- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق وركەنيەت كەڭسەسى جەر - جەردەن مادەنيەتتى داستارقان قيمىلىن ىشكەرىلەي ورىستەتۋدى تالاپ ەتتى
2016.10.25 15:52 كەلۋ قاينارى : شينجياڭ گازەتى
جۋىقتا اۆتونوميالى رايوندىق وركەنيەت كەڭسەسى مەن اۆتونوميالى رايوندىق ازىق - تۇلىك، ءدارى - دارمەك باقىلاۋ - باسقارۋ مەكەمەسى «مادەنيەتتى داستارقان قيمىلىن ىشكەرىلەي ورىستەتۋ تۋرالى ۇقتىرۋ» شىعارىپ، جەر - جەردەن «ۇنەمشىلدىكپەن تۇتىنۋ، مادەنيەتتى تاماقتانۋ» تاقىرىبى بويىنشا، اسحانا، قوناق ءۇي، مەيمانساراي سياقتى اس - سۋ سالاسىنداعى قىزمەت وتەۋشى ورىندار مەن مەكەمە اسحانالارىن ماڭىزدى ءتۇيىن، قالىڭ تۇتىنۋشىلار مەن اسۋ - سۋ سالاسىنداعى قىزمەت وتەۋشى كاسىپكەرلەردى قاتىسۋشى ەتىپ، بۇكىل قوعامدا اقاۋسىز، ۇيلەسىمدى، ۇنەمدەپ تاماقتانۋدى دارىپتەپ، مادەنيەتتى تاماقتانىپ، ۇنەمشىلدىك ىستەپ، باقىتتى تۇرمىستىڭ قادىرىنە جەتۋدى سالتقا اينالدىرۋدى تالاپ ەتتى.
مادەنيەتتى داستارقان قيمىلىنىڭ تالابى بويىنشا، اس - سۋ تۇتىنۋشىلارى لايىقتى تۇتىنىپ، مادەنيەتتى تاماقتانۋى قاجەت. اس - سۋ تۇتىنۋشىلارى تاماققا تاپسىرىس بەرگەندە، ءوزىنىڭ قاجەتىن ەسكەرىپ، ۇيلەسىمدى تاپسىرىس بەرىپ، ىسىراپشىلدىقتان ساقتانۋى؛ تاماق ۇستىندە تەمەكى شەكپەۋى، داۋىس كوتەرىپ دابىرلاماۋى، اراقتى ارتىق ىشپەۋى، داستارقان ادەبىنە كوڭىل ءبولۋى؛ تاماقتان كەيىن، جەلىنبەي قالعان تاعامدى الىپ كەتۋى، تاماق اسىرماۋى كەرەك. اس - سۋ سالاسىنداعى قىزمەت وتەۋشى كاسىپكەرلەر ۇنەمشىلدىكتى، جاسىل تۇتىنۋدى دارىپتەۋى قاجەت. اس - سۋ سالاسىنداعى قىزمەت وتەۋشى كاسىپكەرلەر ەلەكتروندى ەكران، پلاكات، ەسكەرتپە، ت.ب ارقىلى داستارقان مادەنيەتىنە قاتىستى ۇگىت سوزدەردى كورنەكتى تۇردە كورسەتىپ، مادەنيەتتى داستارقان قيمىلى جونىندەگى ۇگىت تاقتالارىن ءىلىپ جانە قويىپ، تۇتىنۋشىلاردى ۇيلەسىمدى تۇتىنۋعا، مادەنيەتتى تاماقتانۋعا باستاۋ كەرەك. ۇلكەن، ورتا، كىشى «ىدىس» سياقتى قىزمەت وتەۋ تۇرلەرىن قولدانىسقا ەنگىزىپ، تاماقتىڭ ءتۇرى مەن مولشەرىن داستارقان باسىنداعى ادام سانىنا قاراي تانىستىرۋ كەرەك. تولىمدى ىدىس - اياقتار، ازىقتىق ماي جانە باسقا قوسىمشا ماتەريالدار پايدالانۋعا تاباندى بولىپ، ءبىر رەتتىك ىدىس - اياقتاردى پايدالانباۋدى دارىپتەپ، اسحانادان شىعاتىن قوقسىقتاردى ازايتۋ كەرەك. اس - سۋ سالاسىنداعى قىزمەتشىلەر تۇتىنۋشىلارعا اسىپ قالعان تاماقتى الىپ كەتۋ تۋراسىندا ىرىقتى تۇردە ۇسىنىس بەرۋى ءارى قورشاعان ورتاعا زالالسىز دوربا - ىدىس بەرۋى كەرەك.
جىل باسىنان بەرى اۆتونوميالى رايوندىق وركەنيەت كەڭسەسى تاماشا قوعامدىق سالت ورناتىپ، ازاماتتاردىڭ مادەنيەت ساپاسىن جوعارىلاتىپ، قوعامنىڭ وركەنيەتتىك دەڭگەيىن كوتەرۋ ءۇشىن، قاتىستى تاراۋلارمەن بىرگە مادەنيەتتى جول قاتىناسى، مادەنيەتتى داستارقان، مادەنيەتتى ساياحات، ينتەرنەتتى مادەنيەتتى پايدالانۋ قيمىلدارىن ورىستەتتى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
