- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ياۋ ديشيۇڭ: جىلقى سۋرەتىن سالۋ − ومىرلىك تالپىنىسىم
لي لي
2016.10.25 15:28 كەلۋ قاينارى : شينجياڭ گازەتى
ياۋ ديشيۇڭ اۆستراليا قاراستىلىعىنداعى جۇڭگولىق سۋرەتشى، بيىل 76 جاستاعى ول جۇڭگو - شەتەل قارىم - قاتىناس قوعامىنىڭ القاسى، جۇڭگو - مايا قوعامىنىڭ جوعارى دارەجەلى كوركەمدىك اقىلشىسى، جۇڭگو جىلقى مادەنيەتى كوركەمونەر زەرتتەۋ اكادەمياسىنىڭ باستىعى، اۆستراليا - جۇڭگو بايىرعى كوركەمونەر زەرتتەۋ قوعامىنىڭ ءتوراعاسى، اۆستراليا - جۇڭگو حۇسنيحات جانە سۋرەت كوركەمونەر قوعامىنىڭ ابىرويلى ءتوراعاسى، رەسەي عىلىم اكادەمياسىنىڭ قۇرمەتتى اكادەميگى سياقتى لاۋازىمدارعا يە. ول ۇرىمجىدە تۋعان، تۇلپار مەكەنى ىلەدە ەرجەتكەن، ءار كۇنى تاڭ اتقاندا اتەشتىڭ شاقىرعان داۋىسىمەن ەمەس، قايتا ساحاراداعى سايگۇلىكتەردىڭ كىسىنەگەن داۋىسىمەن ويانىپ، كىشكەنتاي كەزىنەن جىلقىعا اۋەس بولىپ وسكەن ياۋ ديشيۇڭ جىلقىنى تاعدىرىنا بالادى، ماي بوياۋلى سۋرەت، ويما سۋرەت، گۋاش بوياۋلى سۋرەت ۇلگىسىندە تۋىندى سالاتىن ول، بۇل كۇندەرى جۇڭگوشا سۋرەتشىلىكتى نەگىز ەتىپ جىلقى سالۋدى ومىرلىك تاقىرىپ ەتتى.
2016 - جىلى 16 - تامىزدا ياۋ ديشيۇڭنىڭ «ءبىر بەلدەۋ، ءبىر جول. تۇلپار تۇياعى» اتىنداعى سۋرەت كورمەسى ءۇرىمجى اسەمونەر سارايىندا وتكىزىلدى. ءتىلشى كورمە سارايىنداعى «جادىراعان جازدا ويناق سالعان سايگۇلىك»، «سايگۇلىككە قامشى باسۋ»، «ىعىتى كەلسە ءىس ءساتتى بولار» سياقتى تۋىندىلارىنان جايىلىپ تۇرعان نەمەسە ويناق سالىپ جۇلدىزداي اققان نەمەسە باسىن كوتەرىپ كىسىنەپ تۇرعان نەمەسە سۋدا ويناق سالعان جىلقىلاردىڭ ءتۇرلى وبرازىن كوردى. «كوركەمونەرشىنىڭ وزىندىك ستيلى بولۋى، كوركەمونەر الەمىندە ءوزىنىڭ <تۇلپارىمەن> سامعاۋى ءتيىس. سۋرەت سالۋ مەنىڭ كاسىبىم، جىلقى سۋرەتىن سالۋدى ماڭگى جالعاستىرامىن»، - دەيدى ياۋ ديشيۇڭ 16 - قازاندا تىلشىگە بەرگەن تەلەفون سۇحباتىندا.
تۇلپار مەكەنى جانە جىلقىعا بولعان قۇشتارلىق
ياۋ ديشيۇڭنىڭ شەشەسى ورىس، اكەسى جىجياڭنىڭ حۋجوۋ دەگەن جەرىنەن، 3 جاسىندا وتباسىمەن ۇرىمجىدەن ىلەگە كوشىپ بارعان، كىشكەنتاي كەزىنەن ۇلكەندەردىڭ دەمەۋىمەن اتقا ءمىنىپ ۇيرەنگەن، 5 جاسىندا كوركەمونەرلىك عۇمىرىنداعى تۇڭعىش رەتكى جىلقى سۋرەتىن سالعان.
«شەشەم تىگىن ماشيناسىمەن تەرەزە پەردەلەرى مەن ۇستەل جاپقىشتاردىڭ شەتىنە ورنەك سالۋدى ۇناتاتىن، ەسىمدە قالۋىنشا، شەشەمنىڭ ماعان كوبەيتكىش قاعازبەن العاش رەت باستىرىپ سىزدىرعان ورنەگى قۇلىننىڭ سۋرەتى، ياعني كوك جاساڭدا جايىلىپ جۇرگەن قۇلىننىڭ سۋرەتى بولاتىن. وسى ءبىر ورنەك ومىرىمدە وشپەس ەلەس بولىپ قالدى، سودان بەرى ۇزدىكسىز جىلقى سۋرەتىن سالىپ كەلەمىن»، - دەيدى ياۋ ديشيۇڭ وتكەندى ەسىنە الىپ.
الاقانداي اق قاعازعا كوشىرىپ سىزعان سۋرەت بالا ياۋ ديشيۇڭنىڭ ارمانىنا قانات ءبىتىردى، سودان باستاپ جىلقى سۋرەتىن سالۋدى باستادى. سول كەزدە بۇكىل جۇڭگو زاتتىق تاپشىلىق كەزەڭىندە ەدى، قىلقالام، قاعاز دەگەندەرىڭىز وتە كەمشىل بولعاندىقتان ياۋ ديشيۇڭ گازەت بەتىنە، ەسكى كىتاپتاردىڭ پاراعىنا، ءتىپتى، ءوزىنىڭ جانە ساباقتاستارىنىڭ وقۋلىعىنا سۋرەت سالاتىن. ول ءوزىنىڭ وقۋلىقتارىن اياۋسىز شيمايلاپ قانا قويماي، ساباقتاستارىنىڭ وقۋلىقتارىن دا بەتالدى شيمايعا تولدىراتىن، ساباقتاستارى ونى «جىلقى سۋرەتىن سالۋمەن اتى شىققان كىشكەنتاي سۋرەتشى» دەپ اتاعان.
ورتالاۋدىڭ 1 - جىلدىعى كەزىندە ياۋ ديشيۇڭ شي - ان كوركەمونەر ينستيتۋتىنان وقۋ تاۋىسقان پان ديڭديڭ ەسىمدى مۇعالىمنان تۇڭعىش ساباق العان، سونىمەن ونىڭ ومىرىندەگى سۋرەت سالۋدى ۇيرەنۋ كەزەڭى وسىلايشا باستالىپ كەتتى.
«پان ديڭديڭ بىزگە 8 اي اسەمونەر وقىتۋشىسى بولدى، ول مەكتەپكە كەلىسىمەن بىردەن مەنى بايقادى ءارى ماعان ءۇمىت ارتتى. سوندىقتان ءار اپتاداعى ءبىر ساعاتتىق اسەمونەر ساباعىنان كەيىن، مەنى قۇلجا قالاسىنىڭ قالا ماڭى رايونىنا، حانزۋلار كوشەسىنە، ىلە وزەنى بويىنا، سونداي - اق مال شارۋاشىلىق رايونىنا ەرتىپ بارىپ سۋرەت سىزدىراتىن»، - دەيدى ياۋ ديشيۇڭ.
پان ديڭديڭ مۇعالىمنىڭ جولىعۋى ياۋ ديشيۇڭنىڭ سۋرەتشىلىك ارمانىنا قوس قانات بىتىرگەندەي بولدى، كاسىپتىك مۇعالىمنىڭ جەتەگىمەن ۇنەمى سىرتقا شىعىپ سۋرەت سالۋ، نە بارى 21 جاستاعى ياۋ ديشيۇڭنىڭ سۋرەتشىلىكتىڭ نەگىزى − تەز سىزبانى مىقتى يگەرۋىنە بەرىك نەگىز قالادى.
دەي تۇرعانمەن ياۋ ديشيۇڭنىڭ سۋرەتشىلىك جولى كەدەرگىسىز بولمادى. 1966 - جىلى ونىڭ ەندى عانا سۋرەتشىلىككە قادام قويعان كەزىندە، ءبىر ۇيدەگى 6 جان شينجياڭ ءوندىرىس - قۇرىلىس بيڭتۋانى 68 - پولكتىڭ اۋىل شارۋاشىلىق الاڭىنا ءتۇسىرىلدى. كەدەي تۇرمىس، اۋىر ەڭبەك 16 جاستاعى جەتكىنشەكتىڭ سۋرەتشىلىك ونەرىنە دەگەن تالپىنىسىن توقتاتا المادى، جىلقى سۋرەتىن سالۋدى ۇزدىكسىز جالعاستىرا بەردى. شارۋاشىلىق الاڭىندا بولعان 8 جىلدىق تۇرمىسىندا ياۋ ديشيۇڭ 100دەن استام سۋرەت داپتەرگە نەگىزىنەن جىلقى سۋرەتىن سالعان.
پان ديڭديڭ مۇعالىم ۇسىنعان «حايۋانات سۋرەتتەرىن سالۋ ءادىسى» اتتى كىتاپتى ول 3 رەت كوشىرىپ سىزعان، اسىرەسە، جىلقى سۋرەتىن كوبىرەك كوشىرگەن. «وسى ارقىلى، مەن اناتوميادان جىلقىنىڭ سۇيەگىن، بۇلشىق ەتتەرىن ءتۇسىندىم. الايدا جىلقىنى شىنايى بەينەلەۋ ءۇشىن، وعان ءمىنىپ كورۋىڭ كەرەك، سوندا عانا جىلقىنىڭ شاپقانداعى تىنىسىن، ونىڭ العان بەتىنەن قايتپايتىن رۋحىن تۇسىنە الاسىڭ؛ ونىڭ بۇلشىق ەتتەرىنىڭ جيىرىلىپ - سوزىلعانداعى وزگەرىستەرىن، اياقتارىنىڭ جيىلىپ - جازىلعانداعى قيمىلىن سەزىنە الاسىڭ. جىلقىنىڭ تىنىش كۇيدەگى جانە قوزعالىستاعى جاعدايىن سەزىنگەندە عانا ونىڭ ىشكى جانە سىرتقى دۇنيەسىنىڭ ۇشتاسۋىنان تۋىندايتىن كوركەم وبرازىن جانە رۋحىن بەينەلەي الاسىڭ. سوندا عانا سەنىڭ سىزعان جىلقىڭ شىنايى تولىق قاندى جىلقى بولادى».جۇڭگوشا سۋرەتشىلىكتىڭ اۆستراليا توپىراعىندا تامىر تارتۋىنا دانەكەر بولدى
1979 - جىلى ياۋ ديشيۇڭ وتباسىمەن اۆسترالياداعى تۋىسىنا پانا تارتىپ جول الدى. سونىمەن 30عا ەندى كەلگەن ياۋ ديشيۇڭ تەڭىزدەن ەندەي ءوتىپ، ەكۆادوردىڭ وڭتۇستىگىندەگى اۆسترالياعا كەلدى.
«سول كەزدە شينجياڭنان اتتانارىمدا كوپ ويلاندىم، مەن اۆسترالياعا باتىس سۋرەتشىلىك ونەرىن الىپ بارۋىم كەرەك پە، الدە جۇڭگوشا سۋرەت سالۋ ۇلگىسىمەن جۇرە بەرۋىم كەرەك پە؟». ياۋ ديشيۇڭ اقىرى شىعىس پەن باتىستىڭ كوركەمونەرلىك ۇشتاسۋ ءتۇيىنىن تاۋىپ، جۇڭگوشا سۋرەتشىلىكتى اۆستراليا توپىراعىندا تامىر تارتقىزۋ بەكىمىنە كەلدى. «مۇمكىندىك ءبىر پايىز بولسا دا، ونى تولىعىمەن ىسكە اسىرۋىم كەرەك».
تەكسەرىپ زەرتتەۋ جۇرگىزگەننەن كەيىن، ياۋ ديشيۇڭ اۆستراليانىڭ 3 اسىلىنىڭ ءبىرى كەنگرۋدى ءوزىنىڭ شىعارماشىلىق تاقىرىبىنا تاڭدادى. «اۆستراليادا كوپتەگەن ادامدار ماي بوياۋلى سۋرەت، تەز سىزبا ۇلگىسىمەن كەنگرۋدى بەينەلەيدى، الايدا قىلقالام - تۋشتان پايدالانىپ قاعازعا كەنگرۋ سالعان ادام جوق دەرلىك. مەنىڭ ۇستازىم حۋاڭ جوۋ ەسەك سۋرەتىن سالۋمەن اتى شىققان، ول جۇڭگوشا سۋرەت سالۋ شەبەرلىگىنەن پايدالانىپ قىرۋار ەسەكتىڭ سۋرەتىن سالعان، مەنىڭشە، كەنگرۋدىڭ تەرىسى مەن ەسەكتىڭ تەرىسى نەگىزىنەن قارايلاس كەلەدى، سوندىقتان جۇڭگوشا سۋرەت ۇلگىسىمەن كەنگرۋ سالۋدى سىناق ەتتىم»، - دەيدى ياۋ ديشيۇڭ.
1983 - جىلى جەلتوقسان ايىندا ياۋ ديشيۇڭ تۇڭعىش رەت اۆستراليانى ساياحاتتاۋ ساپارىن باستادى. ءبىر جارىم ايلىق ۋاقىتپەن ياۋ ديشيۇڭ اۆسترالياداعى 7 شتاتتى ارالاپ شىعىپ، كەنگرۋدى جاقىننان تاماشالادى. 1984 - جىلى 1 - ناۋرىزدان 1985 - جىلى 1 - ناۋرىزعا دەيىن ۇيدەن شىقپاي ءار كۇنى توقتاۋسىز كەنگرۋ سىزۋمەن بولدى، قولى تالىپ اۋىرعاندا امالسىز وراۋىشپەن وراپ الدى، ءتىپتى، اۋىرعانىن دا سەزبەدى. ول اۆسترالياداعى ساپارىندا كورگەن - بىلگەندەرىن، اۆستراليانىڭ ۋاكىلدىك سيپاتتى كورىنىستەرىن جۇڭگوشا سۋرەت سالۋ ۇلگىسىمەن 63 مەترلىك قاعازعا بەينەلەپ شىقتى، وندا 200 كەنگرۋ بەينەلەنگەن. 1985 - جىلى 3 - ساۋىردە ياۋ ديشيۇڭ ءوزىنىڭ «002 كەنگرۋ سۋرەتىن» الىپ (كەيىن 2000عا كوبەيتىلگەن) جۇڭگوعا كەلدى، جۇڭگو اسەمونەر سارايىندا ءوزىنىڭ تۇڭعىش رەتكى جەكەلىك كورمەسىن وتكىزدى. «سول كەزدەگى سۋرەت كورمەسى ەرەكشە دابىرالى بولدى. ۇستازىم حۋاڭ جوۋ مەنىڭ جۇڭگوعا كەلگەنىمدى ەستىپ، مەنى دياۋيۇيتاي مەملەكەتتىك قوناق ۇيىنە شاقىرىپ ءوزىنىڭ سالعان سۋرەتتەرىن كورسەتتى ءارى ماعان ەسەك سۋرەتىن سالۋ ءادىسىن كەنگرۋ سۋرەتىن سالۋعا قالاي قولدانۋعا بولاتىندىعىن ۇيرەتتى».
ياۋ ديشيۇڭنىڭ «200 كەنگرۋ سۋرەتى» اۆستراليا ۇكىمەتىنىڭ مەملەكەت قۇرىلعاندىعىنىڭ 200 جىلدىعى، اۆستراليا شتاتى قۇرىلعاندىعىنىڭ 150 جىلدىعى، جۇڭگولىقتاردىڭ حاۋاي شتاتىنا اياق باسقاندىعىنىڭ 200 جىلدىعى سياقتى ماڭىزدى قۇتتىقتاۋ قيمىلدارىندا كورمەگە قويىلدى ءارى گەننيس دۇنيە جۇزىلىك رەكوردى توپتاماسىنا ەنگىزىلدى. ياۋ ديشيۇڭ جانە ونىڭ «200 كەنگرۋ سۋرەتى» اۆستراليا كوركەمونەر سالاسىندا توتەنشە ىقپال تۋدىردى، ادامدار جۇڭگودان كەلگەن وسى سۋرەتشىگە، جۇڭگوشا سۋرەت سالۋ ونەرىنە نازار اۋدارا باستادى.
اۆستراليانىڭ ۆيكتوريا شتاتىنىڭ بۇرىنعى كوركەمونەر مينيسترى رۆيس مايف تىلشىلىكتى قابىلداعاندا: «مەن ياۋ ديشيۇڭ مىرزانىڭ 200 كەنگرۋ سۋرەتىنە قاتتى قىزىقتىم، مەن ياۋ ديشيۇڭ سياقتى مۇھاجىر كوركەمونەرشىلەردى جوعارى باعالايمىن، ويتكەنى مۇھاجىر كوركەمونەرشىلەردىڭ كوركەمونەر تۋىندىلارى اۆستراليا كوركەمونەرىن بايىتتى، ياۋ ديشيۇڭنىڭ كەنگرۋ سۋرەتى جۇڭگوشا سۋرەتشىلىكتىڭ قىلقالام تارتۋ شەبەرلىگىن باتىستىڭ سۋرەت سالۋ تەحنيكاسىمەن ءساتتى ۇشتاستىرىپ، باتىس سۋرەتشىلىگىندە جەتكىزۋ مۇمكىن بولماعان كورۋ تۇيسىگىن جانە كوركەمدىك ءونىمدى ايگىلەدى».
«مەن اۆسترالياداعى تۇڭعىش رەتكى ساپارىمدا اۆسترالياداعى وسى ءبىر جەرگىلىكتى ەرەكشەلىككە يە تاقىرىپتى بايقاپ، وسى توپىراقتاعى ادام مەن تابيعاتتىڭ ءوزارا تاتۋ - ءتاتتى تىرشىلىك جاعدايىن قالپىنا كەلتىرۋدى ويلادىم». 18 جىل وي قورىتىپ، اۆستراليانى 3 رەت اينالىپ، 2 جىل 7 اي دەن قويا سىزۋ ارقىلى، ياۋ ديشيۇڭ2001- جىلى اسقاق ايبىندى، اۆستراليانىڭ بايىرعى مادەنيەتىن بەينەلەگەن 100 مەترلىك ۇزىندىقتاعى جۇڭگوشا سۋرەت − «ادام جانە تابيعات. اۆستراليا رۋحى» اتتى تۋىندىسىن ءساتتى تامامدادى. 2011 - جىلى 28 - جەلتوقساندا جۇڭگو - اۆستراليا ديپلوماتيالىق قاتىناس ورناتقاندىعىنىڭ 30 جىلدىعىن قۇتتىقتاۋ كەزىندە، وسى سۋرەت جۇڭگو مەملەكەتتىك مۇراجايعا قويىلدى. اتا مەكەن ماڭگىلىك ساعىنىش
«200 كەنگرۋ سۋرەتى»، «ادام جانە تابيعات. اۆستراليا رۋحى» سياقتى تۋىندىلاردىڭ دۇنيەگە كەلۋىمەن، ياۋ ديشيۇڭنىڭ دۇنيە جۇزىلىك سۋرەت كورمەسى دە باستالدى. جانى سۇيگەن جىلقى سىزبالارىن الىپ، 1985 - جىلدان بۇگىنگە دەيىن ول دۇنيەنىڭ جەر - جەرىندە 160 رەتتەن استام سۋرەت كورمەسىن وتكىزدى، وسىلاردىڭ ىشىندە جۇڭگودا 120 رەتتەن استام سۋرەت كورمەسىن وتكىزدى. «وسى 2 تۋىندىمدى سالۋ بارىسىندا دا مەن جىلقى سۋرەتىن سالۋدى ەشقاشان توقتاتىپ كورگەن ەمەسپىن، سوندىقتان جىلقى سۋرەتى مەنىڭ ومىرلىك سەرىگىم بولا ءبىلدى. مەن ءارقانداي ءبىر تۋىندىمدى كورمەگە قويعاندا جىلقى سۋرەتىن قالدىرمايمىن».
2016 - جىلى 26 - قىركۇيەكتە جۇڭگو مۇھاجىرلار بىرلەستىگى قۇرىلعاندىعىنىڭ 60 جىلدىعىن قۇتتىقتاۋ ءۇشىن، 3 - كەزەكتى دۇنيە جۇزىلىك جۇڭگولىق مۇھاجىرلار حاتكەرلىك اسەمونەر كورمەسى جۇڭگو مۇھاجىرلار تاريحى مۇراجايىندا اشىلدى. ياۋ ديشيۇڭ جۇڭگولىق مۇھاجىرلار اتىنان وسى ارادا جىلقى سۋرەتىن سيعا تارتۋ ەتتى.
«سۋرەت سالۋ مەنىڭ ءتول كاسىبىم، جىلقى سۋرەتىن سالۋ مەنىڭ ومىرلىك ءىسىم، جۇڭگو مۇھاجىرلار بىرلەستىگى قۇرىلعاندىعىنىڭ 60 جىلدىعى كەزىندە، شەتەلدە جۇرگەن جاھانگەز رەتىندە، مەن ءوزىم سالعان سۋرەتىمدى جۇڭگو مۇھاجىرلار بىرلەستىگىنە، وتانعا تارتۋ ەتكەندىگىمدى توتەنشە قۋانىشتى ءىس دەپ بىلەمىن»، - دەيدى ياۋ ديشيۇڭ.
ياۋ ديشيۇڭنىڭ ءۇنحات تەكشەسىندە ۇنەمى كورىكتى شينجياڭدى تانىستىرۋ مازمۇنىنداعى ءۇنحاتتار تاراتىلادى. شىنىن ايتقاندا، العاش اۆسترالياعا بارماقشى بولىپ، شياڭگاڭدى باسىپ وتكەن كەزىندە، ياۋ ديشيۇڭ ءبىر رەت شيجياڭ سۋرەتشىلەر كورمەسىن ۇيىمداستىرىپ، كەرىم، گۇڭ جيانشين، شۇي شۋجى، حۋاڭ گىجيە، گۋان ۋيشياۋ سياقتى شينجياڭداعى ايگىلى سۋرەتشىلەردىڭ تۋىندىلارىن كورمەگە قويعان، «سول جولعى سۋرەت كورمەسى شياڭگاڭداعى ادامداردىڭ شينجياڭعا بولعان قىزىعۋشىلىعىن ارتتىردى، كوپتەگەن ادامدار سۋرەت كورمەسىن كورگەننەن كەيىن، ءسوزسىز، شينجياڭدى بارىپ كورەتىندىكتەرىن ءبىلدىرىستى». اتا مەكەنگە دەگەن ساعىنىش ياۋ ديشيۇڭنىڭ جۇرەگىنەن ماڭگىلىك ورىن العان. ياۋ ديشيۇڭنىڭ تۋىندىلارى كوپ رەت اتا مەكەنگە تارتۋ ەتىلگەن نەمەسە باسەكەلەستىرىلىپ ساتىلعان، 1996 - جىلى ياۋ ديشيۇڭ جۇڭگو جاستار جانە جاس وسپىرىمدەر دامۋ قور قوعامى ارقىلى 10 پارشا سۋرەتىن تارتۋ ەتىپ، جيناعان 200 مىڭ يۋانعا اقسۋدان ءۇمىت باستاۋىش مەكتەبىن سالدىرعان.
2008 - جىلى ياۋديشيۇڭ ءبىر كەر قۇلاندى باعىپ الادى، سودان باستاپ قۇلان ياۋ ديشيۇڭنىڭ سۋرەتتەرىنەن ورىن الىپ، ونىڭ جىلقى كەسكىنىن سالۋداعى تاقىرىبىنىڭ بىرىنە اينالادى. وسىعان بايلانىستى ياۋ ديشيۇڭ قۇلان حانىشاسى اتالعان قۇلان زەرتتەۋشى جاڭ حىفانمەن تانىسادى. ەستۋگە قاراعاندا جاڭ حىفان ناۋقاستانىپ قالىپتى، بيىل ياۋ ديشيۇڭنىڭ اۆستراليادان شينجياڭعا ورالعاننان كەيىنگى نەگىزگى جۇمىسى وسى كونەكوز دوسىنا امانداسا بارۋ ەكەن. ياۋ ديشيۇڭنىڭ بايلانىس جاساۋى مەن كومەگىندە جۇڭگو جىلقى شارۋاشىلىعى قوعامى جاڭ حىفاندى بەيجيڭگە بارىپ ەمدەلۋگە ۇسىنىس ەتىپتى.
جاقىنعى جىلداردان بەرى، نەگىزىنەن، ءار جىلعى ىلە تۇلپارى حالىقارالىق ساياحات مەرەكەسىنە قاتىناسۋ ءۇشىن، ياۋ ديشيۇڭ شينجياڭعا ارنايى كەلەدى ەكەن، «مەن اناعۇرلىم كوپتەگەن ادامدارعا ىلەنىڭ كوركەم كورىنىسىن كورسەتىپ، شينجياڭنىڭ ءتۇرلى ساياحات بايلىعىن كوپشىلىككە تانىستىرعىم كەلەدى، اتا مەكەنىمنىڭ بارعان سايىن كورىكتەنىپ، ءتىپتى دە تەز دامۋىن ءۇمىت ەتەمىن».
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
