- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مەملەكەتتىك كەڭەستىڭ اقپارات كەڭسەسى «شينجياڭداعى ءدىني سەنىم ەركىندىگى جاعدايى» اتتى اق تىستى كىتاپتى جاريالادى
2016.06.03 13:24 كەلۋ قاينارى : شينجياڭ گازەتى
مەملەكەتتىك كەڭەستىڭ اقپارات كەڭسەسى 2 - ماۋسىم كۇنى «شينجياڭداعى ءدىني سەنىم ەركىندىگى جاعدايى» اتتى اق تىستى كىتاپتى جاريالادى ءارى اقپار جاريالاۋ جينالىسىن وتكىزىپ، شينجياڭداعى ءدىني سەنىم ەركىندىگىنىڭ ناقتى احۋالىن جان - جاقتى تانىستىردى. بۇل ەلىمىزدىڭ تۇڭعىش رەت شينجياڭنىڭ ءدىن ىستەرى جونىندە اق تىستى كىتاپ جاريالاۋى.
مەملەكەتتىك كەڭەستىڭ اقپارات كەڭسەسى اقپارات مەكەمەسىنىڭ ورىنباسار باستىعى شي يانچۇن اقپار جاريالاۋ جينالىسىن باسقارعاندا اق تىستى كىتاپتىڭ نەگىزگى جاعدايىن تانىستىردى. اق تىستى كىتاپ مولشەرمەن8600 ءارىپ، العى ءسوز، ءماتىن جانە سوڭعى سوزدەن قۇرالادى. العى سوزدە شينجياڭداعى دىندەردىڭ تاريحى مەن قازىرگى احۋالى قىسقاشا تۇجىرىمدالعان. ماتىندە شينجياڭداعى دىندەردىڭ تاريحى، ازاماتتاردىڭ ءدىني سەنىم ەركىندىگى ۇقىقتارىن قامتاماسىز ەتۋ، دىنگە سەنەتىن ازاماتتاردىڭ قالىپتى ءدىني قاجەتىن قاناعاتتاندىرۋ، ءدىن ىستەرىن زاڭ بويىنشا باسقارۋ، ءدىن سالاسىندا شەتەلدەرمەن بارىس - كەلىس جاساۋ، ءدىني ۇشقارىلىقتان ساقتانۋ جانە وعان سوققى بەرۋ، ءدىن سالاسىنىڭ بەلسەندى رولىن ساۋلەلەندىرۋ سياقتى 7 جاقتاعى مازمۇن ءتۇيىندى تۇردە بايىمدالعان. سوڭعى سوزدە شينجياڭداعى دىندەردىڭ تاريحي دامۋىنىڭ تاجىريبەلەرى قىسقاشا قورىتىندىلانعان.
اق تىستى كىتاپتا كوپتەگەن ناقتى ماعلۇماتتار مەن ناقتى مىسالدار ارقىلى شينجياڭداعى ءدىني سەنىم ەركىندىگىنىڭ جاعدايى جان - جاقتى تانىستىرىلعان.
اق تىستى كىتاپتا بىلاي دەلىنگەن: جاڭا جۇڭگو قۇرىلعاننان بەرى، نەگىزگى زاڭداعى ءدىني سەنىم ەركىندىگى تۋرالى پرينسيپتەر شينجياڭدا جاپپاي تياناقتاندىرىلدى، ازاماتتاردىڭ ءدىني سەنىم ەركىندىگى ۇقىقتارىنا تولىق قۇرمەت ەتىلدى، دىنگە سەنەتىن ازاماتتاردىڭ قالىپتى ءدىني قاجەتى ءونىمدى تۇردە قاناعاتتاندىرىلدى، ءدىن سالاسىنىڭ ەكونوميكانىڭ دامۋى مەن قوعامنىڭ ورنىقتىلىعىن ىلگەرىلەتۋدەگى رولى ءبىرشاما جاقسى ساۋلەلەندىرىلدى، ۇكىمەتتىڭ ءدىن ىستەرىن زاڭ بويىنشا باسقارۋ قابىلەتى ۇزدىكسىز كوتەرىلدى، ءدىن سالاسىنىڭ سىرتپەن بارىس - كەلىسى ورنىقتى تۇردە كەڭەيتىلدى، ءدىني ۇشقارىلىقتىڭ كەۋلەپ كىرۋ، ەتەك جايۋ جايتى ءونىمدى تۇردە اۋىزدىقتالدى.
اق تىستى كىتاپتا بىلاي دەپ اتاپ كورسەتىلدى: شينجياڭ ازاماتتاردىڭ ءدىني سەنىم ەركىندىگى ۇقىقتارىن قامتاماسىز ەتىپ، باسقارۋ مەن قىزمەت ەتۋگە بىردەي ءمان بەرۋ يدەياسىنا تاباندى بولىپ، ءدىن ىستەرىن زاڭ بويىنشا باسقارۋمەن بىرگە، دىنگە سەنەتىن ازاماتتاردىڭ قالىپتى ءدىني قاجەتىن قۇلشىنا قاناعاتتاندىردى. ءدىن قىزمەتكەرلەرىن تاربيەلەۋ، دايىنداۋدى كۇشەيتىپ، ءدىني ءبىلىم الۋدىڭ ارناسىن ۇزدىكسىز كەڭەيتتى.
اق تىستى كىتاپتا بىلاي دەپ اتاپ كورسەتىلدى: شينجياڭ زاڭ - ەرەجەلەرگە سايكەس، «زاڭدىسىن قورعاۋ، زاڭسىزىنا تيىم سالۋ، ۇشقارىلىقتى شاۋجايلاۋ، كەۋلەپ كىرۋگە قارسى تۇرۋ، قىلمىسقا سوققى بەرۋ» پرينسيبى بويىنشا، ءدىن ىستەرىنە باسقارۋ جۇرگىزىپ، ءدىني سەنىم ەركىندىگىن قورعاپ، قالىپتى ءدىني قيمىلداردىڭ ءتارتىپتى ورىستەتىلۋىن قامتاماسىز ەتتى.
اق تىستى كىتاپتا بىلاي دەلىندى: ءدىننىڭ دەربەس، ءوز - وزىنە قوجا بولۋ، ءوزىن - ءوزى باسقارۋ پرينسيبىنە تاباندى بولۋمەن بىرگە، شينجياڭ ءوزارا قۇرمەت، تەڭدىك، دوستىق نەگىزىندە، ءدىن سالاسىندا عىلمي جانە مادەني بارىس - كەلىستەردى ەتەك الدىرىپ، شەتەلدەرگە ءبىلىم الۋعا ادام جىبەرىپ، الەمنىڭ ءار ەلىندەگى ءدىني ۇيىمدارمەن بەلسەندى تۇردە بارىس - كەلىس، اۋىس - كۇيىس جاساپ وتىردى. جۇڭگونىڭ يەلىك ۇقىعىنا، جۇڭگو ءدىننىڭ دەربەس، ءوز - وزىنە قوجا بولۋ، ءوزىن - ءوزى باسقارۋ پرينسيبىنە قۇرمەت ەتەتىن شەتەلدىك ءدىني ۇيىمدار مەن ادامدارعا شينجياڭداعى ءار دارەجەلى ۇكىمەت پەن حالىق قاشاندا قۇشاق اشۋ جانە قارسى الۋ پوزيتسياسىن قولداندى.
اق تىستى كىتاپتا بىلاي دەپ اتاپ كورسەتىلدى: شينجياڭنىڭ «ۇشقارىلىقتى الاستاپ»، ءدىني ۇشقارىلىقتان ساقتانۋى جانە وعان سوققى بەرۋى − مەملەكەت پەن حالىقتىڭ ءتۇبىرلى مۇددەسىن قورعاۋدى ماقسات ەتكەن ادىلەتتى ءىس، حالىقارالىق قوعامنىڭ ءدىني ۇشقارىلىققا توتەپ بەرۋىنىڭ ماڭىزدى قۇرامداس بولىگى. شينجياڭ ورىستەتكەن «ۇشقارىلىقتى الاستاۋ» قىزمەتى ءدىني ۇشقارىلىقتىڭ كەۋلەپ كىرۋ، ەتەك جايۋ بەتالىسىن ءونىمدى تۇردە تىزگىندەپ، حالىقارالىق قوعامنىڭ «ۇشقارىلىقتى الاستاۋىنا» جانە لاڭكەستىكتەن ساقتانۋى مەن وعان سوققى بەرۋىنە، دۇنيە ءجۇزىنىڭ بەيبىتشىلىگى مەن دامۋىن قورعاۋعا بەلسەندى ۇلەس بولىپ قوسىلدى.
شەكارانىڭ ءىشى - سىرتىنداعى 49 اقپارات قۇرالىنان كەلگەن 70 نەشە ءتىلشى اق تىستى كىتاپ تۋرالى اقپار جاريالاۋ جينالىسىنا قاتىناستى.
اۆتونوميالى رايوندىق پارتكومنىڭ تۇراقتى مۇشەسى شاۋكەت يمىن، اۆتونوميالى رايوننىڭ ورىنباسار ءتوراعاسى جاروللا يسامىدىن، اۆتونوميالى رايوندىق ۇلت، ءدىن ىستەرى كوميتەتىنىڭ (ءدىني ىستەر مەكەمەسى) مەڭگەرۋشىسى تۇرعان پيدا ەل ءىشى، سىرتىنداعى تىلشىلەردىڭ سۇراۋىنا جاۋاپ بەرىپ، قاتىستى جاعدايدى وبيەكتيۆ، جان - جاقتى تانىستىردى. ولار بىلاي دەدى: شينجياڭ ازاماتتاردىڭ دىنگە سەنۋ ەركىندىگىن قامتاماسىزداندىرۋعا تاباندى بولىپ كەلەدى، قالىپتى ءدىني قيمىلدار زاڭ بويىنشا قورعالىپ، ازاماتتاردىڭ عۇرىپ - ادەتىنە تولىق قۇرمەت ەتىلدى، ءدىني مادەني مۇرالار ءونىمدى قورعالىپ، ءدىن سالاسىنداعىلاردىڭ قوعام جاعدايىن، حالىق رايىن اڭىس ەتۋ ارناسى ىركىلىسسىزدەندىرىلدى، دىنگە سەنەتىن قاۋىمنىڭ قالىپتى ءدىني قاجەتى قاناعاتتاندىرىلدى. ءدىني ۇشقارىلىق − دۇنيە جۇزىندەگى حالىقتىڭ ورتاق جاۋى، بۇعان بارلىق ەل قارسى تۇرۋدا جانە توتەپ بەرۋدە. مەملەكەتتىڭ ءبىر تۇتاس باسشىلىعىندا، شينجياڭ قوعام ورنىقتىلىعى مەن باياندى تىنىشتىقتى ساقتاۋ باستى نىساناسىن ارقاۋ ەتۋدەن جازباي، «ءدىني ۇشقارىلىقتى الاستاۋدى» جۇيەلى ينجەنەريا ساناپ، «5 كىلتتى» ءبىر تۇتاس جوبالاپ، قاتار ىلگەرىلەتىپ، «دۇرىس سەنىم ارقىلى ءدىني ۇشقارىلىقتىڭ ءورىسىن تارىلتۋعا، زاڭ ارقىلى ءدىني ۇشقارىلىقتى تەجەۋگە، وسى زامانعى مادەنيەت ارقىلى ءدىني ۇشقارىلىققا توسقاۋىل قويۋعا، عىلىم جالپىلاستىرۋعا» بارىنشا كۇش سالىپ، «3 قوسىننىڭ» رولىن تولىق ساۋلەلەندىرىپ، تاماشا ونىمدىلىككە قول جەتكىزدى. رامازان ايى تاياپ قالدى، كوپشىلىكتىڭ شينجياڭعا كەلىپ ارالاپ كورۋىن، ءار ۇلت بۇقاراسىنىڭ تىنىش تىرشىلىگى مەن رامازان ايىنداعى تۇرمىسىن كوزدەرىمەن كورىپ تۇيسىنۋن قارسى الامىز.
ورتالىق تەلەۆيزياسى، ورتالىق حالىق راديو ستانسياسى، جۇڭگو حالىق راديو ستانسياسى، جۇڭگو سايتى، گوشين سايتى سياقتى ورىندار سول كۇنگى حاباردى ۇستىندە تاراتتى.
تانىستىرۋعا قاراعاندا، «شينجياڭداعى ءدىني سەنىم ەركىندىگى جاعدايى» اتتى اق تىستى كىتاپ، حانزۋ، اعىلشىن، فرانسۋز، نەمىس، ورىس، يسپان، اراب ءتىلى سياقتى تىلدەردە جاريالانعان، ۇيعۇر، قازاق سياقتى از ۇلت تىلىندەرىندەگى نۇسقالارى دا جاريالانعان. قازىر حانزۋشا، اعىلشىنشا نۇسقاسى حالىق باسپاسى مەن شەتەل باسپاسىنان باسىلىپ شىقتى، الدا بۇكىل ەلىمىزدەگى شينحۋا كىتاپ دۇكەندەرىندە تاراتىلادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
