- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كۇرەسكەرلىك رۋحتى ماڭگى ساقتاپ، حالىققا دەگەن ادال كوڭىلدەن ماڭگى اجىراماۋىمىز كەرەك
2016.07.04 15:58 كەلۋ قاينارى : شينجياڭ گازەتى
اۋەلگى ماقساتتى ۇمىتپاعاندا عانا، ناتيجەگە قول جەتكىزۋگە بولادى.
«پارتيامىز 95 جىلدىق تاريحتى باستان وتكەرسە دە ءبىز پارتيامىز قۇرىلعان ساتتەگى جۇڭگو كوممۋنيستەرىنىڭ كۇرەسكەرلىك رۋحىن ماڭگى ساقتاۋىمىز، حالىققا دەگەن ادال كوڭىلدەن ماڭگى اجىراماۋىمىز كەرەك». باس شۋجي شي جينپيڭ جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاۋ جينالىسىندا ماڭىزدى ءسوز سويلەپ، پارتيامىزدىڭ جۇڭحۋا ۇلتىنا قوسقان ۇلى تاريحي ۇلەسىن جوعارى باعالاپ، تاريحتىڭ بىزگە بەرگەن تەرەڭ شابىتىن عىلمي تۇجىرىمداپ، بۇكىل پارتياداعى جولداستاردى تاريحقا قايتا ءۇڭىلۋ ارقىلى ءورىس اشا العا باسۋداعى باتىلدىق پەن كۇش - قۋاتتى ارتتىرىپ، بولاشاقتى بەتكە الۋ بارىسىندا اۋەلگى ماقساتتى ۇمىتپاي، ۇدەرە العا باسۋعا ۇندەدى. ادامدى جەلپىندىرەتىن، العا باسۋعا جەتەلەيتىن وسى ماڭىزدى ءسوز − ماركسيزمنىڭ شۇعىلالى جازبا دەرەگى، جۇڭگو كوممۋنيستىك پارتياسىنىڭ تاريحي بورىشتى ءتىپتى جاقسى ارقالاۋىنا جول كورسەتەتىن ارەكەت قىبلاناماسى.
جۇڭگو كوممۋنيستىك پارتياسى 20 - عاسىردا قۇرىلىپ، «تەڭدەسسىز ۇلى بۇرىلىس» دەپ اتالدى. 95 جىلدان بەرگى قۇلاشىن كەڭ جايعان تاريحي ۇدەرىستە، پارتيامىز 28 جىل ۋاقىت ارقىلى جاڭا دەموكراتيالىق توڭكەرىستى اياقتاتىپ، جاڭا جۇڭگونىڭ ىرگەسىن قالاپ، 1840 - جىلدان بەرگى جۇڭحۋا ۇلتىنىڭ ايانىشتى تاعدىرىن تۇبەگەيلى وزگەرتىپ، جۇڭگونىڭ نەشە مىڭ جىل جالعاسقان فەودالدىق ديكتاتۋرادان حالىق دەموكراتياسىنا قادام تاستاعان زور سەكىرىسىن ىسكە اسىردى؛ سوتسياليستىك توڭكەرىستى ورىنداپ، سوتسياليستىك نەگىزگى ءتۇزىمدى ورناتىپ، جۇڭحۋا ۇلتىنىڭ تاريحىنداعى ەڭ اۋقىمدى ءارى تەرەڭ قوعامدىق وزگەرىستى ىسكە اسىرىپ، توقتاۋسىز قۇلدىراعان جۇڭحۋا ۇلتىنىڭ ءوز تاعدىرىنا تۇبەگەيلى بەت بۇرىس جاساپ، گۇلدەنۋ مەن قۇدىرەتتەنۋگە باياندى قادام تاستاعان ۇلى سەكىرىسىن ىسكە اسىردى؛ رەفورما جاساۋ، ەسىك اشۋ ۇلى توڭكەرىسىن جۇرگىزىپ، جۇڭگوشا سوتسياليزم جولىن اشىپ، نەشە ون جىل ۋاقىتپەن باتىستاعى دامىعان ەلدەر نەشە ءجۇز جىل جۇرگەن جولدى باسىپ، جۇڭگو حالقىنىڭ ەڭسە كوتەرۋدەن اۋقاتتانۋ، قۇدىرەتتەنۋگە قادام تاستاعان زور سەكىرىسىن ىسكە اسىردى. جۇڭگو كوممۋنيستىك پارتياسى «ءۇش ءىرى تاريحي ۇلەس» قوسىپ، «ءۇش رەتكى زور سەكىرىستى» ىسكە اسىرىپ، جۇڭحۋا وركەنيەتىنىڭ وسىزاماندانۋ ۇدەرىسىندە جاڭا قۋاتتى ومىرشەڭدىك كۇش كورسەتۋىنە، عىلمي سوتسياليزمنىڭ 21 - عاسىردا جاڭا قۋاتتى ومىرشەڭدىك كۇش كورسەتۋىنە، جۇڭحۋا ۇلتىنىڭ جاڭا قۋاتتى ومىرشەڭدىك كۇش كورسەتۋىنە مۇمكىندىك تۋدىردى.
تاريح ەڭ جاقسى ۇستاز، ول بىزگە تەرەڭ وي سالدى: تاريح پەن حالىقتىڭ تاڭداۋىمەن جۇڭگو كوممۋنيستىك پارتياسى باسشىلىق ەتكەن جۇڭحۋا ۇلتىنىڭ ۇلى گۇلدەنۋ ىستەرى دۇرىس، وعان، ءسوز جوق، ۇزاق ۋاقىت تاباندى بولۋ، مۇلدە اۋىتقىماۋ كەرەك؛ جۇڭگو كوممۋنيستىك پارتياسى جۇڭگو حالقىنا باسشىلىق ەتىپ اشقان جۇڭگوشا سوتسياليزم جولى دۇرىس، وعان، ءسوز جوق، ۇزاق ۋاقىت تاباندى بولۋ، مۇلدە اۋىتقىماۋ كەرەك؛ جۇڭگو كوممۋنيستىك پارتياسى مەن جۇڭگو حالقىنىڭ جۇڭگو توپىراعىنا تامىر تارتىپ، ادامزات وركەنيەتىنىڭ ۇزدىك جەتىستىكتەرىن قابىلداپ، مەملەكەت دامۋىن تاۋەلسىز، دەربەس ىسكە اسىرۋ ستراتەگياسى دۇرىس، وعان، ءسوز جوق، ۇزاق ۋاقىت تاباندى بولۋ، مۇلدە اۋىتقىماۋ كەرەك. بۇل جۇڭگو كوممۋنيستىك پارتياسىنىڭ 95 جىلدىق ماشاقاتقا تولى شۇعىلالى ۇدەرىسىندە جاسالعان تاريحي قورىتىندى. «ايناعا قاراساڭ ءتۇرىڭدى كورەسىڭ، وتكەنگە قاراساڭ بۇگىندى بىلەسىڭ». تاريحقا قايىرىلا قاراۋداعى ماقساتىمىز − تاريحتان اقىل - پاراسات پەن كۇش - قۋات قابىلداۋ ءۇشىن؛ تاجىريبەلەردى قورىتىندىلاۋداعى ماقساتىمىز − تاريح كورسەتكەن دۇرىس باعىتتى بويلاپ ۇزدىكسىز العا باسۋ ءۇشىن.
تاريح كوشى ءارقانداي تابانسىز، جالتاقوي، سىلبىر، دارمەنسىز جانداردى كۇتپەيدى. جاڭا تاريحي ساپاردا كەلەلى سىناقتارعا توتەپ بەرۋگە، اۋىر قاتەردەن ساقتانۋعا، ۇلكەن كەدەرگىلەردى جەڭۋگە، ەلەۋلى قايشىلىقتاردى شەشۋگە ءارقاشان ساقاداي سايلانۋدىڭ تەتىگى كۇرەسكەرلىك رۋحتى ماڭگى ساقتاپ، حالىققا دەگەن ادال كوڭىلدەن ماڭگى اجىراماي، باسقان ءىزىمىزدى، باستان وتكەن كۇندەرىمىزدى، نە ءۇشىن جولعا شىققانىمىزدى ەستەن شىعارماۋىمىز كەرەكتىگىندە. باس شۋجي شي جينپيڭ اۋەلگى ماقساتتى ۇمىتپاي، ۇدەرە العا باسۋدى العا قويدى. «سەگىز جاقتاعى تالاپ» جەتەكشى يدەيا، مۇرات - سەنىم، باعىت، جول، مەملەكەتتى، پارتيانى جونگە سالۋ، ىشكى ىستەر مەن ديپلوماتيا سياقتى كوپتەگەن سالالارعا سايادى، مازمۇنى باي، ءمانى تەرەڭ، پارتيا قۇرىلعان كەزدەگى جۇڭگو كوممۋنيستەرىنىڭ سول ءبىر كۇرەس رۋحىمەن، پارتيامىزدىڭ حالىققا دەگەن باستان - اياق وزگەرمەيتىن ادال كوڭىلمەن ساباقتاسقان. وسى كۇرەس رۋحىن ماڭگى ساقتاپ، ماقساتتان اينىماي كۇرەسكەندە عانا، پارتيا ىستەرى جەڭىستەن - جەڭىسكە جەتە بەرەدى؛ ادال كوڭىلدەن ماڭگى اجىراماي، حالىقتى باقىتقا كەنەلتكەندە عانا، پارتيامىزدى ماڭگىلىك جەڭىستىڭ تورىنە شىعارا الامىز.
1949 - جىلى ماۋ زىدۇڭ جولداس «بەيجيڭگە بارىپ سىناۋ بەرەتىن كۇن» تاقىرىبىن العا قويدى. تاريح پارتيامىزدىڭ وسى تاريحي سىناۋدا ۇزدىك ناتيجەگە قول جەتكىزگەندىگىن دالەلدەدى. ءبىراق بۇل سىناۋ ءالى اياقتاعان جوق، جالعاسىپ كەلەدى. كۇرەسكەرلىك رۋحىن ماڭگى ساقتاپ، حالىققا دەگەن ادال كوڭىلدەن ماڭگى اجىراماي، «كىشى پەيىلدىلىك، بايىپتىلىق، داندايسىماۋ، ۇشقالاقتىققا سالىنباۋ ستيلىن ساقتاۋ، قاجىرلىلىقپەن كۇرەس جۇرگىزۋ ستيلىن ۇزدىكسىز ساقتاۋ» تالابىن ەسىمىزدە بەرىك ساقتاپ، باستان - اياق ەرلىكپەن العا باسقاندا عانا، تاريحقا، حالىققا تىڭ دا اسا ۇزدىك ناتيجەمەن جاۋاپ بەرەتىن بولامىز!
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
