەن ساقتانۋ قابىلەتىن جوعارىلاتۋعا كۇش سالىپ، پارتيا قۇرىلىسىنىڭ جاڭا ۇلى ينجەنەرياسىن ۇزدىكسىز ىلگەرىلەتۋىمىز كەرەك.
شي جينپيڭ مىنانى باسا دارىپتەدى: جۇڭگونىڭ ءىسىن جاقسى ىستەۋدىڭ تەتىگى پارتيادا. جۇڭگوشا سوتسياليزمنىڭ ەڭ ماندىك ەرەكشەلىگى − جۇڭگو كوممۋنيستىك پارتياسىنىڭ باسشىلىعى، جۇڭگوشا سوتسياليستىك ءتۇزىمنىڭ ەڭ زور ابزالدىلىعى − جۇڭگو كوممۋنيستىك پارتياسىنىڭ باسشىلىعى. پارتيانىڭ باسشىلىعىنا تاباندى بولۋ جانە ونى كەمەلدەندىرۋ − پارتيا مەن مەملەكەتتىڭ ءتۇبىرلى مۇددەسىنىڭ تياناعى، جان تامىرىنىڭ تياناعى ءارى بۇكىل ەلىمىزدەگى ءار ۇلت حالقىنىڭ مۇددەسىنىڭ تياناعى، باقىتىنىڭ تياناعى. 88 ميلليوننان استام مۇشەسى، 44 ميلليوننان استام ۇيىمى بار، ءبىر ميلليارد 300 ميلليوننان استام حالقى بار ءىرى ەلگە ۇزاق ۋاقىت بيلىك جۇرگىزگەن پارتيامىز جونىنەن العاندا، پارتيا قۇرىلىسىنىڭ قاتىسى توتەنشە ماڭىزدى، ول جالپى جاعدايعا قوزعاۋشىلىق ەتەدى. پارتيا مەن حالىق ىستەرى دامىپ، قانداي كەزەڭگە جەتسە، پارتيا قۇرىلىسى دا ىلگەرىلەپ، سونداي كەزەڭگە جەتۋى كەرەك. بۇل − پارتيا قۇرىلىسىن كۇشەيتۋدە يگەرۋگە ءتيىستى نەگىزگى زاڭدىلىق.
شي جينپيڭ مىنانى اتاپ كورسەتتى: العاباسارلىق پەن كىرشىكسىزدىك − ماركستىك ساياسي پارتيانىڭ ماندىك سيپاتى، ءبىزدىڭ پارتيا قۇرىلىسىن كۇشەيتۋىمىزدىڭ ءوزى العاباسارلىقتى السىرەتەتىن، كىرشىكسىزدىككە نۇقسان جەتكىزەتىن ماسەلە اتاۋلىعا قارسى كۇرەس جۇرگىزىپ، ىندەتتەردەن ايىقتىرۋ، كىناراتتاردى الاستاۋ، پاكتىكتى، كىرشىكسىزدىكتى ساقتاۋ بولىپ تابىلادى. بۇكىل پارتيا ءوز − وزىنە توڭكەرىس جاسايتىن ساياسي باتىلدىقتا بولا وتىرىپ، پارتيانىڭ وزىندە ورىن تەپكەن ەلەۋلى ماسەلەلەردى شەشۋگە كۇش سالىپ، پارتيانىڭ ءوزىن − ءوزى كىرشىكسىزدەندىرۋ، ءوزىن − ءوزى كەمەلدەندىرۋ، ءوزىن − ءوزى تۇلەتۋ، ءوزىن − ءوزى سومداۋ قابىلەتىن ۇزدىكسىز كۇشەيتىپ، «ءتورت ۇلكەن سىننان» ءوتىپ، «ءتورت ءتۇرلى قاتەردى» جەڭىپ، پارتيانىڭ باستان - اياق جۇڭگوشا سوتسياليزم ىستەرىنىڭ پارمەندى ۇيتقىسى بولۋىن شىنايى قامتاماسىز ەتۋ كەرەك.
شي جينپيڭ مىنانى باسا دارىپتەدى: پارتيانى باسقارۋدا، پارتيانى جونگە سالۋدا، قاتاڭدىقتى، ءسوزسىز، باستى ورىنعا قويىپ، قاتاڭ بولۋ تالابىن جالپى بارىسقا ءسىڭىرىپ، شىنايى باسقارۋ، شىنايى قاتاڭ بولۋ، باسقارۋعا، قاتاڭ بولۋعا باتىلدىق ەتۋ، ۇزاق ۋاقىت باسقارۋ، ۇزاق ۋاقىت قاتاڭ بولۋ كەرەك. ءبىز پارتيانىڭ ىشكى ساياسي تۇرمىسىن كۇشەيتۋدە جانە جۇيەگە تۇسىرۋدە، پارتيانىڭ ساياسي ءتارتىبى مەن ساياسي قاعيداسىن قاتايتۋىمىز، پارتيانىڭ ىشكى ساياسي تۇرمىسىنىڭ ساياسي سيپاتىن، داۋىرلىك سيپاتىن، پرينسيپتىك سيپاتىن، جاۋىنگەرلىك سيپاتىن كۇشەيتىپ، پارتيانىڭ ىشكى ساياسي ەكولوگياسىن جالپى بەتتىك كىرشىكسىزدەندىرۋىمىز كەرەك. ءبىز ستيل قۇرىلىسىن كۇشەيتۋدى ورتالىق كوميتەت ساياسي بيۋروسىنىڭ تۇراقتى كوميتەتىنەن، ورتالىق كوميتەتتىڭ ساياسي بيۋروسىنان، ورتالىق كوميتەتتەن باستاپ يگەرۋىمىز، جوعارى دارەجەلى كادرلاردان باستاپ يگەرۋىمىز، ونى باياندى كۇشەيتۋىمىز، پارتيانىڭ تاڭداۋلى ءداستۇرى مەن ستيلىنە تاباندى بولىپ جانە ونى ساۋلەلەندىرىپ، ۇدايى يگەرۋدەن، ەگجەي - تەگجەيلى يگەرۋدەن، ۇزاق ۋاقىت يگەرۋدەن جازباي، پارتيانىڭ باستان − اياق حالىقپەن تىنىستاس، تاعدىرلاس، تىلەكتەس بولۋىنا شىنايى كەپىلدىك ەتۋىمىز كەرەك. ءبىز قاجىماس ەرىك - جىگەرىمىز بەن قاسيەتىمىزدى ساقتاپ، جەمقورلىققا مۇلدە جول بەرمەۋ پوزيتسيامىزعا دايەكتى تاباندى بولىپ، دەلو بولادى ەكەن، ءسوزسىز، تەكسەرۋىمىز، جەمقورلىق بولادى ەكەن، ءسوزسىز، جازاعا تارتۋىمىز، جەمقورلارعا پارتيا ىشىندە بوي تاسالايتىن ەشقانداي مۇمكىندىك قالدىرماۋىمىز كەرەك. ءبىز ءمورالدى دا قابىلەتتى بولۋعا، ءمورالدى ماڭداي الدى ورىنعا قويۋعا، توڭىرەكتىڭ ءتورت بۇرىشىنان بولۋعا، ىسكەرلەردى مىندەتكە قويۋعا تاباندى بولىپ، كاسىپتى باستى ورىنعا قويۋدان، ءادىل، تۋراشىل بولۋدان جازباي، ادام تاڭداۋ، ادام ىستەتۋ جاعىنداعى بۇرىس ستيلدەردەن قاتاڭ ساقتانىپ جانە ونى تۇزەتىپ، پارتيا مەن حالىققا قاجەتتى جاقسى كادرلاردى دەن قويا باۋلۋىمىز، ولاردى دەر كەزىندە بايقاپ، ۇيلەسىمدى ىستەتە ءبىلۋىمىز كەرەك.
شي جينپيڭ مىنانى اتاپ كورسەتتى: جاستار − وتاننىڭ بولاشاعى، ۇلتتىڭ ءۇمىتى ءارى پارتيامىزدىڭ بولاشاعى جانە ءۇمىتى. بۇكىل پارتيا جاستارعا نازار اۋدارۋى، ولارعا كوڭىل ءبولۋى، قامقورلىق جاساۋى، جاستاردىڭ ۇنىنە قۇلاق اسۋى، جاس دوستاردىڭ سىرلاسى، جاستار قىزمەتىنىڭ ىنتالى قولداۋشىسى، جاستار قاۋىمىنا جول باستاۋشى بولۋى كەرەك. بۇكىل ەلىمىزدەگى جاستار جۇڭگو حالقى مەن جۇڭحۋا ۇلتىنىڭ تاياۋ زاماننان بەرگى قاجىماي - تالماي كۇرەسكەن شۇعىلالى تاريحى مەن ۇلى بارىسىن جەتە ءتۇسىنىپ، جۇڭگو كوممۋنيستىك پارتياسىنا بۇلجىماي ىلەسىپ، ءداۋىردىڭ الدىڭعى لەگىندە باتىلدىقپەن جۇرەتىن اتويشىلاردان، ءورىس اشۋشىلاردان، ۇلەسكەرلەردەن بولىپ، جاستىق ورالىن وتانعا، حالىققا، ۇلتقا ۇلەس قوسۋ جولىندا شۇعىلا شاشتىرۋى كەرەك!
شي جينپيڭ مىنانى باسا دارىپتەدى: 1949 - جىلى 23 - ناۋرىز ءتۇستىڭ الدىندا، پارتيا ورتالىق كوميتەتى شيبايپودان بەيجيڭگە كوشەتىن كەزدە ماۋ زىدۇڭ جولداس: «بۇگىن بەيجيڭگە بارىپ سىناۋ بەرەتىن كۇن» دەگەن ەدى. 60 نەشە جىلدىق اماليات پارتيامىزدىڭ وسى تاريحي سىناۋدا ۇزدىك ناتيجەگە قول جەتكىزگەندىگىن دالەلدەدى. سونىمەن بىرگە بۇل سىناۋ ءالى اياقتاعان جوق، جالعاسىپ كەلەدى. بۇكىل پارتياداعى جولداستار، ءسوز جوق، اۋەلگى ماقساتتى ۇمىتپاي، ۇدەرە العا تارتۋى، كىشى پەيىل، بايسالدى بولۋ، داندايسۋدان، ۇشقالاقتىقتان ساقتانۋ ستيلىن، قاجىرلىلىقپەن كۇرەس جاساۋ ستيلىن ماڭگى ساقتاپ، باتىلدىقپەن وزگەرىس جاساپ، جاڭالىق اشىپ، قاتىپ - سەمۋدەن، توقىراۋدان ماڭگى اۋلاق بولىپ، وسى تاريحي سىناۋدىڭ سۇزگىسىنە توتەپ بەرىپ، تاريحقا، حالىققا تىڭ دا اسا ۇزدىك ناتيجەمەن جاۋاپ بەرۋگە قۇلشىنۋلارى كەرەك!
لي كىچياڭ جينالىستى باسقارعاندا بىلاي دەدى: تۇتاس پارتياداعى جولداستار باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دەن قويا ءتۇسىنىپ، اۋەلگى ماقساتتى ۇمىتپاي، ۇدەرە العا تارتىپ، وزاتتاردى ونەگە ەتىپ جانە ولاردان شابىت الىپ، كوممۋنيستەردە بولۋعا ءتيىستى مۇرات پەن سەنىمدى بەكەمدەۋ، جۇڭگوشا سوتسياليزم جولىنان جازباي، پارتيانىڭ نەگىزگى لۋشيانىنا تاباندى بولىپ، دامۋداعى ماڭداي الدى مىندەتتى ەستە بەرىك ساقتاپ، پارتياعا دەگەن اق نيەت پەن ادالدىقتى جۇڭگوشا سوتسياليزم قۇرۋمەن، بۇكىل ىنتا - پەيىلىمەن حالىق ءۇشىن قىزمەت ىستەۋ ۇلى ىستەرىمەن توعىستىرۋ كەرەك. شي جينپيڭ جولداس باس شۋجي بولعان پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جاۋاپكەرشىلىكتى باتىلدىقپەن ارقالاپ، ناقتى ىستەردى قاجىرلىلىقپەن ىستەپ، قيىندىقتاردى جەڭىپ، قامال الىپ، ەكونوميكانىڭ، قوعامنىڭ باياندى، اقاۋسىز دامۋىن جەبەۋ، «قوس 100 جىلدىق» كۇرەس نىساناسىن جۇزەگە اسىرۋعا، قۇدىرەتتى، دەموكراتيالى، وركەنيەتتى، جاراسىمدى سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىندەي جۇڭگو ارمانىن جۇزەگە اسىرۋعا سۇبەلى دە كەسەك ۇلەس قوسۋ قاجەت.
جينالىس «ينتەرناتسيونال انىمەن» اياقتادى.
ج ك پ ورتالىق كوميتەتىندەگى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، ەڭ جوعارى حالىق سوتى مەكەمەسىندەگى، ەڭ جوعارى حالىق پروكۋراتۋراسىنداعى، مەملەكەتتىك ساياسي كەڭەستەگى، ورتالىق اسكەري ىستەر كوميتەتىندەگى باسشى جولداستار جينالىسقا قاتىناستى.
ورتالىقتاعى پارتيا، ۇكىمەت، ارميا ورىندارىنىڭ، بۇقارالىق ۇيىمداردىڭ جانە بەيجيڭ قالاسىنىڭ نەگىزگى جاۋاپتى جولداستارى، دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، ساقا پارتيا مۇشەلەرىنىڭ، ساقا كادرلاردىڭ ۋاكىلدەرى، ماداقتالىپ − سيلانعان مەملەكەتتىك تاڭداۋلى پارتيا مۇشەلەرىنىڭ، تاڭداۋلى پارتيا ىستەرى قىزمەتكەرلەرىنىڭ جانە وزات نەگىزگى ساتى پارتيا ۇيىمدارىنىڭ ۋاكىلدەرى، جۇڭگودا قىزمەت ىستەيتىن شەتەل ماماندارىنىڭ ۋاكىلدەرى، استاناداعى نەگىزگى ساتى پارتيا مۇشەلەرىنىڭ جانە ءار سالا بۇقارالارىنىڭ ۋاكىلدەرى، ازاتتىق ارميا، قارۋلى ساقشى كوماندير - جاۋىنگەرلەرىنىڭ ۋاكىلدەرىنەن 3000داي ادام جينالىسقا قاتىناستى.
1 - شىلدە كۇنى جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاۋ جينالىسى بەيجيڭدەگى حالىق سارايىندا سالتاناتپەن اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىستا ماڭىزدى ءسوز سويلەدى.
سۋرەتتى شينحۋا اگەنتتىگىنىڭ ءتىلشىسى ليۋ ۋيبيڭ تۇسىرگەن
1 - شىلدە كۇنى جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاۋ جينالىسى بەيجيڭدەگى حالىق سارايىندا سالتاناتپەن اشىلدى. شي جينپيڭ، لي كىچياڭ، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي جينالىسقا قاتىناستى.
سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
