- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
پارتيانىڭ ومىرشەڭدىك كۇشىن ماڭگى ساقتايىق
− جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قىزۋ قۇتتىقتايمىز
2016.07.04 10:27 كەلۋ قاينارى : شينجياڭ گازەتى
تاريح سان ميلليونداعان ادامنىڭ توقتاۋسىز كۇرەسىمەن سومدالادى. بۇگىن پارتيامىزدىڭ قۇرىلعاندىعىنا 95 جىل تولدى. 95 جىلدىق الاۋلى كەزەڭ ارتتا قالعانىمەن بىزدەگى اسقاق مۇرات، ۇلى سەنىم ۋاقىتتىڭ وتۋىمەن ەسكىرگەن ەمەس، بۇگىنگى دۇنيەدەگى ەڭ كولەمدى بيلىك باسىنداعى پارتيا ۇزاق ۋاقىت بويىندا ايرىقشا تاباندىلىق كورسەتىپ، ومىرشەڭدىك كۇشىن بارىنشا تاسقىنداتا ءتۇستى.
تايحاڭشان تاۋىنداعى جاڭا يۇي گۇڭ − لي باۋگو «بۇقارانىڭ كەدەيلىككە كىرىپتار بولۋىنا ءتوزىپ تۇرا الماي»، اۋىلداستاردىڭ قيىنشىلىق قىسپاعىنان قۇتىلۋى ءۇشىن وزىندەگىنىڭ ءبارىن ارنادى؛ ءداۋىردىڭ ۇلگىسى زوۋ بيحۋا «شىراقشى» بولىپ، «جانىمىزدا جۇرگەن مۇرات - سەنىم» دەگەن ات الدى؛ اۆياتسيا ىستەرىندەگى قاھارمان ۇلگى لو ياڭ «سوعىس ۇشاعىن ومىرىمەن اماناتتاپ»، قارا تۇياعىنان حال كەتكەنشە كۇرەس جۇرگىزدى... ارادا زۋلاپ 95 جىل وتە شىقتى، ۇزاق جورىقتىڭ قاندى سوعىسى، جاپون شاپقىنشىلارىنا قارسى سوعىستىڭ ىس - تۇتەگى، ەندىگىدە دامۋ جونىندەگى ىزدەنىسكە، رەفورمادان قامال الۋعا اينالدى. لي داجاۋ، فاڭ جىمين، جياۋ يۇيلۋ، گۋ ۋىنچاڭداردىڭ كوكەيىندەگى وشپەس ۇشقىن، سونبەس الاۋ، جاڭا ۇرپاق ادامداردىڭ ءون - بويىندا شەشەك اتتى. سان - ساناقسىز كوممۋنيستەر تالىقپاي تالپىنۋ مەن باتىل ارەكەت ارقىلى ءداۋىردىڭ رۋحاني اسقار بيىگىن سومداپ، حالىقتىڭ ساياسي پارتياسىنىڭ قۇدىرەتتى كۇش - قۋاتىن ۇيىستىردى.
جۇڭگو كوممۋنيستىك پارتياسى مەن جۇڭحۋا ۇلتىنىڭ بولاشاق تاعدىرى تىعىز توعىستى. 95 جىلدىڭ الدىندا جۇڭگو كوممۋنيستەرى ۇلتتىڭ باسىنا قارا بۇلت ۇيىرىلگەن قيىنشىلىق قىسپاعىنان ساپارىن باستاپ، جۇڭگو حالقىن باقىتقا باستايتىن، جۇڭحۋا ۇلتىن گۇلدەنىپ - كوركەيۋگە جەتەلەيتىن شۇعىلالى جول جونىندە ىزدەنىس جاسادى. 95 جىلدىق شۇعىلالى كەزەڭدە جۇڭحۋا پەرزەنتتەرى پارتيانىڭ باسشىلىعىندا قۇدىرەتتى، دەموكراتيالى، وركەنيەتتى، جاراسىمدى شۇعىلالى بولاشاقتى اشتى. مەملەكەتتى كوركەيتۋ جولىندا 67 جىل تىنباي قۇلشىنىپ، قورلىق - زورلىقتى جەتىسىنشە تارتقان مەملەكەتتى دامۋدىڭ داڭعىل جولىنا، سارا جولىنا ءتۇسىردى. 38 جىلدىق رەفورما جاساۋ، ەسىك اشۋ بارىسىندا ءبىز ۇلتتىڭ كوركەيۋىنە ساياتىن ۇلى ارمانعا ەجەلدەن تارتىپ وسىنشالىق جاقىنداپ كورگەن ەمەسپىز. جۇڭگو كوممۋنيستىك پارتياسى وسى بايىرعى ءارى ىرىستى ولكەدە حالىقتى ىنتىماقتاستىرا باستاپ، ادامزات دامۋ تاريحىنىڭ شۇعىلالى جىر داستانىن جازدى، ومىرشەڭدىك كۇشى تاسقىنداعان سوتسياليستىك جۇڭگو دۇنيەنىڭ شىعىسىندا ەڭسە كوتەردى. تاريح جۇڭگونى تەك جۇڭگو كوممۋنيستىك پارتياسى عانا قۇتقارا الاتىندىعىن؛ جۇڭگونىڭ تەك جۇڭگو كوممۋنيستىك پارتياسىنىڭ ارقاسىندا عانا داميتىندىعىن تولىق دالەلدەدى.
جاقسىلىق پەن جاماندىق قاشاندا ەگىز، بەيبىت كۇندە دە بەيعام بولماۋ كەرەك. بۇگىن دە 88 ميلليوننان استام پارتيا مۇشەسى بار، 67 جىلعا جۋىق ۋاقىت بيلىك جۇرگىزگەن جۇڭگو كوممۋنيستىك پارتياسى العاش قۇرىلعان كەزدەگى كۇشى ءالسىز كىشكەنە پارتيا ەمەس. الايدا پارتيامىز باستان − اياق كۇشتى تاۋقىمەت تانىمىمەن ءوزىن ساقتاندىرىپ، وزىنە - ءوزى قۋزاۋ سالىپ كەلەدى. «ءتورت ۇلكەن سىناققا»، «ءتورت ءتۇرلى قاتەرگە» تىكە بەت كەلدى. پارتيانىڭ 18 - قۇرىلتايىنان بەرى، پارتيامىز پارتيانى جاپپاي، قاتاڭ جونگە سالۋدى «ءتورتتى جاپپاي ورىنداۋ» ستراتەگيالىق ورنالاستىرۋىنىڭ كولەمىنە ەنگىزىپ، پارتيا ىشىندەگى ساياسي تۇرمىستى قاتايتۋدى، پارتيا ىشىندەگى ساياسي ەكولوگيانى تازارتۋدى اناعۇرلىم كورنەكتى ورىنعا قويا وتىرىپ مىقتى يگەردى. مۇرات سەنىم تاربيەسى ارقىلى رۋحاني جاقتان بەكەمدەپ، قاتاڭ ساياسي ءتارتىپ ارقىلى بۇكىل پارتيانىڭ ەرىك جىگەرىن بىرلىككە كەلتىرىپ، جەمقورلىقتى باتىل جازالاۋ ارقىلى تۇلعانىڭ اقاۋسىزدىعىن ساقتاپ، ستيل قۇرىلىسىن مىقتى يگەرۋ ارقىلى تاماشا وبراز سومداپ، ءبىر قىدىرۋ پارمەندى ارەكەتتەر ارقىلى عاسىرلىق ۇزاق تاريحى بار پارتيامىزعا تىڭ ومىرشەڭدىك كۇش قوسىپ، رەفورما جاساۋ، ەسىك اشۋدى تەرەڭدەتۋدى، جۇڭگوشا سوتسياليزم ىستەرىن العا ىلگەرىلەتۋدى پارمەندى قامتاماسىزداندىردى.
بۇگىنگى جۇڭگو تاعى ءبىر بيىك بەلەسكە باستايتىن سىن - سايىسقا تولى جولدا ۇدەرە العا تارتىپ كەلەدى. پارتيامىزدىڭ قۇرىلعاندىعىنا 100 جىل تولعاندا ءبىز العاشقى 100 جىلدىق كۇرەس نىسانامىزدى جۇزەگە اسىرىپ، جاپپاي دوڭگەلەك داۋلەتتى قوعام قۇرامىز. ءبىر ۇلتتىڭ گۇلدەنىپ - كوركەيۋى مەن ءبىر ساياسي پارتيانىڭ دامۋى ءبىر عاسىردى اتتاعان تاعدىرلاس كۇيدى قالىپتاستىردى. 100 جىلدىق ساياسي پارتيانىڭ كۇش - قۋاتىن تاسقىنداتىپ، ۇلتتىڭ گۇلدەنۋ ىستەرىن العا ىلگەرىلەتۋ ءبىز سياقتى وسى داۋىردەگى كوممۋنيستەردىڭ تاريحي بورىشى. ەكونوميكالىق دامۋدىڭ جاڭا قالىبىنا جەتەكشىلىك ەتۋ، رەفورما جولىنداعى توسقىندىقتاردى الاستاۋ، جاسامپازدىقتىڭ ومىرشەڭدىك كۇشىن تاسقىنداتۋ سياقتىلاردىڭ قاي − قايسىسى دا وڭاي وسپاق ىستەر ەمەس. مىنە وسىنداي بولعان سايىن اناعۇرلىم قۇدىرەتتى، پارمەندى باسشىلىق ۇيتقىنى سومداپ، حالىق ساياسي پارتياسىنىڭ ومىرشەڭدىك كۇشىن ماڭگى ساقتاۋ، بولاشاققا جول تارتاتىن وراسان زور كۇشتى قوزداتۋ كەرەك.
بولاشاققا ساپار شەگۋ بارىسىندا، ءسوز جوق، سەنىمگە سەلكەۋ تۇسىرمەۋ، اۋەلگى ماقساتتى ەستەن شىعارماۋ، ءارقانداي سىننان سۇرىنبەي وتە الاتىن رۋحاني تىرەكتى سومداۋ كەرەك. جۇڭحۋا ۇلتىنىڭ ءبىر عاسىرعا تاياۋ ۋاقىتتان بەرگى قارىشتاپ دامۋ تاريحى كوممۋنيزم مۇراتىنىڭ بايتاق شىعىستىڭ ۇلى دالاسىندا امالياتتا ايگىلەنۋ بارىسى بولىپ تابىلادى. مىنە ءدال وسىنداي سەنىم تۋىنىڭ استىنا ۇيىسقان نەشە ۇرپاق كوممۋنيستەر جاندارىن شۇپەرەككە ءتۇيىپ، ءولىمدى ەلەڭ − قۇرلى كورمەي، كوپتىڭ عانا قامىن جەپ، ءوز مۇددەسىن ەستەرىنە دە الماي، حالقى تورعايداي توزعان مەملەكەتتى تاۋەلسىزدىككە، قۇدىرەتتەنۋگە باستادى. «مۇرات - سەنىمنىڭ تۇرلاۋسىزدىعى − ەڭ قاتەرلى تۇرلاۋسىزدىق، مۇرات - سەنىمنىڭ قۇلدىراۋى ەڭ حاۋىپتى − قۇلدىراۋ». باس شۋجي شي جينپيڭ: ماركسيزمگە دەگەن سەنىم، سوتسياليزم مەن كوممۋنيزمگە دەگەن سەنىم، كوممۋنيستەردىڭ ساياسي جان دۇنيەسى، مۇرات - سەنىم كوممۋنيستەردىڭ رۋحاني «كالتسيى»، - دەپ تالاي رەت باسا دارىپتەگەن ەدى. ساياسيدا تۇراقتىلىققا، سەنىمدە تياناقتىلىققا كەپىلدىك ەتىپ، جان دۇنيەنىڭ تەرەڭ تۇكپىرىندەگى ۇلى كۇشتى قوزداتىپ، مۇرات − سەنىمدى ءىس جۇزىندىك ءىس ارەكەت ارقىلى امالياتتا ايگىلەگەندە عانا پارتيامىز قۇدىرەتتى اقيقاتتىڭ كۇشى مەن ادامگەرشىلىك ءمورالدىڭ كۇشىن ازىرلەپ، مەملەكەتتى قۇدىرەتتەندىرۋگە، ۇلتتى كوركەيتۋگە، حالىقتى باي - باقىتتى تۇرمىسقا كەنەلتۋگە اناعۇرلىم زور ۇلەس قوسۋعا بولادى.
بولاشاققا ساپار شەگۋ بارىسىندا، ءسوز جوق، حالىق اراسىنا تەرەڭ تامىر تارتۋ، ىنتىماقتاسا كۇرەس جاساۋ، ءومىر مەن ءولىم ارپالىسىن حالىق جۇرتشىلىعىمەن بىرگە وتكەرەتىن ەتەنە بايلانىستى بەرىك سومداۋ كەرەك. «ەڭ سوڭعى ءبىر كەز بۇلمەنەن اسكەري كيىم تىگەمىن، ەڭ سوڭعى ءبىر شىنى كۇرىشتى اسكەري ازىق ەتەمىن، ەڭ سوڭعى ماقتا كورپەمەن ايقارا جاۋىپ زۋزانى، ەڭ سوڭعى باۋىر ەتىم بالامدى شايقاسقا جونەلتەمىن». ءوز كەزىندەگى وسى جىر سان ميلليونداعان حالىقتىڭ كوممۋنيستىك پارتيانىڭ سوڭىنان ءبىر نيەت، ءبىر تىلەكپەن قالاي ەرگەنىنە كۋا بولىپ، مەملەكەتتىڭ تىڭ تىرشىلىك تىنىسىنا باستاۋ بولدى. حالىقتىڭ قولداۋ - قولداماۋى پارتيانىڭ ءومىر ءسۇرۋى مەن قۇرىپ - جوعالۋىنا بارىپ سايادى.بۇگىن دە بۇكىل ىنتا − پەيىلمەن حالىق ءۇشىن قىزمەت ىستەۋ ءالى دە پارتيامىزدىڭ ءارقانداي قىزمەتىنىڭ شىعار ءتۇيىنى جانە تابان تىرەر تياناعى بولىپ تابىلادى؛ پارتيانىڭ حالىق جۇرتشىلىعىمەن ەتەنە بايلانىسىن ساقتاۋ ءالى دە ۇزاق ۋاقىتتى باستان وتكەرسە دە شىت جاڭا، ماڭگىلىك تاقىرىپ سانالادى. اۋەلگى ماقساتتى ەستەن شىعارماي، باستان − اياق تاباندىلىقتى ساقتاۋ كەرەك. «حالىقپەن كوڭىلدەردى توعىستىرۋ، حالىقپەن بەينەتتە دە، زەينەتتە دە بىرگە بولۋ، حالىقپەن بىرگە ىنتىماقتاسا كۇرەس جاساۋ» سىندى ايبىندى ۋادەنى ەستە بەرىك ساقتاپ، حالىقتى ۇيتقى ەتكەن دامۋ يدەياسىن تياناقتاندىرىپ، حالىقپەن باستان − اياق جۇرەكتەس، تىنىستاس، تاعدىرلاس بولىپ، حالىققا باستان - اياق سۇيەنە وتىرىپ تاريحتى العا ىلگەرىلەتكەندە عانا پارتيامىز قۇرىشتاي بەرىك، بولاتتاي بەكەم بولا الادى.
بولاشاققا ساپار شەگۋ بارىسىندا، ءسوز جوق، پارتيانى قاتاڭ جونگە سالۋ، پارتيانى نىعايتۋ، پارتيانى كوركەيتۋ، پارتيانىڭ باستان − اياق جۇڭگوشا سوتسياليزم ىستەرىنىڭ قۇدىرەتتى باسشىلىق ۇيتقىسى بولۋىنا شىنايى كەپىلدىك ەتۋ كەرەك. پارتيانىڭ 95 جىلدىق دامۋ تاريحى بىزگە پارتيامىز قاي كەزدە ومىرشەڭدىك كۇشكە باي بولسا ۇلتتىڭ بولاشاعىنان ۇلكەن - ۇلكەن ۇمىتتەر كۇتۋگە بولاتىنىن؛ پارتيامىز قاي كەزدە قۇدىرەتتى ءارى پارمەندى بولسا مەملەكەتتىڭ گۇلدەنىپ - كوركەيىپ، داميتىنىن ايقىن ۇعىندىرىپ بەردى. «تەمىردى سوعۋ ءۇشىن تەمىردەن دە قاتتى بولۋ كەرەك». بۇل − پارتيامىزدىڭ ايبىندى ۋادەسى، پارتيانى جاپپاي، قاتاڭ جونگە سالۋ ءبىز بەرگەن اسكەري سەرت. ءدال قازىر دابىرالى ورىستەتىلىپ جاتقان «ەكىنى ۇيرەنۋ، ءبىر بولۋ» ۇيرەنۋ - تاربيەسى پارتيانى باسقارۋ، پارتيانى جونگە سالۋدى پارتيا مۇشەلەرىنە دەيىن كەڭەيتتى، مۇندا پارتيا مۇشەلەرىنىڭ سەنىمىن نىعايتۋ، بۇكىل پارتيانىڭ يدەيادا، ساياسيدا، ارەكەتتە شي جينپيڭ جولداس باس شۋجي بولعان پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك. دۇنيە ءجۇزى دامۋىنىڭ تىڭ جاعدايى، جاپپاي دوڭگەلەك داۋلەتتى قوعام قۇرۋدىڭ سونى مىندەتى، ەكونوميكالىق دامۋدىڭ جاڭا قالىبى الدىندا ءبىز، ءسوز جوق، پارتيانىڭ ءوز قۇرىلىسى مەن مەملەكەتتىڭ رەفورما، دامۋ ىستەرىن باستان − اياق تىعىز بايلانىستىرۋىمىز، پارتيا مەن حالىققا پايدالى ىستەردى باتىل، پارمەندى، تيتتەي دە كەشەۋىلدەتپەي تىڭعىلىقتى جاقسى ىستەۋىمىز؛ پارتيا مەن حالىققا پايداسىز ىستەردى، باتىل، تۇبەگەيلى، تيتتەي دە كەشەۋىلدەتپەي وزگەرتۋىمىز، تۇزەتۋىمىز، جاڭا تانىم، سونى يدەيا، تىڭ ستراتەگيالار ارقىلى ەل باسقارۋ، بيلىك جۇرگىزۋدىڭ تىڭ جاعدايىن اشۋىمىز كەرەك.
ادىلەتتىڭ اق جولىنا ەشنارسە توسقىندىق ەتە المايدى، كۇرەسكەردىڭ قادامى ماڭگى باقي توقتالمايدى. ارادا اتتاي جەلىپ 95 جىل ءوتتى، تەلەگەي تەڭىز ارماندار ءبىزدى العا شاقىرادى، ءبىز تەك كوممۋنيزمگە دەگەن بەرىك سەنىمگە، حالىق ءۇشىن قىزمەت ەتۋ سىندى نەگىزگى ماقساتقا باستان − اياق تاباندى بولساق، بيىكتەن − بيىككە ورلەۋدىڭ قوزعاۋشى كۇشىن ساقتاي الساق بولعانى، پارتيامىز، ءسوز جوق، ومىرشەڭدىك كۇشىن ماڭگى ساقتاپ، جۇڭگو ارمانىنىڭ شۇعىلالى داستانىن جازاتىن بولادى.
(شينحۋا اگەنتتىگىنىڭ 30 - ماۋسىمدا بەيجيڭنەن بەرگەن حابارى)
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
