- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءارقانداي قيىنشىلىق الدىندا مۇرات - سەنىمنەن جازباۋ كەرەك
2016.07.05 11:05 كەلۋ قاينارى : شينجياڭ گازەتى
«باس شۋجي پارتيامىز مەيلى وڭتايلى، الدە مۇشكىل حالدە بولسىن، ماركسيزمدىك سەنىمنەن استە اۋىتقىماۋىمىز كەرەك دەدى، بۇل مەنىڭ ءارقانداي قيىنشىلىققا جولىقسام دا تاباندىلىقپەن العا باسۋ سەنىمىمدى اناعۇرلىم بەكەمدەي ءتۇستى». مەملەكەتتىك وزات نەگىزگى ساتى پارتيا ۇيىمىنىڭ ۋاكىلى رەتىندە بەيجيڭگە بارىپ، جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاۋ جينالىسىنا قاتىناسىپ، باس شۋجي شي جينپيڭنىڭ ءسوزىن ەت قۇلاعىمەن ەستىگەن شينجياڭ بەيشين حالىقارالىق ينجەنەريا قۇرىلىسى شەكتى سەرىكتەستىگى ۆەنەسۋەلا رايونى TIUNA (تيۋنا) نىسانى پارتيا ياچەيكاسىنىڭ شۋجيى جۋ چاڭجياڭنىڭ تابىسى قوماقتى دەۋگە كەلەدى.
شينجياڭ بەيشين حالىقارالىق ينجەنەريا قۇرىلىسى شەكتى سەرىكتەستىگى بيڭتۋان قۇرىلىس ونەركاسىبى توبىنا قارايدى، بيڭتۋانداعى شەتەلگە ءبىرشاما ەرتە ءورىس اشقان كاسىپورىن. 10 نەشە جىلدان بەرى، سەرىكتەستىك الجيريا، انگولا، ۆەنەسۋەلا ەلدەرىندە تاماشا اسەر قالدىردى، مۇندا انگولا نىسانى تاعى «شەتەل لۋبان سيلىعىن» ەنشىلەدى، شەتەلدەگى دامۋى باستان - اياق ءساتتى بولىپ كەلگەن - دى، الايدا تاياۋ 2 جىلدان بەرى سەرىكتەستىكتىڭ دامۋى مۇشكىل حالگە دۋشار بولدى.
«دۇنيە ءجۇزى كولەمىندە ەكونوميكا توقىرادى، سەرىكتەستىكتىڭ شەتەلدەگى دامۋى دا مۇشكىل كۇيدە قالدى». سەرىكتەستىك بۇدان كەيىن قالاي دامۋى، كەزەكتەگى ەكونوميكالىق جاعدايعا ۇيلەسە وتىرىپ فورماسىنا قالاي بۇرىلىس جاساۋ، ورنىن قالاي تۇراقتاندىرۋ ماسەلەلەرى ونىڭ باسىن ءبىر مەزەت قاتتى قاتىردى.
«ەلەۋلى سايىستارعا توتەپ بەرۋگە، ەلەۋلى حاۋىپ - قاتەرلەردەن قورعانۋعا، ەلەۋلى قيىنشىلىقتاردى جەڭۋگە، ەلەۋلى قايشىلىقتاردى شەشۋگە قاشاندا دايىن تۇرىپ، جۇڭگوشا سوتسياليزمگە تاباندى بولۋ جانە ونى دامىتۋ، پارتيانىڭ باسشىلىق ورنى مەن بيلىك جۇرگىزۋ ورنىنا تاباندى بولۋ جانە ونى بەكەمدەۋ پارتيامىزدى، ەلىمىزدى، حالقىمىزدى ماڭگىلىك جەڭىسكە جەتكىزەدى». باس شۋجيدىڭ ءسوزى جۋ چاڭجياڭنىڭ سەنىمىن بەكەمدەي ءتۇستى: «سەرىكتەستىكتىڭ دامۋى كەزەكتە ءبىراز قيىنشىلىققا ءدوپ كەلىپ وتىر، الايدا ءبىز بولاشاقتى بەتكە الىپ، سىن - سايىستارمەن بەتپە - بەت كەلىپ، تۇپكى ماقساتىمىزدان جازباي، ءارقانداي قيىنشىلىق الدىندا مۇرات - سەنىمىمىزدى بەكەمدەپ، ءورىس اشا العا ىلگەرىلەيتىن باتىلدىق پەن كۇش - قۋاتتى ارتتىراتىن بولساق، ءسوزسىز، نۇرلى بولاشاققا قول جەتكىزە الامىز».
بەيجيڭنەن ۇرىمجىگە قايتىپ كەلگەننەن كەيىن، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشياننىڭ ءسوزى جۋ چاڭجياڭنىڭ جۇرەگىندەگى العىستى سەزىمىن ءتىپتى كۇشەيتىپ، وتان مەن تۋعان جەرىنە دەگەن ىزگى نيەتىن ارتتىرا ءتۇستى.
«جاڭ شۋجي، قازىر سەندەر ايگىلى ادامعا اينالدىڭدار، شينجياڭنىڭ <وبراز ەلشىسى> بولىپ، شينجياڭدىقتاردىڭ تاماشا وبرازىن ايگىلەۋلەرىڭ كەرەك دەدى». جۋ چاڭجياڭ بىلاي دەدى: باس سەرىكتەستىكتىڭ بيڭتۋان قۇرىلىس توبى ۇرىمجىدە، مەن تۇراتىن بەيشين حالىقارالىق سەرىكتەستىگى بەيجيڭدە، سەرىكتەستىكتىڭ نىساندارى ۆەنەسۋەلادا، مەنىڭ ءۇيىم شىحىزىدا، جىل بويى شار تاراپقا شاپقىلاۋمەن بولامىن. مەن جاڭ چۇنشيان شۋجيدىڭ شينجياڭنىڭ وبراز ەلشىسى بولىڭدار دەگەن ءسوزىنىڭ ءمانىسىن تەرەڭ سەزىنىپ وتىرمىن. «حالىقارادا ءبىز نىسان قىزمەتىن جاقسى ىستەۋمەن بىرگە، شينجياڭدى تۇسىنبەيتىندەرگە مەنىڭ اتا مەكەنىمنىڭ ەرەكشە كوركەم ەكەندىگىن ۇعىندىرا ءتۇسۋىم كەرەك».
«بۇرىندارى شينجياڭنىڭ حابار - وشارلارىن دوستار شەڭبەرىنە ۇنەمى جولداپ تۇراتىنمىن، بۇدان كەيىن شينجياڭدى ۇگىتتەۋگە سانالى تۇردە ات سالىسىپ، شينجياڭنىڭ تابيعات كورىنىستەرىن، گۋمانيتارلىق ورتاسىن، ەكونوميكالىق، قوعامدىق دامۋىن ەل ءىشى - سىرتىنداعى قىزمەتتەستەر، دوستار تەكشەسىنە كوبىرەك جولداپ، كوپشىلىككە اتا مەكەنىمدى كوبىرەك تۇسىندىرەمىن»، − دەدى جۋ چاڭجياڭ.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
