- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوننىڭ مەديتسينالىق رەفورما قىزمەتى جونىندەگى تەلەۆيزور - تەلەفون ءماجىلىسى اشىلدى
2016.06.03 11:15 كەلۋ قاينارى : شينجياڭ گازەتى
اۆتونوميالى رايوننىڭ 2016 - جىلعى مەديتسينالىق رەفورما قىزمەتى جونىندەگى تەلەۆيزور - تەلەفون ءماجىلىسى 27 - مامىر كۇنى اشىلدى، ماجىلىستە بيىلعى مەديتسينالىق رەفورما قىزمەتىندەگى 9 ءتۇيىندى مىندەت ورنالاستىرىلدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى، اۆتونوميالى رايوندىق مەديتسينالىق رەفورماعا باسشىلىق ەتۋ گرۋپپاسىنىڭ باستىعى حۋاڭ ۋي ماجىلىسكە قاتىناستى ءارى ءسوز سويلەدى، ءماجىلىستى اۆتونوميالى رايوننىڭ ورىنباسار ءتوراعاسى تيان ۋىن باسقاردى.
اۆتونوميالى رايوننىڭ 2016 - جىلعى مەديتسينالىق رەفورما قىزمەتىندەگى ءتۇيىندى مىندەتتەر: ۇكىمەت شيپاحانالارى رەفورماسىن جاپپاي تەرەڭدەتۋ، دارەجەلەر بويىنشا دياگنوز قويۋ جانە ەمدەۋ جۇيەسىنىڭ ورناۋىن ىلگەرىلەتۋ، جالپى حالىقتىق مەديتسينالىق قامتاماسىزداندىرۋ جۇيەسىنىڭ قۇرىلىسىن بەكەمدەۋ جانە مۇلتىكسىزدەندىرۋ، ءدارى - دارمەكپەن قامتاماسىز ەتۋ مەحانيزمىن جەتىلدىرۋ، باقىلاۋ - باسقارۋ جۇيەسىن نىعايتۋ، دارىندىلار قوسىنىن كۇشەيتۋ، نەگىزگى الەۋمەتتىك مەديتسينالىق قىزمەت كورسەتۋدى تەڭگەرۋ، دەنساۋلىق ساقتاۋ ءىسىن ينفورماتسيالاندىرۋ قۇرىلىسىن ىلگەرىلەتۋ جانە گيگەنيالىق قىزمەت كورسەتۋدى جەدەلدەتۋ، ت.ب. بيىل اۆتونوميالى رايونىمىز مەديتسينالىق ساقتاندىرۋدى تۇراقتى، تياناقتى تۇردە قارجىلاندىرۋ جانە قامتاماسىز ەتۋ مەحانيزمىن ورناتۋدى ىلگەرىلەتەدى. نەگىزگى مەديتسينالىق قامتاماسىزداندىرۋمەن قامتىلۋ مولشەرى %95تىڭ ۇستىندە تۇراقتاندىرىلىپ، قالا، اۋىل تۇرعىندارىن مەديتسينالىق قامتاماسىزداندىرۋ بويىنشا ۇكىمەتتەن كىسى باسىنا بەرىلەتىن جاردەماقىنىڭ ورتاشا ولشەمى 420 يۋانعا كوتەرىلەدى. سونىمەن بىرگە، نەگىزگى مەديتسينالىق قامتاماسىزداندىرۋ بويىنشا باسقا جەردە ەسەپ ايىرىسۋ، وزگە ولكە، باسقا جەرگە ورنالاسقان زەينەتكەرلەردىڭ اۋرۋحانا شىعىندارىن توتە ەسەپتەن كوتەرۋ قادامى جەدەلدەتىلەدى. سالماقتى اۋرۋلاردى قامسىزداندىرۋدىڭ تولىق قامتىمى ىسكە اسىرىلىپ، قاتىستى ساياساتتار، ايتالىق، تىركەلگەن، كارتالانعان كەدەي، مۇقتاج جانداردى، بەستە قامسىزداندىرىلاتىن، قامقورلىق جاسالاتىن وبيەكتىلەردى جانە ەڭ تومەنگى تۇرمىس دەڭگەيى قامتاماسىزداندىرىلاتىن ادامداردى قامتىعان قالا، اۋىلدارداعى كەدەي، مۇقتاج جاندارعا بەيىمدەلگەن تولەم ساياساتى جەتىلدىرىلىپ، جالپى حالىقتىق مەديتسينالىق قامتاماسىزداندىرۋ جۇيەسى بەكەمدەلەدى جانە مۇلتىكسىزدەندىرىلەدى.
حۋاڭ ۋي مىنانى تالاپ ەتتى: اۆتونوميالى رايونىمىزدىڭ بيىلعى مەديتسينالىق رەفورما قىزمەتىندە شيپاحانا باسقارۋدىڭ زامانعا لايىق جۇيەسىن ورناتۋدى ءتۇيىن ەتىپ، ۇكىمەت شيپاحانالارى رەفورماسىن جەدەل جۇرگىزۋ؛ دارەجە بويىنشا دياگنوز قويۋ مەن ەمدەۋ جۇيەسىن ورناتۋدى تۇتقا ەتىپ، ەمدەۋ - دەنساۋلىق ساقتاۋ بايلىقتارىنىڭ ساپالى جايعاسۋىن ورنىقتى تۇردە ىلگەرىلەتۋ؛ ەمدەۋ، مەديتسينالىق قامتاماسىزداندىرۋ، ءدارى - دارمەك جۇيەسىنىڭ ىقپالداستىعى مەن سايكەستىگىن نەگىزگى جول ەتىپ، ءدارى - دارمەك جانە مەديتسينالىق قىزمەت كورسەتۋ باعاسىن جەدەل رەتكە سالۋ؛ مەديتسينالىق قامتاماسىزداندىرۋ بويىنشا تولەم تاسىلىنە تەرەڭ رەفورما جاساۋدى ءتۇيىن ەتىپ، جالپى حالىقتىق مەديتسينالىق قامتاماسىزداندىرۋ جۇيەسىن جەدەل ورناتۋ؛ اۆتونوميالى رايوننىڭ «13 - بەسجىلدىق» مەديتسينالىق رەفورما جوباسىن ويداعىداي دايىنداۋ كەرەك. ول مىنانى باسا دارىپتەدى: ەمدەۋ، ءدارى - دارمەك جانە دەنساۋلىق ساقتاۋ ءتۇزىلىسىن تەرەڭ رەفورمالاۋ − قوعامدىق، ەكونوميكالىق سالامەن ساباقتاسقان كەشەندى شارا، ءسوز جوق، پارمەندى ۇيىمداستىرۋ، اتقارۋ مەحانيزمىن ورناتىپ، رەفورمانىڭ جۇيەلى تۇردە العا ىلگەرىلەۋىنە كەپىلدىك ەتۋ قاجەت. جەر - جەر، تاراۋلار ساياسي تانىمدى، جالپى جاعداي تانىمىن، ۇيتقىلىق تانىمدى جانە ساپ تۇزەۋ تانىمىن بەكەمدەپ، نەگىزگى ەمدەۋ - دەنساۋلىق ساقتاۋ جۇيەسىنىڭ ورناۋىن جەدەلدەتۋگە جانە سالاماتتى شينجياڭ قۇرىلىسىن ىلگەرىلەتۋگە ءتىپتى زور ۇلەس قوسۋى كەرەك.
ۇعىسۋعا قاراعاندا، «12 - بەسجىلدىقتان» بەرى، اۆتونوميالى رايونىمىزدا جالپى حالىقتىق مەديتسينالىق قامتاماسىزداندىرۋ جۇيەسىن جەتىلدىرۋدى جەدەلدەتۋ، ۇكىمەت شيپاحانالارى رەفورماسىن بەلسەندى تۇردە ىلگەرىلەتۋ، نەگىزگى ءدارى - دارمەك جۇيەسى مەن باستاۋىش ەمدەۋ - دەنساۋلىق قۇرىلىمدارىنىڭ جاڭا اينالىم مەحانيزمىن كەمەلدەندىرۋ جانە جەتىلدىرۋ سياقتى ماڭىزدى رەفورما مىندەتتەرى نەگىزىنەن ورىندالعان. مەملەكەتتىك كەڭەستىڭ مەديتسينالىق رەفورما جونىندەگى باقىلاۋ - تەكسەرۋ ماعلۇماتىنان بەلگىلى بولۋىنشا، اۆتونوميالى رايونىمىزدىڭ مەديتسينالىق رەفورمانى ورىنداۋ كورسەتكىشى مەملەكەت بويىنشا ورتادان ءسال جوعارى دەڭگەيدە تۇر، اسىرەسە، قالا، اۋىلداردىڭ مەديتسينالىق قامتاماسىزداندىرۋ ىستەرىن ءبىر تۇتاس جوسپارلاۋ، نەگىزگى الەۋمەتتىك دەنساۋلىق ساقتاۋ بويىنشا قىزمەت كورسەتۋ ىستەرى مەملەكەت بويىنشا الدىڭعى قاتاردا ەكەن.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
