جۇڭگو – ەۆروپا كەزەكشى پويەزىنىڭ (ءۇرىمجى) جيناۋ ورتالىعىنىڭ كەڭەيتىپ سالۋ ينجەنەرياسىنىڭ 1 – مەرزىمدەگى قۇرىلىسى اياقتالىپ، ىسكە قوسىلدى
كەزەكشى پويەزداردى گرۋپپاعا ءبولۋ جۇمىسى 4 ەسە جوعارىلادى
2018.12.05 14:55 كەلۋ قاينارى : حالىق تورابى
حالىق تورابى، 12 – ايدىڭ 5 – كۇنى، بەيجيڭ. 12 – ايدىڭ 3 – كۇنى، جۇڭگو – ەۆروپا كەزەكشى پويەزىنىڭ (ءۇرىمجى) جيناۋ ورتالىعىنىڭ كەڭەيتىپ سالۋ ينجەنەرياسىنىڭ 1 – مەرزىمدەگى قۇرىلىسى اياقتالىپ، ىسكە قوسىلدى، جۇڭگو – ەۆروپا كەزەكشى پويەزىنىڭ گرۋپپاعا ءبولۋ جۇمىس ۋاقىتى 24 ساعاتتان 6 ساعاتقا قىسقارىپ، ونىمدىلىگى 4 ەسە جوعارىلادى.
ۇعىسۋعا قاراعاندا، جۇڭگو – ەۆروپا كەزەكشى پويەزىنىڭ (ءۇرىمجى) جيناۋ ورتالىعىنىڭ كەڭەيتىپ سالۋ ينجەنەرياسىنا جالپى 840 ميلليون يۋان قارجى قوسىلعان، تەمىر جول جۇمىس رايونى (قوراپتى كەزەكشى پويەزدەرىنىڭ جۇمىس رايونىن، تۇتاس كەزەكشى پويەزدەرىنىڭ جۇمىس رايونىن قامتيدى)، كەزەكشى پويەزدەردى جيناۋ، ءبولىپ جونەلتۋ رايونى سياقتى فۋنكتسيالىق رايونداردان قۇرالعان. بۇل نىسان بيىل 8 - ايدا جۇمىس باستاعان، قاۋىرت جۇمىس جۇرگىزۋ ارقىلى 1 - مەرزىمدىك قۇرىلىس سالىنىپ ءبىتتى، نىساننىڭ قالعان قۇرىلىستارى كەلەر جىلى 8 - ايعا دەيىن ورىندالىپ بولادى. ءۇرىمجى حالىقارالىق قۇرلىق پورت رايونىنىڭ ماڭىزدى قۇرامداس بولىگى رەتىندە، جيناۋ ورتالىعىن كەڭەيتىپ سالۋ قۇرىلىسى تولىق سالىنىپ بىتكەننەن كەيىن، ءۇرىمجى تورابىنىڭ حالىقارالىق كەزەكشى پويەزدەردى جيناۋ، شينجياڭنىڭ ءىشى - سىرتىنداعى زات قاينارىن بىرىكتىرۋ قۋاتى ونان ارى ارتىپ، شينجياڭنىڭ ارنالىق ەكونوميكادان ءوڭىر تورابىنداعى زات اينالىم ورتالىعىنا اينالۋىن جەبەيدى.
«بۇرىنعى ورىننىڭ قاتتى بولشەك جابدىعى سياقتىلارى جۇڭگو - ەۆروپا كەزەكشى پويەزىنىڭ جەدەل ارتۋ قاجەتىن قاناعاتتاندىرا الماي قالدى» دەپ تانىستىردى شينجياڭ شينتيە حالىقارالىق زات اينالىم شەكتى جاۋاپكەرشىلىك سەرىكتەستىگىنىڭ باس ديرەكتورىنىڭ ورىنباسارى نان جۇن. وسىدان بۇرىن جۇڭگو - ەۆروپا كەزەكشى پويەزى جولعا شىعۋدان ىلگەرى الدىمەن پويەز توقتاتۋ ورنىندا گرۋپپاعا ءبولۋدى كۇتەدى، ونان گرۋپپاعا ءبولۋ الاڭىندا گرۋپپاعا بولىنەدى، سوڭىندا جونەلتۋدى كۇتۋ رايونىنان جولعا شىعادى، جالپى جۇمىس بارىسىنا 24 ساعات كەتەدى. كەڭەيتىپ سالۋ قۇرىلىسىنىڭ 1 - مەرزىمدىك قۇرىلىسى ىسكە قوسىلعاننان كەيىن، جاڭا الاڭ كەزەكشى پويەزدەردىڭ توتە كىرىپ، توتە شىعۋ شارت - جاعدايىن ازىرلەپ، كەزەكشى پويەزدەردىڭ جۇمىس ۋاقىتى 6 ساعاتقا قىسقاردى. مۇنان سىرت، جاڭا الاڭ ءتىپتى دە كوپ كەزەكشى پويەز توقتاتۋ يقۋاتىنا يە بولىپ، بۇكىل ەلىمىزدىڭ جەر - جەرىنەن كەلگەن كەزەكشى پويەزدەردىڭ وسى ارادا جينالۋ قاجەتىن تولىق قاناعاتتاندىرا الادى.
ۇعىسۋعا قاراعاندا، 2016 - جىلى 5 - ايدىڭ 26 - كۇنى جيناۋ ورتالىعى سالىنىپ ءبىتىپ، ىسكە قوسىلعان، 2 جىلدان استام ۋاقىتتان بەرى، جۇڭگو - ەۆروپا كەزەكشى پويەزىنەن جيىنى 1700 نەشە كەزەك قاتىناپ، جول لەنياسى 19عا كوبەيىپ، ورتا ازيا مەن ەۆروپاداعى 17 مەملەكەتتىڭ 24 قالاسىنا جالعاسىپ، جۇڭگو - ەۆروپا كەزەكشى پويەز تاسىمالىنىڭ كوپ ورىننان جولعا شىعاتىن، كوپ جەردە قاتىنايتىن، كوپ جەرگە جەتەتىن جاڭا جۇيەسىن قالىپتاستىرعان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
